ಸುಶಾಂತ್ ಸಿಂಗ್ ಅರ್ಧಕ್ಕೆ ಬಿಟ್ಟುಹೋದ ಸಿನಿಮಾಗಳು

ಬಹುಬೇಡಿಕೆಯ ನಟರಲ್ಲಿ ಒಬ್ಬರು ಸುಶಾಂತ್

ಅದ್ಭುತ ನಟರಾಗಿದ್ದ ಸುಶಾಂತ್ ಬಾಲಿವುಡ್‌ನಲ್ಲಿ ಬೇಡಿಕೆಯ ಯುವನಟ ಸಹ ಆಗಿದ್ದರು. ಹಲವಾರು ಹಿಟ್ ಸಿನಿಮಾಗಳನ್ನು ನೀಡಿದ್ದ ಅವರ ಕೈಲಿ ಈಗಲೂ ಹಲವು ಸಿನಿಮಾಗಳು ಇದ್ದವು.

ಬಿಡುಗಡೆಯಾದ ಕೊನೆಯ ಸಿನಿಮಾ 'ಡ್ರೈವ್'

ಸುಶಾಂತ್ ಸಿಂಗ್ ರಜಪೂತ್ ಅವರ ಕೊನೆಯದಾಗಿ ಬಿಡುಗಡೆ ಆದ ಸಿನಿಮಾ 'ಡ್ರೈವ್'. ನೆಟ್‌ಫ್ಲಿಕ್ಸ್‌ನಲ್ಲಿ ನವೆಂಬರ್ 1 ರಂದು ಸಿನಿಮಾ ಬಿಡುಗಡೆ ಆಗಿತ್ತು. ಸಿನಿಮಾದಲ್ಲಿ ಜಾಕ್ವೆಲಿನ್ ಫರ್ನಾಂಡಿಸ್ ನಾಯಕಿಯಾಗಿ ನಟಿಸಿದ್ದರು. ಸಿನಿಮಾ ಅಷ್ಟೇನೂ ದೊಡ್ಡ ಖ್ಯಾತಿ ಗಳಿಸಲಿಲ್ಲ.

ದಿಲ್ ಬೇಚಾರ ಬಿಡುಗಡೆ ಆಗುವುದಿತ್ತು

ಸುಶಾಂತ್ ಅವರ 'ದಿಲ್ ಬೇಚಾರ' ಸಿನಿಮಾ ಬಿಡುಗಡೆಗೆ ತಯಾರಾಗಿತ್ತು. ಮೇ 8 ರಂದು ಸಿನಿಮಾ ಬಿಡುಗಡೆ ಆಗಬೇಕಿತ್ತು ಆದರೆ ಲಾಕ್‌ಡೌನ್ ಕಾರಣದಿಂದ ಸಿನಿಮಾ ಬಿಡುಗಡೆ ಆಗಲಿಲ್ಲ. ಇದೊಂದು ಪ್ರೇಮಕತೆಯಾಗಿದ್ದು ಸಿನಿಮಾದಲ್ಲಿ ಸೈಫ್ ಅಲಿ ಖಾನ್ ಸಹ ಇದ್ದಾರೆ.

ಮಾತುಕತೆ ಹಂತದಲ್ಲಿದ್ದ ಸಿನಿಮಾಗಳು

ಇದರ ಹೊರತಾಗಿ ದಕ್ಷಿಣ ಭಾರತದ ಸಿನಿಮಾವೊಂದರ ರೀಮೇಕ್‌ನಲ್ಲಿ ಸಹ ಸುಶಾಂತ್ ನಟಿಸಲಿದ್ದರು. ಇದರ ಜೊತೆಗೆ ಮಲ್ಟಿಸ್ಟಾರರ್ ಸಿನಿಮಾದಲ್ಲಿಯೂ ಸಹ ಸುಶಾಂತ್ ನಟಿಸುವವರಿದ್ದರು. ನೆಟ್‌ಫ್ಲಿಕ್ಸ್‌ ಒರಿಜಿನಲ್ಸ್‌ ಸಿನಿಮಾಕ್ಕೆ ಮಾತುಕತೆ ಸಹ ನಡೆಯುತ್ತಿತ್ತು.