Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕುತೂಹಲಕಾರಿ ತಿರುವು ಪಡೆಯಲಿದೆಯೇ ಸುಶಾಂತ್ ಸಿಂಗ್ ಸಾವು?
ಬಾಲಿವುಡ್ನಲ್ಲಿ ತನ್ನದೇ ಛಾಪು ಮೂಡಿಸುತ್ತಿದ್ದ ವೇಳೆಗೆ ಸುಶಾಂತ್ ಸಿಂಗ್ ರಜಪೂತ್ ಜೀವನ ಅಂತ್ಯವಾಗಿದೆ. ಅವರ ಮನೆಯಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ದೇಹ ಪತ್ತೆಯಾಗಿದ್ದು, ಸುಶಾಂತ್ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎನ್ನಲಾಗುತ್ತಿದೆ.
ಉತ್ತಮ ನಟರಾಗಿದ್ದ ಸಾಕಷ್ಟು ಅವಕಾಶಗಳನ್ನೂ ಹೊಂದಿದ್ದ, ವಿದ್ಯಾವಂತರೂ ಆಗಿದ್ದ ಸುಶಾಂತ್ ಗೆ ಆತ್ಮಹತ್ಯೆ ಮಾಡಿಕೊಳ್ಳಲು ದೊಡ್ಡ ಕಾರಣಗಳಿದ್ದುವು ಎಂಬುದು ಮೇಲ್ನೋಟಕ್ಕೆ ಕಾಣುತ್ತಿಲ್ಲ.
ನಟ ಸುಶಾಂತ್ ಸಿಂಗ್ ಆತ್ಮಹತ್ಯೆ: ಇಲ್ಲಿದೆ ತನಿಖೆಯ ಪ್ರಾಥಮಿಕ ಮಾಹಿತಿ
ಅವರ ಪ್ರೇಮ ಪ್ರಕರಣ, ವೈಯಕ್ತಿಕ ಸಂಬಂಧಗಳಲ್ಲಿದ್ದ ಗೋಜಲುಗಳಿಂದ ಸುಶಾಂತ್ ಸಾವಿಗೆ ತಮ್ಮನ್ನು ಒಡ್ಡಿಕೊಂಡಿದ್ದಾರೆ ಎಂಬ ಅನುಮಾನಗಳನ್ನು ವ್ಯಕ್ತಪಡಿಸಲಾಗುತ್ತಿದೆ. ಸುಶಾಂತ್ ಸಾವಿನ ಪ್ರಕರಣ ಒಟ್ಟಾರೆ ಕುತೂಹಲಕಾರಿ ತಿರುವು ಪಡೆದುಕೊಳ್ಳುವ ಸಾಧ್ಯತೆ ಇದೆ. ಅದಕ್ಕೆ ಕಾರಣಗಳೂ ಇವೆ.
ಕೆಲವೇ ದಿನಗಳ ಹಿಂದೆ ಮಾಜಿ ಮ್ಯಾನೇಜರ್ ಆತ್ಮಹತ್ಯೆ
ಸುಶಾಂತ್ ಸಿಂಗ್ ಅವರ ಮಾಜಿ ಮ್ಯಾನೇಜರ್ ದಿಶಾ ಸಾಲಿಯಾನ್ ಐದು ದಿನಗಳ ಹಿಂದಷ್ಟೆ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಮಲಾಡ್ನ ಅಪಾರ್ಟ್ಮೆಂಟ್ ಮೇಲಿದ್ದು ಬಿದ್ದು ಸಾವನ್ನಪ್ಪಿದ್ದರು. ಈ ಸಾವಿಗೂ ಸುಶಾಂತ್ ಸಾವಿಗೂ ನಂಟಿದೆಯಾ ಎಂಬುದು ಪೊಲೀಸರ ತನಿಖೆಯ ಭಾಗವಾಗಿರಲಿದೆ.
ಸುಶಾಂತ್-ಅಂಕಿತಾ ಲೋಕಂಡೆ
ಸುಶಾಂತ್ ಸಿಂಗ್ ಗೆ ಕೆಲವು ಮಾಜಿ ಪ್ರೇಯಸಿಯರು, ಹಾಲಿ ಪ್ರೇಯಸಿ ಇದ್ದರು. ಟಿವಿ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾಗ ಅಂಕಿತಾ ಲೋಕಂಡೆ ಜೊತೆ ಸುಶಾಂತ್ ಪ್ರೀತಿಯಲ್ಲಿದ್ದರು, ಇವರ ಪ್ರೀತಿ ಬಹುದಿನಗಳ ವರೆಗೆ ನಡೆಯಿತು. ನಂತರ ಇಬ್ಬರು ಬೇರಾದರು.
ಅಂಕಿತಾ ಲೋಕಂಡೆ ನಿಶ್ಚಿತಾರ್ಥವಾಯಿತು
ಏಪ್ರಿಲ್ ತಿಂಗಳಲ್ಲಿ ಅಂಕಿತಾ ಲೋಕಂಡೆ ಅವರ ನಿಶ್ಚಿತಾರ್ಥ ಆಗಿತ್ತು. ಅವರು ವಿಕ್ಕಿ ಜೈನ್ ಎಂಬುವರ ಜೊತೆ ಎಂಗೇಜ್ ಆದರು. ಮಧ್ಯಮವರ್ಗದ ಕುಟುಂಬದಿಂದ ಬಂದಿದ್ದ ಸುಶಾಂತ್ ಗೆ ಪ್ರೇಮವೈಫಲ್ಯ ಸಹಿಸಿಕೊಳ್ಳಲಾಗಲಿಲ್ಲವಾ ಎಂಬ ಅನುಮಾನವೂ ಇದೆ.
ಕೃತಿ ಸೆನನ್ ಜೊತೆಗೂ ಹೆಸರು ತಳುಕುಹಾಕಿಕೊಂಡಿತ್ತು
ಅಂಕಿತಾ ಲೋಕಂಡೆ ಹೊರತುಪಡಿಸಿ ಅವರ ಹೆಸರು ನಾಯಕ ನಟಿ ಕೃತಿ ಸೆನನ್ ಜೊತೆಗೂ ಕೇಳಿಬಂದಿತ್ತು. ಆದರೆ ಕೃತಿ ಸೆನನ್ ಅದನ್ನು ತಳ್ಳಿ ಹಾಕಿದ್ದರು. ಇವರಿಬ್ಬರ ಬಗೆಗಿನ ಗಾಳಿ ಸುದ್ದಿ ಬೇಗನೆ ಅಂತ್ಯವಾಯಿತು.
ರಿಹಾ ಚಕ್ರೊಬರ್ತಿ ಜೊತೆ ಮನಸ್ತಾಪ?
ನಂತರ ಸುಶಾಂತ್ ಸಿಂಗ್ ಹೆಸರು ಗಾಢವಾಗಿ ಕೇಳಿಬಂದಿದ್ದು ರಿಹಾ ಚಕ್ರೊಬರ್ತಿ ಜೊತೆ. ಇವರೂ ಸಹ ನಟಿಯಾಗಿದ್ದು, ತೆಲುಗಿನ ಒಂದು ಹಾಗೂ ಆರು ಹಿಂದಿ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಮಾರ್ಚ್ 11 ರಂದು ಇಬ್ಬರೂ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಇವರಿಬ್ಬರ ನಡುವೆ ಏನಾದರೂ ಮನಸ್ತಾಪವಾಯಿತೆ ಎಂಬುದು ತನಿಖೆಯಿಂದಲೇ ಗೊತ್ತಾಗಬೇಕಿದೆ.