ವಿಚಿತ್ರ ಕಾಯಿಲೆಯ ವಿರುದ್ಧ ಹೋರಾಡಿ ಗೆದ್ದ ಸುಶ್ಮಿತಾ ಸೇನ್: ಯಾವುದಾ ಕಾಯಿಲೆ?

ಕಾಯಿಲೆಯಿರುವುದು ಗೊತ್ತಾಗಿದ್ದು 2014 ರಲ್ಲಿ

2014 ರಲ್ಲಿ ಸುಶ್ಮಿತಾ ಸೇನ್‌ ಗೆ ಅಡಿಸೋನ್ ಎಂಬ ವಿಚಿತ್ರ ಕಾಯಿಲೆ ಇರುವುದು ಪತ್ತೆಯಾಗಿತ್ತು. ಆಗ ಸುಶ್ಮಿತಾ ಪುರ್ಣವಾಗಿ ಕುಸಿದು ಹೋಗಿದ್ದರಂತೆ. ಜೀವದ ಮೇಲಿನ ಆಸೆಯನ್ನೂ ಕೈಬಿಟ್ಟಿದ್ದರಂತೆ ಸುಶ್ಮಿತಾ.

ಫೈಟ್ ಬ್ಯಾಕ್ ಮಾಡಿದ ಸುಶ್ಮಿತಾ ಸೇನ್

ಆದರೆ ತಾವು ಹೀಗೆ ಕೈಚೆಲ್ಲಿ ಕೂತಿದ್ದು ಸ್ವತಃ ಸುಶ್ಮಿತಾ ಸೇನ್‌ ಗೆ ಇಷ್ಟವಾಗದೆ. ಫೈಟ್ ಬ್ಯಾಕ್ ಮಾಡಿದಂತೆ. ಪ್ರತಿದಿನ ವ್ಯಾಯಾಮ, ರೋಪ್ ವ್ಯಾಯಾಮ ಸೇರಿ, ಜಪಾನ್‌ನ ಸಮರ ಕಲೆಯಾದ ನುಂಚಾಕು ಅನ್ನು ಪ್ರತಿದಿನ ಅಭ್ಯಾಸ ಮಾಡಿ, ಅದರ ಮೂಲಕ ಧ್ಯಾನ ಮಾಡಲು ಪ್ರಾರಂಭಿಸಿದರಂತೆ ಸುಶ್ಮಿತಾ ಸೇನ್.

ನೋವನ್ನು ವ್ಯಾಯಾಮವಾಗಿ ಬದಲಾಯಿಸಿದೆ: ಸುಶ್ಮಿತಾ

ನೋವನ್ನು ವ್ಯಾಯಾಮವಾಗಿ ಬದಲಾಯಿಸಿದೆ. ಮರಳಿ ಹೋರಾಟಕ್ಕೆ ಇಳಿದೆ. ಪ್ರತಿದಿನ ಬಿಡದೆ ನಂಚಾಕು ಅಥವಾ ಚೇನ್ ಸ್ಟಿಕ್ಸ್ ಅಭ್ಯಾಸ ಮಾಡಿದೆ. ನನ್ನ ಅಡ್ರಿನಲ್ ಗ್ರಂಥಿಗಳು ಪುನಃ ಕೆಲಸ ಮಾಡಲು ಪ್ರಾರಂಭಿಸಿದವು. ನಾನು ಅಡಿಸೋನ್ ಕಾಯಿಲೆಯಿಂದ ಮುಕ್ತವಾದೆ ಎಂದಿದ್ದಾರೆ ಸುಶ್ಮಿತಾ ಸೇನ್.

ಏನಿದು ಅಡಿಸೋನ್ ಕಾಯಿಲೆ?

ಅಡಿಸೋನ್ ಕಾಯಿಲೆ ಹಾರ್ಮೊನುಗಳಿಗೆ ಸಂಬಂಧಿಸಿದ್ದು. ಈ ಕಾಯಿಲೆ ಬಂದವರ ಕಿಡ್ನಿಯ ಕೆಳಭಾಗದಲ್ಲಿರುವ ಅಡ್ರಿನಲ್ ಗ್ರಂಥಿಗಳು ಹಾರ್ಮೋನು ಉತ್ಪಾದನೆ ಮಾಡುವುದಿಲ್ಲ. ಇದರಿಂದಾಗಿ ತೂಕ ಕಡಿಮೆ ಆಗುವುದು, ಬಣ್ಣ ಕಳೆದುಕೊಳ್ಳುವುದು, ಕಿರಿ-ಕಿರಿ, ಸಿಟ್ಟು ಹೆಚ್ಚಾಗುವುದು ಆಗುತ್ತದೆ.