Don't Miss!
- Technology ಹಾನರ್ನಿಂದ ಹೊಸ ಬ್ಲೂಟೂತ್ ಸ್ಪೀಕರ್ ಲಾಂಚ್: ಬೆಲೆ ಎಷ್ಟು?
- News ಜಗದೀಶ್ ಶೆಟ್ಟರ್ಗೆ ಬೆಳಗಾವಿ ಸ್ಪರ್ಧೆ ಮತ್ತಷ್ಟು ಜಟೀಲ: ಗೋಬ್ಯಾಕ್ ಅಭಿಯಾನ ಯಶಸ್ವಿ ಆಯ್ತಾ?
- Automobiles ನಟ ವಿಜಯ್ ನೋಡಲು ಬಂದ ಜನಸಾಗರ: ಅಭಿಮಾನಿಗಳಿಂದ ನಟನ ಕಾರಿಗೆ ಹಾನಿ!
- Sports IPL ಬಿಡಿ, WPLನಲ್ಲಿ ಆರ್ಸಿಬಿಗೆ ಗೆದ್ದ ಮೊತ್ತಕ್ಕೂ ಸಮವಿಲ್ಲ PSL ವಿಜೇತರಿಗೆ ಸಿಕ್ಕ ಬಹುಮಾನ
- Lifestyle ಕೆಜಿಎಫ್ ಎಲ್ ಡೊರಾಡೊ ಕಥೆ ಕೇಳಿದ್ದೀರಾ? ಇದು ಸಮುದ್ರದಲ್ಲಿ ಮುಳುಗಿದ ಎಲ್ ಡೊರಾಡೊ ಹಡಗಿನ ಕಥೆ..!
- Finance ಬೆಂಗಳೂರಿನ ಮೇಘನಾ ಫುಡ್ಸ್ ಹೋಟೆಲ್ ಮಳಿಗೆಗಳ ಮೇಲೆ ಐಟಿ ದಾಳಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸುಶಾಂತ್ ಸಿಂಗ್ ಸಿನಿಮಾ ದಿಲ್ ಬೇಚಾರಾ ಟ್ರೇಲರ್ ಬಿಡುಗಡೆ: ಕಣ್ಣೀರು ತಡೆಯಲಾದೀತೆ?
ನಟ ಸುಶಾಂತ್ ಸಿಂಗ್ ಅಭಿನಯದ ಕೊನೆಯ ಸಿನಿಮಾ 'ದಿಲ್ ಬೇಚಾರಾ'ದ ಟ್ರೇಲರ್ ಇಂದು ಬಿಡುಗಡೆ ಆಗಿದೆ.
Recommended Video
ಎರಡೂವರೆ ನಿಮಿಷದ ಟ್ರೇಲರ್ನಲ್ಲಿ ಸುಶಾಂತ್ ತುಂಬಿಕೊಂಡಿದ್ದಾರೆ. ಸುಶಾಂತ್ ಬದುಕಿದ್ದಿದ್ದರೂ ಇದೊಂದು ಒಳ್ಳೆಯ ಟ್ರೇಲರ್ರೇ ಎನಿಸಿಕೊಳ್ಳುತ್ತಿತ್ತು. ಸುಶಾಂತ್ ಇಲ್ಲದ ಹೊತ್ತಿನಲ್ಲಿ ಟ್ರೇಲರ್ ಗೆ ಅದರೊಳಗಿನ ಸನ್ನಿವೇಶಗಳಿಗೆ ವಿಶೇಷ ಭಾವುಕತನ ಪ್ರಾಪ್ತಿಯಾಗಿದೆ.
ನಿಜಕ್ಕೂ ಆಕಾಶದ ತಾರೆಯಾದ ಸುಶಾಂತ್ ಸಿಂಗ್ ರಜಪೂತ್!
'ದಿಲ್ ಬೇಚಾರ' ಸಿನಿಮಾದ ಟ್ರೇಲರ್ ನೋಡಿದರೆ ಅರ್ಥವಾಗುತ್ತದೆ, ಸಿನಿಮಾದಲ್ಲಿ ಸುಶಾಂತ್ ಒಬ್ಬ ಜೀವನಪ್ರೀತಿ ತುಂಬಿದ, ತರಲೆ, ಕೀಟಲೆ, ತಮಾಷೆ ಪ್ರವೃತ್ತಿಯ ಯುವಕನ ಪಾತ್ರ ನಿರ್ವಹಿಸಿದ್ದಾರೆಂದು.
