ಹಾರರ್ ಸಿನಿಮಾ ದಿ 'ನನ್' ಪೋಸ್ಟರ್ ಬಗ್ಗೆ ಸಕತ್ 'ಫನ್'

ಅನುಷ್ಕಾ 'ದಿ ನನ್' ಶರ್ಮ

ಅನುಷ್ಕಾ ಶರ್ಮ ಅವರ ಸೂಯಿ ಧಾಗ ಚಿತ್ರದ ಪೋಸ್ಟರ್ ಗಳು ಇಂಟರ್ನೆಟ್ ನಲ್ಲಿ ಈಗಾಗಲೇ ಹರಿದಾಡುತ್ತಿವೆ. ಇಬ್ಬರು ಅನುಷ್ಕಾ ಅವರು ಕುಕ್ಕರಗಾಲಲ್ಲಿ ಕೂತು ಯೋಚಿಸುತ್ತಿರುವ ರೀತಿಯ ಚಿತ್ರವನ್ನು ಎಲ್ಲಾ ಸ್ಥಳಕ್ಕೆ ಹೊಂದಿಸಲಾಗುತ್ತಿದೆ. ಇಲ್ಲಿ ಟ್ವಿಟ್ಟರ್ ಖಾತೆ Mask Ishan @Mr_LoLwa ಅವರು ಅನುಷ್ಕಾ ಅವರ ನನ್ ಪೋಸ್ಟರ್ ಮಾಡಿ ಸ್ಸಾರಿ ಎಂದು ಅಡಿಬರಹ ಕೊಟ್ಟಿದ್ದಾರೆ.

ಘ'ನನ್' ಘನನ್

ಅಮೀರ್ ಖಾನ್ ಅವರ ಸ್ಮರಣೀಯ ಚಿತ್ರ ಲಾಗನ್ ನ ಜನಪ್ರಿಯ ಪೋಸ್ ಬಳಸಿಕೊಂಡು ನನ್ ಪೋಸ್ಟರ್ ಗೆ ಹೊಂದಿಸಲಾಗಿದೆ. ಎಐಬಿ ಅವರು ಘ 'ನನ್' ಘನನ್ ಎಂದು ಲಾಗನ್ ಹಾಡನ್ನು ನೆನಪಿಸಿದ್ದಾರೆ.

ಸಂಜು ಬನ್ ಗಯಾ ನನ್

ಸಂಜಯ್ ದತ್ ಗೆಟ್ ಅಪ್ ನಲ್ಲಿರುವ ರಣಬೀರ್ ಕಪೂರ್ ಅವರನ್ನು ದಿ ನನ್ ಚಿತ್ರದ ಪೋಸ್ಟರ್ ಗೆ ಹೊಂದಿಸಲಾಗಿದ್ದು, ಒನ್ ನನ್ ಮೆನಿ ಲೀವ್ಸ್ ಎಂದು ಅಡಿಬರಹ ನೀಡಲಾಗಿದೆ.

ಡೈಸಿ ಶಾ ಡೈಲಾಗ್

ರೇಸ್ 3 ಚಿತ್ರದಲ್ಲಿ ಡೈಸಿ ಶಾ ಹೇಳುವ ' 'It's none of your business'? ಡೈಲಾಗ್ ಬಳಸಿಕೊಂಡು ಮೀಮ್ಸ್ ಮಾಡಲಾಗಿದೆ. none ಬದಲಿಗೆ nun ಎಂದು ಪದ ಬದಲಿಸಲಾಗಿದೆ.

ತಮಾಷೆ ಜೊತೆಗೆ ಜಾಗೃತಿ

ಬೆಂಗಳೂರು ಪೊಲೀಸರು ಗೇಮ್ ಆಫ್ ಥ್ರೋನ್ಸ್ ಪಾತ್ರಧಾರಿಗಳನ್ನು ಬಳಸಿಕೊಂಡು ಹೆಲ್ಮೆಟ್ ಧರಿಸುವಂತೆ ಟ್ವೀಟ್ ಮಾಡುವುದನ್ನು ನೋಡಿರಬಹುದು ಅದೇ ರೀತಿ ಮುಂಬೈ ಪೊಲೀಸರು ದಿ ನನ್ ಪೋಸ್ಟರ್ ಬಳಸಿಕೊಂಡು ಪಾರ್ಕಿಂಗ್ ಬಗ್ಗೆ ಜಾಗೃತಿ ಮೂಡಿಸಿದ್ದಾರೆ.