ಸೈನಿಕರ ಜೊತೆ 'ಉರಿ' ನೋಡುವ ಅವಕಾಶ, ಈಗಲೇ ಟಿಕೆಟ್ ಕಾಯ್ದಿರಿಸಿ

ಸ್ಟಾರ್ ನಟರ ಕಮರ್ಷಿಯಲ್ ಚಿತ್ರಗಳ ನಡುವೆ ಇಡೀ ದೇಶದ ಗಮನ ಸೆಳೆಯುತ್ತಿರುವ ಸೂಪರ್ ಹಿಟ್ ಸಿನಿಮಾ 'ಉರಿ'. 2016ರ ಸೆಪ್ಟೆಂಬರ್ ತಿಂಗಳಲ್ಲಿ ಭಾರತೀಯ ಸೈನಿಕರು ಪಾಕ್ ಉಗ್ರರ ಮೇಲೆ ಸರ್ಜಿಕಲ್ ಸ್ಟ್ರೈಕ್ ನಡೆಸ್ತಾರೆ. ಈ ಘಟನೆಯ ಕುರಿತು ಈ ಸಿನಿಮಾ ಮಾಡಲಾಗಿದ್ದು, ಚಿತ್ರಪ್ರೇಮಿಗಳ ಮನಗೆದ್ದಿದೆ.

ವಿಕ್ಕಿ ಕೌಶಲ್, ಪರೇಶ್ ರಾವಲ್, ಯಾಮಿ ಗೌತಮ್ ಸೇರಿದಂತೆ ಹಲವು ಕಲಾವಿದರು ಅಭಿನಯಿಸಿರುವ ಈ ಚಿತ್ರಕ್ಕೆ ಭಾರಿ ಮೆಚ್ಚುಗೆ ವ್ಯಕ್ತವಾಗಿದ್ದು, ಸಿನಿಮಾ ನೋಡಿದ ಪ್ರತಿಯೊಬ್ಬರು ಎದ್ದು ನಿಂತು ಭಾರತೀಯ ಸೈನಿಕರಿಗೆ ಸಲಾಂ ಹೇಳುತ್ತಿದ್ದಾರೆ.

2016ರ ಸೆಪ್ಟೆಂಬರ್​ 18ರಂದು ಉರಿ ಸೇನಾ ನೆಲೆಯ ಮೇಲೆ ಪಾಕಿಸ್ತಾನದ ನಾಲ್ವರು ಭಯೋತ್ಪಾದಕರು ದಾಳಿ ಮಾಡ್ತಾರೆ. ಈ ವೇಳೆ 19 ಸೈನಿಕರು ಹುತಾತ್ಮರಾಗುತ್ತಾರೆ. ಇದಕ್ಕೆ ಉತ್ತರ ನೀಡಲು ಭಾರತದ ಯೋಧರು ಸೆಪ್ಟೆಂಬರ್ 28-29ರಂದು ಸರ್ಜಿಕಲ್​ ಸ್ಟ್ರೈಕ್​ ನಡೆಸುತ್ತಾರೆ. ಇದಕ್ಕಾಗಿ ಭಾರತೀಯ ಸೇನೆಯ ಸಿದ್ಧತೆ ಹೇಗಿತ್ತು, ದಾಳಿ ವೇಳೆ ಎದುರಾದ ಕಷ್ಟಗಳೇನು ಎಂಬುದೇ ಉರಿ ಸಿನಿಮಾ.

ಇಂತಹ ದೇಶಭಕ್ತಿಯ ಚಿತ್ರವನ್ನ ಭಾರತದ ಮಾಜಿ ಸೈನಿಕರ ಜೊತೆ ನೋಡುವ ಸದಾವಕಾಶ ಈಗ ಸಿಕ್ಕಿದೆ. ಬೆಂಗಳೂರಿನ ಬೆಳ್ಳಂದೂರು ಪಿವಿಆರ್ ಸೆಂಟ್ರಲ್ ಮಾಲ್ ನಲ್ಲಿ ಜನವರಿ 27ರಂದು ವಿಶೇಷ ಪ್ರದರ್ಶನ ಏರ್ಪಡಿಸಲಾಗಿದ್ದು, ಈ ಶೋನಲ್ಲಿ ನೀವು ಭಾಗವಹಿಸಬಹುದು.

'ಉರಿ' ಸಿನೆಮಾ ನೋಡಿದ ನಂತರ ಹಳೆಯ ನೆನಪುಗಳ ಮೆರವಣಿಗೆ

ಜನವರಿ 27 ರ ಮಧ್ಯಾಹ್ನ 12.50 ಶೋ ಇದೆ. ಈ ಶೋಗಾಗಿ ನೀವು ಆನ್ ಲೈನ್ ನಲ್ಲಿ ಈಗಲೇ ಟಿಕೆಟ್ ಬುಕ್ ಮಾಡಿ. 12 ಗಂಟೆಗೆ ಸೈನಿಕರ ಜೊತೆ ಸಂವಾದವೂ ನಡೆಸಬಹುದು. ಸೈನಿಕರು ತಮ್ಮ ಅನುಭವಗಳನ್ನ ಹಂಚಿಕೊಳ್ಳಲಿದ್ದಾರೆ.