'ಕಾಸ್ಟಿಂಗ್ ಕೌಚ್'ನಿಂದ ಕೆಲಸ ಸಿಗುತ್ತೆ: ಸರೋಜ್ ಖಾನ್ ಶಾಕಿಂಗ್ ಹೇಳಿಕೆ!

ಕಾಸ್ಟಿಂಗ್ ಕೌಚ್ ನಲ್ಲಿ ತಪ್ಪೇನಿದೆ.?

''ಇದು ಹಿಂದಿನಿಂದಲೂ ನಡೆದುಕೊಂಡು ಬಂದಿದೆ. ಕಾಸ್ಟಿಂಗ್ ಕೌಚ್ ವಿಚಾರವಾಗಿ ಬಾಲಿವುಡ್ ನೇ ಯಾಕೆ ಟಾರ್ಗೆಟ್ ಮಾಡುತ್ತಿದ್ದೀರಿ.?'' ಎಂದು ಮಾಧ್ಯಮಗಳನ್ನೇ ಪ್ರಶ್ನಿಸಿದ್ದಾರೆ ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ನೃತ್ಯ ಸಂಯೋಜಕಿ ಸರೋಜ್ ಖಾನ್.

ಹೊಟ್ಟೆಗೆ ರೊಟ್ಟಿ ಅಂತೂ ಸಿಗುತ್ತೆ.!

''ಕಾಸ್ಟಿಂಗ್ ಕೌಚ್ ನಿಂದ ಕೆಲಸ ಅಂತೂ ಸಿಗುತ್ತೆ. ಕಮ್ಮಿ ಅಂದರೂ ಹೊಟ್ಟೆಗೆ ರೊಟ್ಟಿ ಕೊಡ್ತಾರೆ. ಅತ್ಯಾಚಾರ ಎಸಗಿ ಪರಾರಿ ಆಗುವುದಿಲ್ಲ'' ಎಂದು ಸರೋಜ್ ಖಾನ್ ನೀಡಿರುವ ಹೇಳಿಕೆ ಅನೇಕ ನಟಿಯರ ಕೆಂಗಣ್ಣಿಗೆ ಗುರಿಯಾಗಿದೆ.

ಒಪ್ಪಿಗೆ ಕೊಟ್ಮೇಲೆ ಎಲ್ಲ ಆಗೋದು.!

''ಪರಸ್ಪರ ಒಪ್ಪಿಗೆ ಇಂದಲೇ ಕಾಸ್ಟಿಂಗ್ ಕೌಚ್ ನಡೆಯುವುದು. ಕಲಾವಿದರಿಗೆ ಆಯ್ಕೆ ಇರುತ್ತದೆ. ಚಾನ್ಸ್ ಗಾಗಿ ಮಂಚ ಏರಬೇಕು ಎಂದು ಕೇಳುವವರ ಜೊತೆಗೆ ಕೆಲಸ ಮಾಡುವುದು ಬಿಡುವುದು ಕಲಾವಿದರಿಗೆ ಆಯ್ಕೆಗೆ ಬಿಟ್ಟಿದ್ದು. ಕಲಾವಿದರ ಬಳಿ ಪ್ರತಿಭೆ ಇದ್ದರೆ, ತಮ್ಮನ್ನೇ ತಾವು ಮಾರಿಕೊಳ್ಳುವುದೇಕೆ?'' ಎಂದಿದ್ದಾರೆ ಸರೋಜ್ ಖಾನ್.

ಟ್ವೀಟ್ ಗಳ ಸುರಿಮಳೆ

ಕಾಸ್ಟಿಂಗ್ ಕೌಚ್ ಕುರಿತು ಸರೋಜ್ ಖಾನ್ ಕೊಟ್ಟಿರುವ ವಿವಾದಾತ್ಮಕ ಹೇಳಿಕೆ ಸೋಷಿಯಲ್ ಮೀಡಿಯಾದಲ್ಲಿ ದೊಡ್ಡ ಅವಾಂತರ ಸೃಷ್ಟಿಸಿದೆ. ಸರೋಜ್ ಖಾನ್ ಈ ರೀತಿ ಮಾತಾಡ್ತಾರಾ ಅಂತ ಸ್ವತಃ ಬಾಲಿವುಡ್ ಮಂದಿಯೇ ಶಾಕ್ ಆಗಿದ್ದಾರೆ.