ಪ್ರಿಯಾಂಕಾ ಚೋಪ್ರಾ ಇಂಡಿಯನ್ ರೆಸ್ಟೋರೆಂಟ್ ನಲ್ಲಿ ಉಡುಪಿಯ ಬಾಣಸಿಗ: ಮೆನುನಲ್ಲಿ ಏನಿದೆ?

ಸೋನಾ ರೆಸ್ಟೋರೆಂಟ್ ನಲ್ಲಿ ಉಡುಪಿಯ ಬಾಣಸಿಗ

ಅಂದಹಾಗೆ ಪ್ರಿಯಾಂಕಾ ಅವರ ಸೋನಾ ರೆಸ್ಟೋರೆಂಟ್ ನಲ್ಲಿ ಭಾರತೀಯ ಶೈಲಿಯ ಆಹಾರ ಪದ್ದತಿಗಳಿವೆ. ದಕ್ಷಿಣ ಭಾರತದಿಂದ ಮತ್ತು ಉತ್ತರ ಭಾರತದವರೆಗಿನ ಆಹಾರ ಪದ್ದತಿ ಸೋನಾ ರೆಸ್ಟೋರೆಂಟ್ ನಲ್ಲಿ ಸಿಗಲಿದೆ. ವಿಶೇಷ ಎಂದರೆ ನ್ಯೂ ಯಾರ್ಕ್ ನಲ್ಲಿರುವ ಈ ಸೋನಾ ರೆಸ್ಟೋರೆಂಟ್ ನಲ್ಲಿ ಉಡುಪಿ ಮೂಲಕ ಖ್ಯಾತ ಬಾಣಸಿಗ ಕೆಲಸ ಮಾಡುತ್ತಿದ್ದಾರೆ.

ಪ್ರಮುಖ ಬಾಣಸಿಗ ಹರಿ ನಾರಾಯಣ್

ಹರಿ ನಾರಾಯಣ್ ಸೋನಾ ರೆಸ್ಟೋರೆಂಟ್ ನ ಪ್ರಮುಖ ಬಾಣಸಿಗ. ಉಡುಪಿಯಲ್ಲಿ ಜನಿಸಿದ ಹರಿ ನಾರಾಯಣ್ ಅನೇಕ ವರ್ಷಗಳಿಂದ ಅಮೆರಿಕದಲ್ಲಿ ವಾಸಿಸುತ್ತಿದ್ದಾರೆ. ಅನೇಕ ರೆಸ್ಟೋರೆಂಟ್ ಗಳಲ್ಲಿ ಕೆಲಸ ಮಾಡಿರುವ ಹರಿ ನಾರಾಯಣ್ ಈಗ ಸೋನಾ ರೆಸ್ಟೋರೆಂಟ್ ನಲ್ಲಿ ಕೆಲಸ ಮಾಡುತ್ತಿದ್ದಾರೆ.

93ನೇ ಆಸ್ಕರ್: ಅಂತಿಮ ಸುತ್ತಿಗೆ ಆಯ್ಕೆಯಾದ ಸಿನಿಮಾ, ನಟ-ನಟಿಯರ ಪಟ್ಟಿ

ಮೆನು ಹಂಚಿಕೊಂಡ ಹರಿ ನಾರಾಯಣ್

ಹರಿ ನಾರಾಯಣ್ ಸೋನಾ ರೆಸ್ಟೋರೆಂಟ್ ನ ಮೆನು ಅನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಕೋಫ್ಟಾ ಕೂರ್ಮ, ಚಿಲ್ಲಿ ಚೀಸ್ ನಾನ್ ಸೇರಿದಂತೆ ಅನೇಕ ಖಾದ್ಯಗಳನ್ನು ಹಂಚಿಕೊಂಡಿದ್ದಾರೆ. ಹರಿ ನಾರಾಯಣ್ ಶೇರ್ ಮಾಡಿರುವ ಫೋಟೋಗಳು ನೋಡುಗರ ಬಾಯಲ್ಲಿ ನೀರೂರಿಸುತ್ತಿದೆ.

Recommended Video

ಅಹೋರಾತ್ರ ವಿರುದ್ಧ ಕಿಚ್ಚನ ಫ್ಯಾನ್ಸ್ ಕೊಟ್ಟಿರೋ ಕಂಪ್ಲೇಂಟ್ ಏನು? | Filmibeat Kannada

ಪ್ರಿಯಾಂಕಾ ಚೋಪ್ರಾ ಹೇಳಿದ್ದೇನು?

ಇತ್ತೀಚಿಗೆ ರೆಸ್ಟೋರೆಂಟ್ ಪೂಜೆಯ ಫೋಟೋಗಳನ್ನು ಪ್ರಿಯಾಂಕಾ ಚೋಪ್ರಾ ಶೇರ್ ಮಾಡಿದ್ದರು. ಫೋಟೋ ಶೇರ್ ಮಾಡಿ, 'ಸೋನಾ ರೆಸ್ಟೋರಂಟ್ ಬಗ್ಗೆ ರೋಮಾಂಚನಗೊಂಡಿದ್ದೇನೆ. ನ್ಯೂ ಯಾರ್ಕ್ ನಲ್ಲಿ ಭಾರತೀಯ ಅಹಾರ ಪದ್ದತಿಯ ರೆಸ್ಟೋರೆಂಟ್ ಓಪನ್ ಮಾಡಿರುವುದು ತುಂಬಾ ಹೆಮ್ಮೆಯಾಗುತ್ತಿದೆ. ಸೋನಾ ನನ್ನ ಕನಸು. ರೆಸ್ಟೋರೆಂಟ್ ಕಿಚನ್ ಪ್ರಮುಖ ಬಾಣಸಿಗ ಹರಿನಾಯಕ್ ಎನ್ನುವವರು ನೋಡಿಕೊಳ್ಳುತ್ತಿದ್ದಾರೆ. ಅತ್ಯಂತ ರುಚಿಕರವಾದ ಮತ್ತು ನವೀನ ಮೆನುವನ್ನು ರಚಿಸಲಾಗಿದೆ' ಎಂದು ಬರೆದುಕೊಂಡಿದ್ದರು.