ಕತ್ರೀನಾ-ವಿಕ್ಕಿ ಮದುವೆಗೆ ಒಂದು ತಿಂಗಳು! ಪತಿಯನ್ನು ಬಿಟ್ಟಿರೋಕೆ ಆಗದೇ ಇಂದೋರ್‌ಗೆ ಹಾರಿದ ಕತ್ರೀನಾ?

ಹೊಸ ಮನೆಯಲ್ಲಿ ಹೇಗಿರಲಿದೆ ಇವತ್ತಿನ ಸಂಭ್ರಮಾಚರಣೆ

ಸದ್ಯ ಇದೀಗ ಕತ್ರೀನಾ ಮತ್ತು ವಿಕ್ಕಿ ಕೌಶಲ್ ಮದುವೆ ಬಳಿಕ ಹನಿಮೂನ್ ಮುಗಿಸಿಕೊಂಡು ತಮ್ಮ ಹೊಸ ಮನೆಯಲ್ಲಿ ಸೆಟಲ್ ಆಗಿದ್ದಾರೆ. ಇತ್ತೀಚೆಗಷ್ಟೆ ಈ ಮನೆಯಲ್ಲಿ ಕ್ರಿಸ್‌ಮಸ್ ಹಬ್ಬವನ್ನು ಕೂಡ ತುಂಬ ಗ್ರ್ಯಾಂಡ್ ಆಗಿ ಆಚರಿಸಿಕೊಂಡ ಈ ಜೋಡಿ ಸಾಕಷ್ಟು ಫೋಟೊಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿಕೊಂಡಿದ್ದರು. ಇದೀಗ ಮದುವೆ ಆಗಿ ಒಂದು ತಿಂಗಳು ಪೂರೈಸಿರುವ ಈ ಜೋಡಿ ಈ ಸಂಭ್ರಮದ ಕ್ಷಣಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಕತ್ರೀನಾ ಮತ್ತು ವಿಕ್ಕಿ ಬೇರೆ ಬೇರೆಯದ್ದೇ ಫೋಟೊವನ್ನು ಶೇರ್ ಮಾಡಿ ತಮ್ಮ ವಿವಾಹವಾಗಿ ಒಂದು ತಿಂಗಳು ಪೂರೈಸಿರೋದಕ್ಕೆ ಖುಷಿ ಪಟ್ಟಿದ್ದಾರೆ.

ತಬ್ಬಿಕೊಂಡಿರೋ ಫೋಟೋ ಶೇರ್ ಮಾಡಿದ ಕತ್ರೀನಾ

ಇನ್ನು ಒಂದು ತಿಂಗಳು ಭರ್ತಿಯಾಗಿರೋ ಈ ಖುಷಿಯನ್ನು ಕತ್ರೀನಾ ಒಂದು ಫೋಟೊ ಶೇರ್ ಮಾಡುವ ಮೂಲಕ ವ್ಯಕ್ತಪಡಿಸಿದ್ದಾರೆ. ಕತ್ರೀನಾ ಮತ್ತು ವಿಕ್ಕಿ ಕೌಶಲ್ ಮುದ್ದಾಗಿ ತಬ್ಬಿಕೊಂಡಿರೋ ಫೋಟೊ ಇದಾಗಿದ್ದು, ಇದಕ್ಕೆ 'ದಾಂಪತ್ಯಕ್ಕೆ ಕಾಲಿಟ್ಟು ಒಂದು ತಿಂಗಳ ಖುಷಿಯಲ್ಲಿ' ಎಂದು ಬರೆದುಕೊಂಡಿದ್ದಾರೆ. ಈ ಫೋಸ್ಟ್‌ಗೆ ವಿಕ್ಕಿ ಕೌಶಲ್ ಕಮೆಂಟ್ ಮಾಡಿದ್ದು, ತುಂಬ ಖುಷಿ ಆಗುತ್ತಿದೆ ಮೈ ಲವ್ ಎಂದು ಹೇಳಿದ್ದಾರೆ. ಹಾಗೆ ಬಾಲಿವುಡ್‌ನ ಅನೇಕ ಸ್ಟಾರ್ ಸೆಲೆಬ್ರೆಟಿಗಳು ಈ ತಾರಾ ಜೋಡಿಗೆ ವಿಷ್ ಮಾಡೊ ಮೂಲಕ ಖುಷಿ ಪಟ್ಟಿದ್ದಾರೆ. ಅಭಿಮಾನಿಗಳು ಕೂಡ ಕಮೆಂಟ್ ಮಾಡೋ ಮೂಲಕ ತಮ್ಮ ನೆಚ್ಚನ ಜೋಡಿಗೆ ಶುಭ ಹಾರೈಸಿದ್ದಾರೆ.

