ಮದುವೆಗೆ ಸೋನಂ ಧರಿಸಿದ ಉಂಗುರದ ಬೆಲೆ ಕೇಳಿದ್ರೆ, ನಿಮ್ಮ ಕಣ್ಣರಳುತ್ತೆ.!

ಸೋನಂ ಕಪೂರ್ ಉಂಗುರದ ಬೆಲೆ ಎಷ್ಟು ಗೊತ್ತಾ.?

ತಮ್ಮ ಮದುವೆಗೆಂದು ಸೋನಂ ಕಪೂರ್ ಧರಿಸಿದ್ದ ಉಂಗುರದ ಬೆಲೆ ಬರೋಬ್ಬರಿ 90 ಲಕ್ಷ ರೂಪಾಯಿ. ನೀವು ನಂಬಿದ್ರೂ, ಬಿಟ್ಟರೂ ಇದೇ ಸತ್ಯ. ಸೋನಂ ಕಪೂರ್ ಗೆ ವಜ್ರ ಅಂದ್ರೆ ಪಂಚಪ್ರಾಣ. ವಜ್ರಖಚಿತವಾಗಿರುವ ಉಂಗುರವನ್ನೇ ಸೋನಂ ತಮ್ಮ ವಿವಾಹದಲ್ಲಿ ಧರಿಸಿದ್ದರು.

ಸೋನಂ ಮಾಂಗಲ್ಯ ಇದು

ಇದು ನಟಿ ಸೋನಂ ಕಪೂರ್ ರವರ ಮಾಂಗಲ್ಯ ಸರ. ತಮ್ಮ ಕರಿಮಣಿ ಮಾಂಗಲ್ಯವನ್ನ ಸ್ವತಃ ತಾವೇ ಡಿಸೈನ್ ಮಾಡಿದ್ದಾರೆ ನಟಿ ಸೋನಂ ಕಪೂರ್.

ವಜ್ರಖಚಿತ ಮಾಂಗಲ್ಯ

ಸೋನಂ ಕಪೂರ್ ಮಾಂಗಲ್ಯ ಸರದಲ್ಲಿ ಮಿಥುನ ಹಾಗೂ ಸಿಂಹ ರಾಶಿಯ ಚಿಹ್ನೆ ಜೊತೆಗೆ ವಜ್ರವೂ ಇದೆ.

ಮದುವೆ ನಂತರವೂ ಎಲ್ಲವೂ ಹಾಗೇ ಇದೆ

ಮದುವೆ ಆದ ಮಾತ್ರಕ್ಕೆ ಸಿನಿಮಾಗಳಿಗೆ ನಟಿ ಸೋನಂ ಕಪೂರ್ ಗುಡ್ ಬೈ ಹೇಳಿಲ್ಲ. ''ಮದುವೆ ಆದ ಬಳಿಕ ಯಾವುದೂ ಬದಲಾವಣೆ ಆಗಿಲ್ಲ. ಎಲ್ಲವೂ ಹಾಗೇ ಇದೆ. ಮುಂದೆ ಸಿನಿಮಾಗಳಲ್ಲೂ ಅಭಿನಯಿಸುವೆ'' ಎಂದು ಸಂದರ್ಶನವೊಂದರಲ್ಲಿ ನಟಿ ಸೋನಂ ಕಪೂರ್ ಹೇಳಿದ್ದಾರೆ.