ಸಾವಿನಂಚಿನಲ್ಲಿರುವ ನಾಯಕಿಗೆ ಜೀವನ ಪ್ರೀತಿ ತುಂಬುವ ಪಾತ್ರ
ಸಾವಿನಂಚಿನಲ್ಲಿರುವ ಕ್ಯಾನ್ಸರ್ ರೋಗಿಗೆ ಜೀವನ ಪ್ರೀತಿ ತುಂಬುವ ಪಾತ್ರ ಸುಶಾಂತ್ ಸಿಂಗ್ನದ್ದು, ಸಾವಿಗೆ ಹತ್ತಿರವಿರುವ ನಾಯಕಿಯನ್ನು ಪ್ರೇಮಿಸುವ ನಾಯಕನ ಪಾತ್ರ ಸುಶಾಂತ್ನದ್ದು. ಎಂಥಹಾ ವೈಚಿತ್ರ್ಯ, ಸ್ವತಃ ಸಾವಿನೆಡೆಗೆ ಹೋಗುತ್ತಿದ್ದ ಸುಶಾಂತ್ ಸಿನಿಮಾದಲ್ಲಿ ಮಾತ್ರ ವೈರುಧ್ಯದ ಪಾತ್ರ ನಿರ್ವಹಿಸಿದ್ದಾರೆ.
ನಗುತ್ತಲೇ ಅಳಿಸುವ ಸುಶಾಂತ್ ಸಿಂಗ್
ಟ್ರೇಲರ್ನ ಬಹುಭಾಗ ಸುಶಾಂತ್ ನಗುತ್ತಲಿದ್ದಾರೆ, ಮರೆಯಾಗುವ ಮುನ್ನಾ ಅಂತಿಮ ನಗು ನಗುತ್ತಿರುವಂತೆ ಟ್ರೇಲರ್ ನೋಡುತ್ತಿರುವವರಿಗೆ ಅನ್ನಿಸುತ್ತದೆ. ಸುಶಾಂತ್ ಅಭಿಮಾನಿಗಳಿಗಂತೂ ಹೃದಯ ಭಾರ ಮಾಡುತ್ತದೆ ಸುಶಾಂತ್ ನಗು.
ಗೆಳೆಯನಿಗೆ ಕೊಟ್ಟಿದ್ದ ಮಾತು ಉಳಿಸಿಕೊಂಡ ಸುಶಾಂತ್ ಸಿಂಗ್ ರಜಪೂತ್
ಸುಶಾಂತ್ ಹೇಳಿದ ಸಂಭಾಷಣೆ ಇದು
'ಯಾವಾಗ ಹುಟ್ಟುತ್ತೇವೆ, ಯಾವಾಗ ಸಾಯುತ್ತೇವೆ ಇದು ನಾವು ನಿರ್ಧರಿಸಲು ಸಾಧ್ಯವಿಲ್ಲ. ಆದರೆ ಹೇಗೆ ಬದುಕುತ್ತೇವೆ ಇದನ್ನು ನಾವು ಡಿಸೈಡ್ ಮಾಡಬಹುದು' ಟ್ರೇಲರ್ನಲ್ಲಿ ಸುಶಾಂತ್ ಹೇಳುವ ಸಂಭಾಷಣೆ ಇದು. ಅವರೇ ಹೇಳಿದ ಮಾತನ್ನು ಅವರೇ ಪಾಲಿಸಲಿಲ್ಲವಲ್ಲಾ ಎಂದು ಮನಸ್ಸು ಹಿಂಡಿದ ಅನುಭವಾಗುತ್ತದೆ ಸಂಭಾಷಣೆ ಕೇಳಿದಾಗ.
ಸುಶಾಂತ್ ಸಿಂಗ್ ದೇಹದಲ್ಲಿ ವಿಷಕಾರಿ ಅಂಶ ಇತ್ತೇ?: ವರದಿ ಹೇಳುವುದೇನು?
ಸುಶಾಂತ್ ಮೇಲೆ ಕಣ್ಣು ನೆಡುತ್ತದೆ
ಟ್ರೇಲರ್ನಲ್ಲಿ ಸುಶಾಂತ್ ಬಿಟ್ಟು ಇನ್ನೂ ಕೆಲವರಿದ್ದಾರೆ ಆದರೆ ಕಣ್ಣು ಸುಶಾಂತ್ ಬಿಟ್ಟು ಕದಲುವುದಿಲ್ಲ. ನಾಯಕಿ ಸಂಜನಾ ಸಂಗಿ ಮುದ್ದಾಗಿ ಕಾಣುತ್ತಾರೆ. ಸಿನಿಮಾದಲ್ಲಿ ನಟಿಸಿರುವ ಮತ್ತೊಬ್ಬ ಸ್ಟಾರ್ ನಟ ಸೈಫ್ ಅಲಿ ಖಾನ್ ಟ್ರೇಲರ್ನಲ್ಲಿ ಕಾಣುವುದಿಲ್ಲ.