ಏನು ಹೇಳಿದ್ದಾರೆ ಗೊತ್ತಾ ವಿಕ್ಕಿ ಕೌಶಲ್?

ಇನ್ನು ಇದೇ ಖುಷಿಯಲ್ಲಿ ಇರುವ ವಿಕ್ಕಿ ಕೌಶಲ್ ಕೂಡ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಫೋಟೊ ಶೇರ್ ಮಾಡಿಕೊಂಡಿದ್ದಾರೆ. ಕತ್ರೀನಾ ಮತ್ತು ವಿಕ್ಕಿ ಡ್ಯಾನ್ಸ್ ಮಾಡುತ್ತಿರುವ ಫೋಟೊ ಇದಾಗಿದ್ದು, 'ಎಂದೆಂದಿಗೂ ಹೀಗೇ ಸಾಗೋಣ' ಎಂದಿದ್ದಾರೆ. ಇದಕ್ಕೆ ಬಾಲಿವುಡ್ ನಟಿ ದಿಯಾ ಮಿರ್ಝಾ ಸೇರಿದಂತೆ ಹಲವರು ಕಮೆಂಟ್ ಮಾಡುವ ಮೂಲಕ ವಿಶ್ ಮಾಡಿದ್ದಾರೆ. ಅದೆಷ್ಟೋ ಅಭಿಮಾನಿಗಳು ಕೂಡ ಜೀವನ ಪೂರ್ತಿ ಹೀಗೆ ಖುಷಿ ಖುಷಿ ಆಗಿರಿ ಎಂದು ವಿಶ್ ಮಾಡಿದ್ದಾರೆ.

ಸ್ನೇಹಿತರೋಡನೆ ಸಂಭ್ರಮದ ದಿನ ಆಚರಿಸಿಕೊಳ್ಳಲಿರುವ ಜೋಡಿ

ಮದುವೆಯ ಒಂದು ತಿಂಗಳ ಆನಿವರ್ಸರಿಯನ್ನು ಆಚರಿಸಲು, ಕತ್ರಿನಾ ಕೈಫ್ ಶುಕ್ರವಾರ ತಡರಾತ್ರಿ ಮುಂಬೈನಿಂದ ಇಂದೋರ್‌ಗೆ ಹಾರಿದ್ದಾರೆ. ಕತ್ರಿನಾ ಕೈಫ್ ತಮ್ಮ ಮೊದಲ ತಿಂಗಳ ವಾರ್ಷಿಕೋತ್ಸವದಲ್ಲಿ ವಿಕ್ಕಿ ಕೌಶಲ್ ಅವರೊಂದಿಗೆ ಇರಲು ಇಂದೋರ್‌ಗೆ ತೆರಳಿದ್ದಾರೆ ಎಂಬ ಮಾಹಿತಿ ತಿಳಿದು ಬಂದಿದೆ. ಅಲ್ಲಿ ವಿಕ್ಕಿ ಪ್ರಸ್ತುತ ಅವರ ಮುಂದಿನ ಸಿನಿಮಾದ ಚಿತ್ರೀಕರಣದಲ್ಲಿದ್ದಾರೆ. ಹೀಗಾಗಿ ಕತ್ರೀನಾ ಕೂಡ ತೆರಳಿದ್ದು, ಇಂದೋರ್ ವಿಮಾನ ನಿಲ್ದಾಣದಿಂದ ನೇರವಾಗಿ ವಿಕ್ಕಿ ಪ್ರಸ್ತುತ ಇರುವ ದಿ ಪಾರ್ಕ್ ಹೋಟೆಲ್‌ಗೆ ಹೋಗಿದ್ದಾರೆ ಕತ್ರೀನಾ ಕೈಫ್. ಇಂದು ಸಂಜೆ ಖಾಸಗಿ ಪಾರ್ಟಿಯನ್ನು ಕೂಡ ಈ ನವ ಜೋಡಿ ಹಮ್ಮಿಕೊಂಡಿದ್ದು, ಯಾವ್ಯಾವ ತಾರೆಯರು ಆಗಮಿಸಲಿದ್ದಾರೆ ಅನ್ನೋದನ್ನ ಕಾದು ನೋಡಬೇಕಿದೆ.