ತನ್ನ ಮಗುವಿನ ತಂದೆ ಯಾರೆಂದು ಪ್ರಶ್ನೆ ಮಾಡಿದವರಿಗೆ ನಟಿ, ಸಂಸದೆ ನುಸ್ರುತ್ ಖಡಕ್ ಉತ್ತರ

ತನ್ನ ಮಗುವಿನ ತಂದೆ ಬಗ್ಗೆ ನುಸ್ರುತ್ ಹೇಳಿದ್ದನು?

ಮಾಧ್ಯಮದ ಜೊತೆ ಮಾತನಾಡಿದ ನುಸ್ರುತ್ ಈ ಸಮಯದಲ್ಲಿ ಎಲ್ಲಾ ಪ್ರಶ್ನೆಗಳನ್ನು ಎದುರಿಸಲು ಸಿದ್ಧ ಎಂದರು. ನುಸ್ರುತ್ ಹಾಗೆ ಹೇಳುತ್ತಿದ್ದಂತೆ ಮಗುವಿನ ತಂದೆ ಯಾರು ಎನ್ನುವ ಪ್ರಶ್ನೆ ಎದುರಾಯಿತು. ಆದರೆ ನುಸ್ರುತ್ ತನ್ನ ಮಗುವಿನ ತಂದೆ ಯಾರು ಎಂದು ಹೇಳಲು ನಿರಾಕರಿಸಿದರು. ಮತದಾರರ ಬಗ್ಗೆ ಜವಾಬ್ದಾರಿಯುತ ಭಾವನೆಯನ್ನು ಹೊಂದಿದ್ದೇನೆ. ಹಾಗಾಗಿ ಮತ್ತೆ ಕೆಲಸಕ್ಕೆ ಮರಳಿದ್ದೇನೆ ಎಂದರು.

ತಾಯ್ತನದ ಬಗ್ಗೆ ನುಸ್ರುತ್ ಮಾತು

ತಾಯ್ತನದ ಬಗ್ಗೆ ಮಾತನಾಡಿದ ನುಸ್ರುತ್, "ಇದು ನನ್ನ ಹೊಸ ಜೀವನ, ಉತ್ತಮವಾಗಿದೆ. ಹೊಸ ಆರಂಭದಂತೆ ತೋರುತ್ತಿದೆ" ಎಂದರು. ನುಸ್ರುತ್ ಎಂಟು ತಿಂಗಳ ಗರ್ಭಿಯಾಗಿದ್ದ ಕಾರಣ ಸಂಸತ್ತಿನ ಮುಂಗಾರು ಅಧಿವೇಶನಕ್ಕೆ ಗೈರಾಗಿದ್ದರು. ಹಾಗಾಗಿ ಚಳಿಗಾಲದ ಅಧಿವೇಶನಕ್ಕೆ ಖಂಡಿತ ಬರುತ್ತೇನೆ ಎಂದರು.

ತಂದೆ ಯಾರೆಂದು ತಂದೆಗೆ ಗೊತ್ತು

ಇದೇ ವೇಳೆ ನುಸ್ರುತ್ ತನ್ನ ಮಗುವಿನ ತಂದೆ ಯಾರೆಂದು ಕೇಳುತ್ತಿದ್ದವರಿಗೆ ಖಡಕ್ ಆಗಿ ಉತ್ತರ ನೀಡಿದ್ದಾರೆ. "ತಂದೆ ಯಾರೆಂದು ತಂದೆಗೆ ಖಂಡಿತ ತಿಳಿದಿದೆ. ಈ ಸಮಯದಲ್ಲಿ ನಾನು ಮತ್ತು ಯಶ್ (ನಟ ಯಶ್ ದಾಸ್ ಗುಪ್ತ) ಉತ್ತಮ ಪೋಷಕರನ್ನು ಹೊಂದಿದ್ದೇವೆ. ಉತ್ತಮ ಸಮಯ ಹೊಂದಿದ್ದೇವೆ" ಎಂದು ಹೇಳಿದರು.

