ಸಲ್ಮಾನ್ ಖಾನ್ ಚಿತ್ರದಲ್ಲಿ ಹಾಲಿವುಡ್ ನಟ ನಟನೆ.!

ಅಕ್ಷಯ್ ಜೊತೆ ಸಿಲ್ವೆಸ್ಟರ್ ಸ್ಟಲ್ಲೋನ್

2009ರಲ್ಲಿ ಬಿಡುಗಡೆಯಾಗಿದ್ದ 'ಕಂಬಕ್ತ್ ಇಷ್ಕ್' ಚಿತ್ರದಲ್ಲಿ ಈ ಹಿಂದೆ ಹಾಲಿವುಡ್ ನಟ ಸಿಲ್ವೆಸ್ಟರ್ ಸ್ಟಲ್ಲೋನ್ ಅಭಿನಯಿಸಿದ್ದರು. ಅಕ್ಷಯ್ ಕುಮಾರ್ ಮತ್ತು ಕರೀನಾ ಕಪೂರ್ ಈ ಚಿತ್ರದ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದರು. ಅಷ್ಟೇ ಅಲ್ಲದೇ, ಹಾಲಿವುಡ್ ನ ಬ್ರ್ಯಾಂಡನ್ ರುಥ್, ಡೆನಿಸ್ ರಿಚರ್ಡ್ಸ್ ಕೂಡ ಈ ಸಿನಿಮಾದಲ್ಲಿ ನಟಿಸಿದ್ದರು.

'ರೇಸ್-3' ಚಿತ್ರದಲ್ಲಿ ಸಿಲ್ವೆಸ್ಟರ್ ಸ್ಟಲ್ಲೋನ್.?

ಇದೀಗ, ಮತ್ತೆ ಹಿಂದಿ ಸಿನಿಮಾದಲ್ಲಿ ಹಾಲಿವುಡ್ ನಟ ಸಿಲ್ವೆಸ್ಟರ್ ಸ್ಟಲ್ಲೋನ್ ಅಭಿನಯಿಸ್ತಾರ ಎಂಬ ಕುತೂಹಲ ಕಾಡುತ್ತಿದೆ. ಈ ಬಾರಿ ಸಲ್ಮಾನ್ ಖಾನ್ ಅಭಿನಯಿಸುತ್ತಿರುವ ರೇಸ್ 3 ಚಿತ್ರದಲ್ಲಿ ಬಣ್ಣ ಹಚ್ಚಬಹುದು ಎಂಬ ಮಾತಿದೆ. ಬಹುಶಃ ಈ ಸುದ್ದಿಯನ್ನ ಸ್ವತಃ ಸಲ್ಮಾನ್ ತಿಳಿಸಬಹುದು.

ಫೆರಾರಿ ಕಾರು ಯಾರದು.?

'ರೇಸ್-3' ಚಿತ್ರದಲ್ಲಿ ನಟ ಸಲ್ಮಾನ್ ಖಾನ್ ಫೆರಾರಿ ಕಾರೊಂದನ್ನ ಬಳಸಿಕೊಂಡಿದ್ದಾರೆ. ಈ ಕಾರು ದುಬೈ ಮೂಲದ 16 ವರ್ಷದ ಯುವಕನೊಬ್ಬನದ್ದು ಎಂಬುದು ಈಗ ತಿಳಿದುಬಂದಿದೆ. ದುಬೈನ ಶ್ರೀಮಂತ ಯುವಕ ಬೆಲ್ಹಸಾ ರಶ್ ಎಂಬುವವರ ಕಾರು ಇದಾಗಿದೆ.

'ರೇಸ್-3' ಚಿತ್ರದ ಸ್ಟಾರ್ ಕಲಾವಿದರು

'ರೇಸ್-3' ಚಿತ್ರವನ್ನ ರೆಮೋ ಡಿಸೋಜಾ ನಿರ್ದೇಶನ ಮಾಡುತ್ತಿದ್ದು, ಜಾಕ್ವೆಲಿನ್ ಫರ್ನಾಂಡಿಸ್, ಅನಿಲ್ ಕಪೂರ್, ಡೈಸಿ ಶಾ, ಬಾಬಿ ಡಿಯೋಲ್ ಮುಖ್ಯ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಸದ್ಯ ಭರದಿಂದ ಚಿತ್ರೀಕರಣ ಮಾಡುತ್ತಿರುವ ಚಿತ್ರತಂಡ ಜೂನ್ 15 ರಂದು ತೆರೆಗೆ ಬರಲಿದೆ ಎನ್ನಲಾಗಿದೆ.