ಬೆಳ್ಳಿತೆರೆ ಶೇಕ್ ಮಾಡುತ್ತಿರುವ ಫಾರಿನ್ ಶೃಂಗಾರ ತಾರೆಗಳು

ನಂಬರ್ ಒನ್ ಸ್ಥಾನದಲ್ಲಿರುವ ಕತ್ರಿನಾ ಕೈಫ್

ಕತ್ರಿನಾ ಕೈಫ್ ಭಾರತೀಯ ಸಂತತಿಗೆ ಸೇರಿದ ಬ್ರಿಟೀಷ್ ಬೆಡಗಿ. ಸದ್ಯಕ್ಕೆ ಬಾಲಿವುಡ್ ನಲ್ಲಿ ಸ್ಟಾರ್ ಹೀರೋಯಿನ್. ರಣಬೀರ್ ಕಪೂರ್ ಜೊತೆಗೆ ಸಹಜೀವನ ನಡೆಸುತ್ತಿದ್ದು ಶೀಘ್ರದಲ್ಲೇ ಇಬ್ಬರೂ ಮದುವೆಯಾಗಲು ನಿರ್ಧರಿಸಿದ್ದಾರೆ.

ಜಾಕ್ವೆಲಿನ್ ಲುಕ್ಕನ್ನೇ ಬದಲಾಯಿಸಿದ ಕಿಕ್

2006ರಲ್ಲಿ ಮಿಸ್ ಶ್ರೀಲಂಕಾ ಯೂನಿವರ್ಸ್ ಸೌಂದರ್ಯ ಕಿರೀಟವನ್ನು ಮುಡಿಗೇರಿಸಿಕೊಂಡ ಜಾಕ್ವೆಲಿನ್ ಅವಕಾಶಕ್ಕಾಗಿ ಬಾಲಿವುಡ್ ಬಾಗಿಲು ತಟ್ಟಿದರು. 2009ರಲ್ಲಿ ಸುಭಾಷ್ ಘಾಯ್ ಅವರು 'ಅಲಾದೀನ್' ಚಿತ್ರದ ಮೂಲಕ ಬೆಳ್ಳಿಪರದೆಗೆ ಪದಾರ್ಪಣೆ ಮಾಡಿದರು. ಸಲ್ಮಾನ್ ಜೊತೆಗಿನ 'ಕಿಕ್' ಚಿತ್ರ ಅವರ ಲಕ್ಕನೇ ಬದಲಾಯಿಸಿತು.

ಬಾಲಿವುಡ್ ರಾಕಿಂಗ್ ನಟಿ ನರ್ಗೀಸ್ ಫಕ್ರಿ

ನರ್ಗೀಸ್ ಫಕ್ರಿ ಪಾಕಿಸ್ತಾನ ಸಂತತಿಗೆ ಸೇರಿದ ಅಮೆರಿಕನ್ ನಟಿ. ರಣಬೀರ್ ಕಪೂರ್ ಜೊತೆ 'ರಾಕ್ ಸ್ಟಾರ್' ಚಿತ್ರದ ಮೂಲಕ ಬೆಳ್ಳಿತೆರೆ ಪ್ರವೇಶ. ಸದ್ಯಕ್ಕೆ ಬಾಲಿವುಡ್ ನ ವಿವಿಧ ಚಿತ್ರಗಳಲ್ಲಿ ಬಿಜಿಯಾಗಿದ್ದಾರೆ. ತನ್ನ ಅಂದಚೆಂದ ಮೂಲಕ ಪ್ರೇಕ್ಷಕರ ಬಾಯಿಗೆ ಬೀಗ ಹಾಕುತ್ತಿರುವ ತಾರೆ.

ಬಾಲಿವುಡ್ ನಲ್ಲಿ ಗಾಳಿಪಟ ಹಾರಿಸಿದ ಚೆಲುವೆ

ಹೃತಿಕ್ ರೋಷನ್ ಜೊತೆಗಿನ ಕೈಟ್ಸ್ ಚಿತ್ರದ ಮೂಲಕ ಮೆಕ್ಸಿಕನ್ ಚೆಲುವೆ ಬಾರ್ಬರಾ ಮೋರಿ ಗಾಳಿಪಟದಂತೆ ಹಾರಾಡಿದ್ದರು. ಈ ಚಿತ್ರದಲ್ಲಿ ಇಬ್ಬರ ಕೆಮಿಸ್ಟ್ರಿ ಸಖತ್ ಆಗಿ ವರ್ಕ್ ಔಟ್ ಆಗಿತ್ತು. ಆದರೆ ಸಿನಿಮಾ ಬಾಕ್ಸ್ ಆಫೀಸ್ ಪಡಸಾಲೆಯಲ್ಲಿ ಉದ್ದಂಡ ಮಲಗಿತು.