2019ರಲ್ಲಿ ನಿಖಿಲ್ ಜೊತೆ ನುಸ್ರುತ್ ಮದುವೆ

ನುಸ್ರುತ್ 2019ರಲ್ಲಿ ನಿಖಿಲ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಮದುವೆಯಾಗಿ ಎರಡು ವರ್ಷದೊಳಗೆ ಇಬ್ಬರು ಬೇರೆ ಬೇರೆ ಆಗಿದ್ದಲ್ಲದೇ ಬೀದಿ ರಂಪಾಟ ಮಾಡಿಕೊಂಡಿದ್ದರು. ಇಬ್ಬರು ದೂರ ದೂರ ಆಗಲು ಕಾರಣ ನಟ ಯಶ್ ಎಂದು ಹೇಳಲಾಗುತ್ತಿದೆ. ನುಸ್ರುತ್ ಮತ್ತು ನಿಖಿಲ್ ನಡುವೆ ಬ್ರೇಕಪ್ ಸುದ್ದಿ ವೈರಲ್ ಆಗುತ್ತಿದ್ದಂತೆ ನಟ ಯಶ್ ಹೆಸರು ವೈರಲ್ ಆಗಿತ್ತು. ನುಸ್ರುತ್ ಜೊತೆ ನಟ ಯಶ್ ಉತ್ತಮ ಬಾಂಧವ್ಯ ಹೊಂದಿದ್ದಾರೆ. ಮಗುವಿಗೆ ಜನ್ಮ ನೀಡಿದ ಸಮಯದಲ್ಲಿ ನುಸ್ರುತ್ ಜೊತೆ ನಟ ಯಶ್ ಆಸ್ಪತ್ರೆಯಲ್ಲಿದ್ದರು ಎನ್ನುವ ಸುದ್ದಿ ಕೇಳಿಬರುತ್ತಿದೆ. ಸದ್ಯ ಯಶ್ ಮತ್ತು ನುಸ್ರುತ್ ಒಬ್ಬರು ಒಟ್ಟಿಗೆ ಮಗುವನ್ನು ನೋಡಿಕೊಳ್ಳುತ್ತಿದ್ದಾರೆ.

ಯಶ್ ಮತ್ತು ನುಸ್ರುತ್ ಅನೇಕ ವರ್ಷಗಳ ಸ್ನೇಹಿತರು

ನುಸ್ರುತ್ ತಾಯಿಯಾಗುತ್ತಿದ್ದಾರೆ ಎನ್ನುವ ಸುದ್ದಿ ವೈರಲ್ ಆಗುತ್ತಿದ್ದಂತೆ ಮಾಜಿ ಪತಿ ನಿಖಿಲ್ ತಾನು ಈ ಮಗುವಿಗೆ ತಂದೆಯಲ್ಲ ಎಂದು ಹೇಳಿದ್ದರು. ಯಶ್ ಮತ್ತು ನುಸ್ರುತ್ ಇಬ್ಬರು ಅನೇಕ ವರ್ಷಗಳಿಂದ ಸ್ನೇಹಿತರು. ಆದರೆ 2020ರಲ್ಲಿ ಬಿಡುಗಡೆಯಾದ ಬೆಂಗಾಲಿಯ 'SOS Kolkata' ಚಿತ್ರದಲ್ಲಿ ಒಟ್ಟಿಗೆ ನಟಿಸಿದ್ದರು. ಈ ಸಿನಿಮಾ ಬಳಿಕ ಇಬ್ಬರ ಸ್ನೇಹ ಮತ್ತಷ್ಟು ಗಟ್ಟಿಯಾಗಿತ್ತು. ಈ ಸಿನಿಮಾ ನಂತರ ಇಬ್ಬರ ಕ್ಲೋಸ್ ನೆಸ್ ಗಾಳಿಸುದ್ದಿಗೆ ಮತ್ತಷ್ಟು ಪುಷ್ಟಿ ನೀಡಿತ್ತು. ಇಬ್ಬರ ಅತಿಯಾದ ಸ್ನೇಹ ಪತಿ ನಿಖಿಲ್ ಅವರಿಂದ ದೂರ ಆಗುವಂತೆ ಮಾಡಿತು.