ಸೈಫ್-ಕರೀನಾ ಮಗನ ಬರ್ತಡೇಗೆ ಅರಣ್ಯವನ್ನೇ ಗಿಫ್ಟ್ ಕೊಟ್ಟ ವ್ಯಕ್ತಿ

ಬಾಲಿವುಡ್ ಸ್ಟಾರ್ ದಂಪತಿ ಕರೀನಾ ಕಪೂರ್ ಮತ್ತು ಸೈಫ್ ಅಲಿಖಾನ್ ಪುತ್ರನ ಚೊಚ್ಚಲ ಬರ್ತಡೇಯನ್ನ ಡಿಸೆಂಬರ್ 20 ರಂದು ಅದ್ಧೂರಿಯಾಗಿ ಆಚರಣೆ ಮಾಡಲಾಗಿದೆ. ತೈಮೂರ್ ಅಲಿ ಖಾನ್ ಹುಟ್ಟುಹಬ್ಬಕ್ಕೆ ಹಲವು ಉಡುಗೊರೆಗಳು ಬಂದಿದೆ. ಆದ್ರೆ, ಇಲ್ಲೊಬ್ಬ ವ್ಯಕ್ತಿ 1 ಸಾವಿರ ಚದರ ಅಡಿಯ ಭೂಮಿಯನ್ನೇ ತೈಮೂರ್ ಗೆ ಗಿಫ್ಟ್ ಆಗಿ ನೀಡಿದ್ದಾರೆ.

ಈ 1 ಸಾವಿರ ಚದರ ಅಡಿಯ ಜಾಗದಲ್ಲಿ ಒಂದು ವಿಶೇಷವಾದ ಅರಣ್ಯವನ್ನ ನಿರ್ಮಿಸಿ ಈ ಅರಣ್ಯಕ್ಕೆ 'ತೈಮೂರ್ ಅಲಿ ಖಾನ್ ಪಟೌಡಿ ಫಾರೆಸ್ಟ್' ಎಂದು ಹೆಸರಿಡಲಾಗಿದೆ. ಈ ಅರಣ್ಯದಲ್ಲಿ ಸುಮಾರು 100 ಮರಗಳು, ಪಕ್ಷಿಗಳು, ಗಿಡಗಳು, ಹೂವು, ಸಾಂಬಾರು ಪದಾರ್ಥ, ತರಕಾರಿ ಪದಾರ್ಥಗಳು ಸೇರಿದಂತೆ ಹಲವು ಗಿಡಗಳಿವೆಯಂತೆ.

ಬಾಲಿವುಡ್ ಪೌಷ್ಟಿಕತಜ್ಞ ರುಜತಾ ದಿವಾಕರ್ ಅವರು ಈ ವಿಶೇಷವಾದ ಉಡುಗೊರೆಯನ್ನ ನೀಡಿದ್ದಾರೆ. ಇನ್ನುಳಿದಂತೆ ತೈಮೂರ್ ಹುಟ್ಟುಹಬ್ಬದ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಅಭಿಮಾನಿಗಳು, ಬಾಲಿವುಡ್ ಸಿನಿತಾರೆಯರು ಎಲ್ಲರೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.