ಬಾಬೂಜಿ ಜರ ಧೀರೇ ಚಲೋ

ಜೆಕೋಸ್ಲೋವಾಕಿಯಾ ಮೂಲದವರು ಯಾನಾ ಗುಪ್ತ. ಬಾಲಿವುಡ್ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಬಾಬೂಜಿ ಜರ ಧೀರೇ ಚಲೋ ಎಂಬ ಐಟಂ ಹಾಡಿನ ಮೂಲಕ ಪಡ್ಡೆಗ ಹೃದಯದಲ್ಲಿ ರಂಗವಲ್ಲಿ ಹಾಕಿದ ಬೆಡಗಿ.

'ರತಿಮನ್ಮಥ' ಚಿತ್ರಗಳ ತಾರೆ ಸನ್ನಿ ಲಿಯೋನ್

ಭಾರತ ಸಂತತಿಗೆ ಸೇರಿದ ಕೆನಡಿಯನ್ ಮೂಲದ 'ರತಿಮನ್ಮಥ' ಚಿತ್ರಗಳ ತಾರೆ ಸನ್ನಿ ಲಿಯೋನ್. ಬಿಗ್ ಬಾಸ್ ರಿಯಾಲಿಟಿ ಶೋ ಮೂಲಕ ಮನರಂಜನಾ ಮಾಧ್ಯಮಕ್ಕೆ ಅಡಿಯಿಟ್ಟವರು. ಜಿಸ್ಮ್ 2 ಚಿತ್ರದ ಮೂಲಕ ಬೆಳ್ಳಿಪರದೆಗೆ ಪ್ರವೇಶಿಸಿ ಸದ್ಯಕ್ಕೆ ಬಾಲಿವುಡ್ ನ ಬಿಜಿ ತಾರೆಗಳಲ್ಲಿ ಒಬ್ಬರು.

ಬ್ರಿಟಿಷ್ ಮೂಲದ ಅಮಿ ಜಾಕ್ಸನ್

ಬ್ರಿಟಿಷ್ ಮೂಲದ ಅಮಿ ಜಾಕ್ಸನ್ ಬಣ್ಣ ಹಚ್ಚಿದ್ದೇ 'ಮದ್ರಾಸಿ ಪಟ್ಟಣಂ' ಎಂಬ ತಮಿಳು ಚಿತ್ರದ ಮೂಲಕ. ಬಾಲಿವುಡ್ ನ ಕೆಲವು ಚಿತ್ರಗಳಲ್ಲಿ ಬಣ್ಣ ಹಚ್ಚಿದರೂ ಶಂಕರ್ ನಿರ್ದೇಶನದ 'ಐ' ಚಿತ್ರ ಅವರ ವೃತ್ತಿಜೀವನದಲ್ಲಿ ಮರೆಯದ ಮಾಣಿಕ್ಯವಿದ್ದಂತೆ.

ಐಟಂ ಗರ್ಲ್ ಆಗಿ ಗುರುತಿಸಿಕೊಂಡ ಬ್ರೂನಾ

ಭಾರತೀಯ ಬೆಳ್ಳಿಪರದೆಯನ್ನು ಹೀಟೆಬ್ಬಿಸುತ್ತಿರುವ ಆಮದು ತಾರೆಗಳಲ್ಲಿ ಬ್ರೂನಾ ಅಬ್ದುಲ್ಲಾ ಸಹ ಒಬ್ಬರು. ಬ್ರೆಜಿಲ್ ಮೂಲದ ಈ ಬೆಡಗಿ ಐಟಂ ಗರ್ಲ್ ಆಗಿ ಗುರುತಿಸಿಕೊಂಡಿದ್ದಾರೆ.