ಬಿಪಾಶಾ ಬಸು ಬಳಿ 'ಫ್ಲರ್ಟ್' ಮಾಡಿ ಉಗಿಸಿಕೊಂಡಿದ್ದ ಹಿರಿಯ ನಿರ್ಮಾಪಕ!

'ನಿನ್ನ ನಗುವನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ'

ನಿರ್ಮಾಪಕರೊಬ್ಬರನ್ನು ಭೇಟಿ ಆಗಿದ್ದ ಬಿಪಾಶಾ ಬಸು, ಸಿನಿಮಾವೊಂದಕ್ಕೆ ಸಹಿ ಮಾಡಿ ಹಣ ಪಡೆದು ಬಂದರಂತೆ. ಮನೆಗೆ ತಲುಪುತ್ತಲೇ ಮೊಬೈಲ್‌ಗೆ ಸಂದೇಶ ಕಳುಹಿಸಿದ ಆ ನಿರ್ಮಾಪಕ, 'ನಿನ್ನ ನಗುವನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ' ಎಂದಿದ್ದರಂತೆ.

ಪದೇ ಪದೇ ನಿರ್ಮಾಪಕನಿಂದ ಸಂದೇಶ

ಸಂದೇಶ ನೋಡಿ ಗಾಬರಿಯಾದ ಬಿಪಾಶಾ ತಮ್ಮ ಆಪ್ತಕಾರ್ಯದರ್ಶಿ ಬಳಿ ಈ ವಿಷಯ ಚರ್ಚಿಸಿ ಸುಮ್ಮನಾಗಿದ್ದರಂತೆ. ಕೆಲವು ದಿನಗಳ ನಂತರ ಅದೇ ನಿರ್ಮಾಪಕ ಮತ್ತೆ ಅದೇ ರೀತಿ ಮೆಸೇಜ್ ಮಾಡಿದರಂತೆ. ಈಗ ಬಿಪಾಶಾ ಇನ್ನಷ್ಟು ಗಾಬರಿಯಾದರಂತೆ.

ಬೈದು ಸಂದೇಶ ಕಳುಹಿಸಿದ ಬಿಪಾಶಾ

ಬಿಪಾಶಾ ತಮ್ಮ ಗೆಳೆಯರೊಬ್ಬರಿಗೆ ನಿರ್ಮಾಪಕ ಮಾಡಿದ್ದರ ಬಗ್ಗೆ ಬೈದು ಸಂದೇಶ ಕಳುಹಿಸುತ್ತಿದ್ದರಂತೆ. ಅದೇ ಸಂದೇಶ ತಪ್ಪಿ ಆ ನಿರ್ಮಾಪಕರಿಗೂ ಕಳುಹಿಸಿಬಿಟ್ಟರಂತೆ. ಆ ನಂತರ ಆ ನಿರ್ಮಾಪಕ ಬಿಪಾಶಾಗೆ ಸಂದೇಶ ಕಳುಹಿಸುವುದನ್ನು ಬಿಟ್ಟುಬಿಟ್ಟರಂತೆ.

ಬಿಪಾಶಾ ಬಳಿ ಹಣ ಹಿಂಪಡೆಯಲಿಲ್ಲ ನಿರ್ಮಾಪಕ

ನಿರ್ಮಾಪಕರಿಂದ ಹಣವನ್ನು ತಮ್ಮ ಆತ್ಮಕಾರ್ಯದರ್ಶಿ ಬಳಿ ಕೊಟ್ಟು ಹಿಂದಿರಿಗಿಸಲು ಹೇಳಿ ಕಳುಹಿಸಿದ್ದರಂತೆ ಬಿಪಾಶಾ. ಆದರೆ ಆ ನಿರ್ಮಾಪಕ ಹಣವನ್ನು ಪಡೆದುಕೊಳ್ಳದೆ ವಾಪಸ್ ಕಳುಹಿಸಿದರಂತೆ. ನಂತರ ಕಾರ್ಯಕ್ರಮವೊಂದರಲ್ಲಿ ಇಬ್ಬರೂ ಮುಖಾ-ಮುಖಿ ಆದಾಗ ಆ ನಿರ್ಮಾಪಕ ತೆಪ್ಪಗೆ ದೂರ ಸರಿದು ನಿಂತುಬಿಟ್ಟರಂತೆ.