Don't Miss!
- Lifestyle ಪ್ರತಿ ಲೀ ಕತ್ತೆ ಹಾಲಿಗೆ ₹5,000..! 20 ಕತ್ತೆಗಳ ಮೂಲಕ ₹2.5 ಕೋಟಿ ವ್ಯವಹಾರ..!
- News Snake Video: ವಿಮಾನದಲ್ಲಿ ಹಾವು ಬಿಟ್ಟ ವ್ಯಕ್ತಿ: ಬೆಂಗಳೂರಿನಲ್ಲಿ ಬಂಧನ- ಶಿವಪುರಿಯಲ್ಲಿ ಅಪರೂಪದ ಹಾವು ಪತ್ತೆ!
- Sports T20 World Cup 2024: ಟಿ20 ವಿಶ್ವಕಪ್ನಲ್ಲಿ ಟೀಮ್ ಇಂಡಿಯಾ ಆರಂಭಿಕರನ್ನು ಸೂಚಿಸಿದ ಸೌರವ್ ಗಂಗೂಲಿ
- Automobiles ಫೋಕ್ಸ್ವ್ಯಾಗನ್ ವರ್ಟಸ್ ಕಾರಿಗೆ ಮನಸೋತ ಗ್ರಾಹಕರು: ಭಾರೀ ಬೇಡಿಕೆ
- Technology Airtel: ಏರ್ಟೆಲ್ನಿಂದ ಹೊಸ ಅಂತಾರಾಷ್ಟ್ರೀಯ ರೋಮಿಂಗ್ ಪ್ಲ್ಯಾನ್ಗಳು! ಇವು ಹೇಗೆಲ್ಲಾ ಅನುಕೂಲ?
- Finance Bengaluru Karaga: ಇಂದು ಈ ರಸ್ತೆಗಳಲ್ಲಿ ಸಂಚಾರ ಬಂದ್, ಬದಲಿ ಮಾರ್ಗ ವಿವರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೊಹ್ಲಿ, ಅಕ್ಷಯ್ ಕುಮಾರ್ ಹಾಗೂ ಇತರರು: ಯಾರ ಬ್ರ್ಯಾಂಡ್ ಮೌಲ್ಯ ಎಷ್ಟು ಕೋಟಿ?
ಬಾಲಿವುಡ್ ಹಾಗೂ ಕ್ರಿಕೆಟ್ ಎಂಬ ಸಾವಿರಾರು ಕೋಟಿ ಮೌಲ್ಯದ 'ಉದ್ಯಮ'ವುಳ್ಳ ಭಾರತದಲ್ಲಿ ಈ ಎರಡು ರಂಗಕ್ಕೆ ಸೇರಿದ ಅನೇಕ ಸೆಲೆಬ್ರಿಟಿಗಳಿದ್ದಾರೆ. ಪ್ರತಿಯೊಬ್ಬರಿಗೂ ಅವರದ್ದೇ ಆದ ತಾರಾ ಮೌಲ್ಯ ಅಥವಾ ಬ್ರ್ಯಾಂಡ್ ಮೌಲ್ಯವಿದೆ. ಈ ಬ್ರ್ಯಾಂಡ್ ಮೌಲ್ಯವನ್ನು ಲೆಕ್ಕ ಹಾಕಿ ವರದಿ ಪ್ರಕಟಿಸಿದೆ ಡಫ್ ಆಂಡ್ ಫಿಲಫ್ಸ್ ಸಂಸ್ಥೆ.
'ಸೆಲೆಬ್ರಿಟಿ ಬ್ರ್ಯಾಂಡ್ ವಾಲ್ಯುವೇಶನ್ ಸ್ಟಡಿ-2020' ಹೆಸರಿನಲ್ಲಿ ಡಫ್ ಆಂಡ್ ಫಿಲಫ್ಸ್ ವರದಿಯೊಂದನ್ನು ಪ್ರಕಟಿಸಿದ್ದು, ಭಾರತದ ಕ್ರಿಕೆಟ್ ಹಾಗೂ ಬಾಲಿವುಡ್ನ ಸೆಲೆಬ್ರಿಟಿಗಳಲ್ಲಿ ಯಾರ ಬ್ರ್ಯಾಂಡ್ ಮೌಲ್ಯ ಎಷ್ಟು ಎಂದು ಬಹಿರಂಗಗೊಳಿಸಿದೆ.
ವರ್ಷಕ್ಕೆ ಅತಿ ಹೆಚ್ಚು ಸಂಭಾವನೆ ಗಳಿಸುವ ಭಾರತದ ನಟರಲ್ಲಿ ಮೊದಲ ಸ್ಥಾನದಲ್ಲಿರುವ ಅಕ್ಷಯ್ ಕುಮಾರ್ ಅವರನ್ನು ಹಿಂದಕ್ಕೆ ತಳ್ಳಿ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಭಾರತದ ಅತ್ಯಂತ ಹೆಚ್ಚು ಬ್ರ್ಯಾಂಡ್ ಮೌಲ್ಯವುಳ್ಳ ಸೆಲೆಬ್ರಿಟಿ ಎನಿಸಿಕೊಂಡಿದ್ದಾರೆ. ಹಾಗಿದ್ದರೆ ಯಾರಾ ಬ್ರ್ಯಾಂಡ್ ಮೌಲ್ಯ ಎಷ್ಟು ಕೋಟಿ? ಮುಂದಿದೆ ಮಾಹಿತಿ.
