ಚಿತ್ರಗಳು: 8 ದಿನದ ಪುಟ್ಟ ಅಳಿಯನಿಗೆ ಸಲ್ಲು ಕೊಟ್ರು ದುಬಾರಿ ಗಿಫ್ಟ್

ಬಾಲಿವುಡ್ ನ ಬಾಕ್ಸಾಫೀಸ್ ಕಿಂಗ್ ಸಲ್ಮಾನ್ ಖಾನ್ ಅವರು ಮಾವ ಆದ ಖುಷಿಯಲ್ಲಿ ತೇಲಾಡುತ್ತಿದ್ದಾರೆ. ಇದೀಗ ಅದೇ ಖುಷಿಯಲ್ಲಿ ಬಾಲಿವುಡ್ ನಟ ಭಾಯ್ ಜಾನ್ ಅವರು ತಮ್ಮ ಮುದ್ದಾದ 8 ದಿನಗಳ ಪುಟ್ಟ ಅಳಿಯನಿಗೆ ದುಬಾರಿ ಗಿಫ್ಟ್ ನೀಡಿದ್ದಾರೆ.

ಹೌದು ನಟ ಸಲ್ಮಾನ್ ಖಾನ್ ಅವರು ಪುಟ್ಟ ಅಳಿಯ ಆಹಿಲ್ ಗೆ ಬರೋಬ್ಬರಿ 1.1 ಕೋಟಿ ರೂ ಬೆಲೆಬಾಳುವ ಕಪ್ಪು ಬಣ್ಣದ ಬಿಎಂಡಬ್ಲ್ಯೂ 7 ಕಾರನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಆದರೆ ಈ ಕಾರನ್ನು ಅರ್ಪಿತಾ ಅವರು ಅಣ್ಣ ಸಲ್ಮಾನ್ ಅವರ ಮನೆಗೆ ಬರುವ ಸಂದರ್ಭದಲ್ಲಿ ನೀಡಲಿದ್ದಾರಂತೆ.[ಫೋಟೋಗಳಲ್ಲಿ...ಬಾಲಿವುಡ್ ನ 'ಮಾಮುಜಾನ್' ಆದ ಸಲ್ಮಾನ್ ಖಾನ್.!]

ಭಾಯ್ ಜಾನ್ ನಿಂದ ಮಾಮುಜಾನ್ ಆಗಿ ಭಡ್ತಿ ಪಡೆದ ಸಲ್ಮಾನ್ ಖಾನ್ ಅವರ ತಂಗಿ ಅರ್ಪಿತಾ ಖಾನ್ ಅವರು ಮಾರ್ಚ್ 30 ರಂದು ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಇದೀಗ ಸಲ್ಲು ಮುದ್ದಾದ ಅಳಿಯನಿಗೆ ದುಬಾರಿ ಉಡುಗೊರೆ ನೀಡಿದ್ದಾರೆ.[ಸಲ್ಮಾನ್ ರೀಮೇಕ್ ಮಾಡುತ್ತಿರುವ ಕನ್ನಡದ ಚಿತ್ರ ಯಾವುದು?]

ತಂಗಿಯನ್ನು ತುಂಬಾ ಪ್ರೀತಿಸುವ ಭಾಯ್ ಜಾನ್ ಈ ಹಿಂದೆ ಅರ್ಪಿತಾ ಖಾನ್ ಮತ್ತು ಆಯುಷ್ ಶರ್ಮಾ ಅವರ 3 ದಿನಗಳ ಮದುವೆಗೆ ಸುಮಾರು 3 ಕೋಟಿ ರೂಪಾಯಿ ಖರ್ಚು ಮಾಡಿದ್ದರು. ಅಲ್ಲದೇ ಅರ್ಪಿತಾಗೆ 16 ಕೋಟಿ ರೂಪಾಯಿ ಭಾರಿ ಮೊತ್ತದ ದುಬಾರಿ ಫ್ಲಾಟ್ ಮತ್ತು 8 ಕೋಟಿ ಬೆಲೆಬಾಳುವ ರೋಲ್ಸ್ ರಾಯ್ಸ್ ಪ್ಯಾಂತಮ್ ಕಾರನ್ನು ಉಡುಗೊರೆಯಾಗಿ ಕೊಟ್ಟಿದ್ದರು.[ಬಾಲಿವುಡ್ ನ ಟಾಪ್ 10 ಶ್ರೀಮಂತರು ಇವರೇ ಸ್ವಾಮಿ]

ಸಲ್ಮಾನ್ ಖಾನ್ ಅವರ ಮುದ್ದಾದ ಅಳಿಯ ಆಹಿಲ್, ಸೂಪರ್ ಮ್ಯಾನ್ ಬೇಬಿ ಸೂಟ್ ಧರಿಸಿ ಬೆಚ್ಚಗೆ ನಿದ್ರೆ ಹೋಗುತ್ತಿರುವ ಫೊಟೋ ಗ್ಯಾಲರಿ ನೋಡಲು ಸ್ಲೈಡುಗಳನ್ನು ಕ್ಲಿಕ್ಕಿಸಿ...