ಆಡಿದ ಮಾತಿಗೆ ಕ್ಷಮೆ ಕೇಳಿದ ಸರೋಜ್ ಖಾನ್: ಆದರೂ ತಣ್ಣಗಾಗದ ನೆಟ್ಟಿಗರ ಕೋಪ.!

'ಸಿನಿಮಾಗಳಲ್ಲಿ ಅವಕಾಶ ಸಿಗಬೇಕು ಅಂದ್ರೆ ಚಿತ್ರತಂಡದವರ ಲೈಂಗಿಕ ತೃಷೆ ತೀರಿಸಬೇಕು' ಎಂಬ ಪದ್ಧತಿಯ ವಿರುದ್ಧ ಸಿನಿಮಾ ನಟಿಯರು ಸಮರ ಸಾರಿರುವಾಗ, ಓರ್ವ ಮಹಿಳೆ ಆಗಿ, ಹಿರಿಯ ನೃತ್ಯ ಸಂಯೋಜಕಿ ಆಗಿ ಸರೋಜ್ ಖಾನ್ 'ಕಾಸ್ಟಿಂಗ್ ಕೌಚ್' ಪರವಾಗಿ ಮಾತನಾಡಿದ್ದಾರೆ.

''ಕಾಸ್ಟಿಂಗ್ ನಿಂದ ಕೆಲಸ ಅಂತೂ ಸಿಗುತ್ತೆ. ಕಮ್ಮಿ ಅಂದ್ರೂ ಹೊಟ್ಟೆಗೆ ರೊಟ್ಟಿ ಕೊಡ್ತಾರೆ. ಅತ್ಯಾಚಾರ ಎಸಗಿ ಪರಾರಿ ಆಗುವುದಿಲ್ಲ'' ಎಂದು ಸರೋಜ್ ಖಾನ್ ಆಡಿರುವ ಮಾತು ವಿವಾದಕ್ಕೆ ಗ್ರಾಸವಾಗಿದೆ.

ಇಂದು ಮುಂಬೈನಲ್ಲಿ ನಡೆದ ಪತ್ರಿಕಾಗೋಷ್ಟಿಯಲ್ಲಿ 'ಕಾಸ್ಟಿಂಗ್ ಕೌಚ್' ಪರವಾಗಿ ಹೇಳಿಕೆ ನೀಡಿ, ದೊಡ್ಡ ವಿವಾದಕ್ಕೆ ನಾಂದಿ ಹಾಡಿದ್ಮೇಲೆ, ಸರೋಜ್ ಖಾನ್ ಗೆ ತಮ್ಮ ತಪ್ಪಿನ ಅರಿವಾಗಿದೆ. ಹೀಗಾಗಿ ಕೂಡಲೆ ಕ್ಷಮೆ ಕೇಳಿದ್ದಾರೆ.

ಕ್ಷಮೆ ಕೇಳಿದ ಮಾತ್ರಕ್ಕೆ, ನಟಿಯರು ಸುಮ್ಮನಾಗಿಲ್ಲ. ನೆಟ್ಟಿಗರ ಕೋಪ ಕೂಡ ತಣ್ಣಗಾಗಿಲ್ಲ. ಸೋಷಿಯಲ್ ಮೀಡಿಯಾದಲ್ಲಿ ಕೆಲವರು ಸರೋಜ್ ಖಾನ್ ರನ್ನ ಲೇವಡಿ ಮಾಡುತ್ತಿದ್ದರೆ, ಹಲವರು ಕೆಂಡಕಾರುತ್ತಿದ್ದಾರೆ. ಅಂತಹ ಕೆಲವು ಟ್ವೀಟ್ ಗಳು ಇಲ್ಲಿದೆ. ನೋಡಿ...