ವಿರಾಟ್ ಕೊಹ್ಲಿ ಬ್ರ್ಯಾಂಡ್ ಮೌಲ್ಯವೆಷ್ಟು?
ಕ್ರಿಕೆಟಿಗ ವಿರಾಟ್ ಕೊಹ್ಲಿ ಅವರ ಬ್ರ್ಯಾಂಡ್ ಮೌಲ್ಯ 237 ಮಿಲಿಯನ್ ಡಾಲರ್. ಭಾರತೀಯ ರುಪಾಯಿ ಲೆಕ್ಕದಲ್ಲಿ ವಿರಾಟ್ ಕೊಹ್ಲಿ ಬ್ರ್ಯಾಂಡ್ ಮೌಲ್ಯ 1726 ಕೋಟಿಗೂ ಹೆಚ್ಚು. ಅತಿ ಹೆಚ್ಚು ಬ್ರ್ಯಾಂಡ್ ಮೌಲ್ಯ ಹೊಂದಿರುವ ಭಾರತದ ಸೆಲೆಬ್ರಿಟಿ ಆಗಿ ಸತತ ನಾಲ್ಕನೇ ವರ್ಷ ವಿರಾಟ್ ಕೊಹ್ಲಿ ಗುರುತಿಸಿಕೊಂಡಿದ್ದಾರೆ.
ಎರಡನೇ ಸ್ಥಾನದಲ್ಲಿ ಅಕ್ಷಯ್ ಕುಮಾರ್
ವಿರಾಟ್ ಕೊಹ್ಲಿ ನಂತರ ಎರಡನೇ ಸ್ಥಾನದಲ್ಲಿರುವುದು ನಟ ಅಕ್ಷಯ್ ಕುಮಾರ್. ಈ ನಟನ ಬ್ರ್ಯಾಂಡ್ ಮೌಲ್ಯ 859 ಕೋಟಿ ರುಪಾಯಿಗೂ ಹೆಚ್ಚು. ಅಕ್ಷಯ್ ನಂತರದ ಸ್ಥಾನದಲ್ಲಿ ನಟ ರಣ್ವೀರ್ ಸಿಂಗ್ ಇದ್ದು, ರಣ್ವೀರ್ ಸಿಂಗ್ ರ ಬ್ರ್ಯಾಂಡ್ ಮೌಲ್ಯ 742 ಕೋಟಿ ರುಪಾಯಿಗೂ ಹೆಚ್ಚು.
ರೋಹಿತ್ ಶರ್ಮಾ ಗೆ ಎಷ್ಟನೇ ಸ್ಥಾನ?
ವಿಶೇಷವೆಂದರೆ ವಿರಾಟ್ ಕೊಹ್ಲಿ ಹೊರತುಪಡಿಸಿ ಇನ್ನಾವ ಕ್ರಿಕೆಟಿಗರೂ ಸಹ ಟಾಪ್ ಹತ್ತರ ಪಟ್ಟಿಯಲ್ಲಿಲ್ಲ. ಕ್ರಿಕೆಟಿಗ ರೋಹಿತ್ ಶರ್ಮಾ 17 ನೇ ಸ್ಥಾನದಲ್ಲಿದ್ದಾರೆ. ಇನ್ನು ನಟ ಟೈಗರ್ ಶ್ರಾಫ್ 15ನೇ ಸ್ಥಾನದಲ್ಲಿ, ನಟ ಕಾರ್ತಿಕ್ ಆರ್ಯನ್ 20 ನೇ ಸ್ಥಾನದಲ್ಲಿದ್ದಾರೆ.
Recommended Video
ಆಯುಷ್ಮಾನ್ ಖುರಾನಾ ಮೌಲ್ಯ ಹೆಚ್ಚಿದೆ
ನಟ ಆಯುಷ್ಮಾನ್ ಖುರಾನ ಆಶ್ಚರ್ಯಕರ ರೀತಿಯಲ್ಲಿ ಆರನೇ ಸ್ಥಾನಕ್ಕೆ ಏರಿದ್ದಾರೆ. ಕಳೆದ ವರ್ಷವಷ್ಟೆ ಅವರು ಬ್ರ್ಯಾಂಡ್ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದರು. ಆದರೆ ಇಷ್ಟು ಶೀಘ್ರವಾಗಿ ಅವರು ಟಾಪ್ 10 ರ ಒಳಗೆ ಸ್ಥಾನ ಪಡೆದುಕೊಂಡಿದ್ದಾರೆ. ಅವರ ಬ್ರ್ಯಾಂಡ್ ಮೌಲ್ಯ 209 ಕೋಟಿ.