ಸುಶಾಂತ್ ಸಿಂಗ್‌ ಒಳಾಂಗಗಳ ಪರೀಕ್ಷಾ ವರದಿ ಹೇಳುತ್ತಿರುವುದೇನು?

ವಿಸ್ಸೆರಾ ಪರೀಕ್ಷಾ ವರದಿ

ಸುಶಾಂತ್ ಸಿಂಗ್ ಮೃತದೇಹದ ವಿಸ್ಸೆರಾ ವರದಿ ಪ್ರಕಾರ ಸುಶಾಂತ್ ಸಾವು ಆತ್ಮಹತ್ಯೆಯಿಂದಲೇ ಆಗಿದೆಯಂತೆ. ಸುಶಾಂತ್ ದೇಹದಲ್ಲಿ ವಿಷಕಾರಿ ಅಂಶ ಪತ್ತೆಯಾಗಿಲ್ಲ ಎಂದು ವರದಿ ಹೇಳುತ್ತಿದೆ.

ಸ್ಪಷ್ಟತೆಗಾಗಿ ಇನ್ನೊಂದಿಷ್ಟು ಪರೀಕ್ಷೆ

ಸುಶಾಂತ್ ಸಿಂಗ್ ಮರಣೋತ್ತರ ಪರೀಕ್ಷಾ ವರದಿಯು ಸುಶಾಂತ್‌ ಸಿಂಗ್‌ ಸಾವು ಆತ್ಮಹತ್ಯೆಯಿಂದಲೇ ಆಗಿದೆಯೆಂದು ಈಗಾಗಲೇ ಸ್ಪಷ್ಟಪಡಿಸಿತ್ತು. ಆದರೆ ಹೆಚ್ಚಿನ ಸ್ಪಷ್ಟತೆಗಾಗಿ ಇನ್ನೂ ಕೆಲವು ಪರೀಕ್ಷೆಗಳನ್ನು ಮಾಡಲಾಗಿತ್ತು.

ಉಗುರು ಮತ್ತು ಹೊಟ್ಟೆಯ ಭಾಗಗಳ ಪರೀಕ್ಷೆ

ಬಲವಂತದ ಉಸಿರುಗಟ್ಟಿಸುವಿಕೆ ನಡೆದಿರಬಹುದಾದ ಅನುಮಾನದ ಮೇರೆಗೆ ಸುಶಾಂತ್ ಅವರ ಉಗುರು, ಹೊಟ್ಟೆ ಭಾಗಗಳನ್ನು ಪರೀಕ್ಷೆಗೆ ಕಳುಹಿಸಲಾಗಿತ್ತು ಅದರ ವರದಿ ಇನ್ನಷ್ಟೆ ಬರಬೇಕಿದೆ.

37 ಮಂದಿಯನ್ನು ವಿಚಾರಣೆಗೆ ಒಳಪಡಿಸಲಾಗಿದೆ

ಸುಶಾಂತ್ ಸಿಂಗ್ ಆತ್ಮಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈವರೆಗೆ 37 ಮಂದಿಯನ್ನು ವಿಚಾರಣೆ ನಡೆಸಿ ಹೇಳಿಕೆಗಳನ್ನು ದಾಖಲಿಸಿಕೊಳ್ಳಲಾಗಿದೆ. ಕರಣ್ ಜೋಹರ್‌ನ ಧರ್ಮಾ ಪ್ರೊಡಕ್ಷನ್‌ನ ಸಿಇಒ ಮಂಗಳವಾರ ಹೇಳಿಕೆಯನ್ನು ನೀಡಲಿದ್ದಾರೆ. ಇಂದು ಮಹೇಶ್ ಭಟ್ ಹೇಳಿಕೆ ನೀಡಿದ್ದಾರೆ.