ವಿಜಯ್ ಸೇತುಪತಿ ಕೈಗೆ ಮತ್ತೊಂದು ಹಿಂದಿ ಸಿನಿಮಾ: ತಮಿಳಿನದ್ದೇ ರೀಮೇಕ್!

ಅಮೀರ್ ಖಾನ್ ಜೊತೆಗೆ ಸೇತುಪತಿ ನಟನೆ

ವಿಜಯ್ ಸೇತುಪತಿ ಈಗಾಗಲೇ ಸ್ಟಾರ್ ನಟ ಅಮೀರ್ ಖಾನ್ ನಾಯಕರಾಗಿ ನಟಿಸುತ್ತಿರುವ ಲಾಲ್‌ಸಿಂಗ್ ಛಡ್ಡಾ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಇದು ಅವರ ಮೊದಲ ಹಿಂದಿ ಸಿನಿಮಾ. ಇಂಗ್ಲಿಷ್ ನ ಫಾರೆಸ್ಟ್ ಗಂಫ್ ಸಿನಿಮಾದ ರೀಮೇಕ್ ಲಾಲ್‌ ಸಿಂಗ್ ಛಡ್ಡಾ.

ತಮಿಳಿನ ಹಿಟ್ ಸಿನಿಮಾ ಹಿಂದಿಗೆ ರೀಮೇಕ್

ತಮಿಳಿನಲ್ಲಿ ಹಿಟ್ ಆಗಿದ್ದ ಸಿನಿಮಾ 'ಮಹಾನಗರಂ' ಹಿಂದಿಗೆ ರೀಮೇಕ್ ಆಗುತ್ತಿದ್ದು. ಸಿನಿಮಾದ ಅತ್ಯಂತ ಪ್ರಮುಖ ಪಾತ್ರಕ್ಕೆ ವಿಜಯ್ ಸೇತುಪತಿ ಅವರನ್ನು ಆಹ್ವಾನಿಸಲಾಗಿದೆ. ಹಿಂದಿ ರೀಮೇಕ್‌ನಲ್ಲಿ ವಿಜಯ್ ಸೇತುಪತಿ ಅವರದ್ದು ತಮಿಳು ನಾಗರೀಕನ ಪಾತ್ರವೇ ಎನ್ನಲಾಗುತ್ತಿದೆ.

ಹಿರಿಯ ನಿರ್ದೇಶಕ ಸಂತೋಶ್ ಶಿವನ್ ನಿರ್ದೇಶನ

'ಮಾನಗರಂ' ಸಿನಿಮಾವನ್ನು ತಮಿಳಿನ ಹಿಟ್ ನಿರ್ದೇಶಕ ಲೋಕೇಶ್ ಕನಕರಾಜ್ ನಿರ್ದೇಶಿಸಿದ್ದಾರೆ. ಹಿಂದಿಯಲ್ಲಿ ಇದೇ ಸಿನಿಮಾವನ್ನು ಖ್ಯಾತ ಕ್ಯಾಮೆರಾಮನ್ ಮತ್ತು ನಿರ್ದೇಶಕ ಸಂತೋಶ್ ಶಿವನ್ ನಿರ್ದೇಶಿಸುತ್ತಿದ್ದಾರೆ. ಇರುವರ್, ದಿಲ್ ಸೇ, ರಾವಣ್, ಫಿಜಾ, ಪುಕಾರ್ ಇನ್ನೂ ಹಲವಾರು ಸೂಪರ್ ಹಿಟ್ ಸಿನಿಮಾಗಳಿಗೆ ಕ್ಯಾಮೆರಾಮನ್ ಆಗಿರುವ ಸಂತೋಶ್ ಶಿವನ್, ಹಿಂದಿಯ ಅಸೋಕಾ ಸೇರಿ ಇನ್ನೂ ಹಲವಾರು ಹಿಟ್ ಸಿನಿಮಾ ನಿರ್ದೇಶಿಸಿದ್ದಾರೆ.

Recommended Video

Rocking Star Yash son, ಅಪ್ಪ-ಮಗನ ಕ್ಯೂಟ್ ವಿಡಿಯೋ ರಾಧಿಕಾ ಪಂಡಿತ್ | Filmibeat Kannada

ಹಲವು ಸಿನಿಮಾಗಳಲ್ಲಿ ವಿಜಯ್ ಸೇತುಪತಿ ಬ್ಯುಸಿ

ಭಾರತದ ಬ್ಯುಸಿ ನಟರಲ್ಲೊಬ್ಬರಾದ ವಿಜಯ್ ಸೇತುಪತಿ, ಲಾಭಂ, ಮಾ ಮನಿತ್ತನ್, ಮುತ್ತಯ್ಯ ಮುರಳಿಧರನ್ ಜೀವನಾಧಾರಿತ ಸಿನಿಮಾ, ಕಡೈಸಿ ವ್ಯವಸಾಯಿ, ತುಗಲಕ್ ದರ್ಬಾರ್, ಉಪ್ಪೆನ, ಕಾತು ವಾಕುಲ ರೆಂಡು ಕಾದಲ್, 800, ಇದಂ ಪೊರಲ್ ಇವಲ್, ಯಾಧಂ ಊರೆ ಯಾದವಂ ಕೆಲುರ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಮಾಸ್ಟರ್ ಸಿನಿಮಾ ಬಿಡುಗಡೆಗೆ ತಯಾರಾಗಿದೆ.