ನಟಿ ರೇಖಾ ಮತ್ತು ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಮದುವೆ ವಿಚಾರ ಮತ್ತೆ ವೈರಲ್

ರೇಖಾ ಮತ್ತು ಇಮ್ರಾನ್ ಮದುವೆ ಸುದ್ದಿ

ಇಮ್ರಾನ್ ಖಾನ್ ಬಾಲಿವುಡ್ ನ ಅನೇಕ ನಟಿಯರ ಜೊತೆ ಉತ್ತಮ ಬಾಂಧವ್ಯ ಹೊಂದಿದ್ದರು. ಇಮ್ರಾನ್ ಅಂದರೆ ಬಾಲಿವುಡ್ ನಟಿಯರೂ ಕೂಡ ತುಂಬಾ ಇಷ್ಟಪಡುತ್ತಿದ್ದರು. ಅದೇ ಸಮಯದಲ್ಲಿ ನಟಿ ರೇಖಾ ಮತ್ತು ಇಮ್ರಾನ್ ಖಾನ್ ನಡುವಿನ ಸಂಬಂಧ ದೊಡ್ಡ ಮಟ್ಟದಲ್ಲಿ ಸುದ್ದಿಯಾಗಿತ್ತು. ಇಬ್ಬರು ಮದುವೆ ಆಗಲು ನಿರ್ಧರಿಸಿದ್ದರು ಎಂದು ಆ ಸಮಯದಲ್ಲಿ ಬಿತ್ತರವಾದ ಲೇಖನ ಈಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ರೇಖಾ ಜೊತೆ ಮುಂಬೈನಲ್ಲಿ ಸಮಯ ಕಳೆದಿದ್ದ ಇಮ್ರಾನ್

ಸದ್ಯ ವೈರಲ್ ಆಗಿರುವ ಲೇಖನದಲ್ಲಿ, ರೇಖಾ ಮತ್ತು ಇಮ್ರಾನ್ ಬಹುತೇಕ ಮದುವೆ ಹಂತಕ್ಕೆ ಹೋಗಿದ್ದರು ಎನ್ನುವ ವಿಚಾರವಿದೆ. ಇದು ರೇಖಾ ಅವರ ತಾಯಿಗೂ ತುಂಬಾ ಇಷ್ಟವಿತ್ತಂತೆ. ಮಾಜಿ ಕ್ರಿಕೆಟಿಗ ಇಮ್ರಾನ್ ಖಾನ್, ರೇಖಾ ಜೊತೆ ಒಂದು ತಿಂಗಳು ಮುಂಬೈನಲ್ಲಿ ಸಮಯ ಕಳೆದಿದ್ದರು. ಇಬ್ಬರು ಮುಂಬೈ ಕಡಲತೀರದಲ್ಲಿ ಕಾಣಿಸಿಕೊಂಡಿದ್ದರು ಎಂದು ಈ ಲೇಖನದಲ್ಲಿ ಉಲ್ಲೇಖಿಸಲಾಗಿದೆ.

ಇಮ್ರಾನ್ ಖಾನ್ ಹೇಳಿದ್ದೇನು?

ಇಬ್ಬರು ಒಬ್ಬರನೊಬ್ಬರು ಪ್ರೀತಿಸುತ್ತಿದ್ದರು ಎಂದು ಹೇಳಲಾಗಿತ್ತು. ಈ ಬಗ್ಗೆ ಅಂದು ಪ್ರತಿಕ್ರಿಯೆ ನೀಡಿದ್ದ ಇಮ್ರಾನ್ ಖಾನ್, ನಟಿ ರೇಖಾ ಜೊತೆಗಿನ ಕಂಪನಿಗೆ ಸ್ವಲ್ಪ ಸಮಯ ಮಾತ್ರ ಚಂದ. ನಾನು ಅವರ ಜೊತೆಗಿದ್ದ ಸಮಯವನ್ನು ಆನಂದಿಸಿದ್ದೀನಿ. ಬಳಿಕ ನಾನು ಮುಂದುವರೆದಿದ್ದೀನಿ. ಸಿನಿಮಾ ನಟಿಯರನ್ನು ಮದುವೆಯಾಗುವ ಬಗ್ಗೆ ಯೋಚಿಸಲು ಸಾಧ್ಯವಿಲ್ಲ' ಎಂದು ಹೇಳಿದ್ದಾರೆ.

Recommended Video

ಹಸಿದವರ ಹೊಟ್ಟೆ ತುಂಬಿಸುವ ಕೆಲಸ ಮಾಡ್ತಿರೋ ಕಿರಣ್ ರಾಜ್ ಗೆ ಸಲಾಂ | Filmibeat Kannada

ಬಾಲಿವುಡ್ ನಟಿಯರ ಜೊತೆ ಇಮ್ರಾನ್ ಸ್ನೇಹ

ಇಮ್ರಾನ್ ಖಾನ್, ನಟಿ ರೇಖಾ ಜೊತೆ ಮಾತ್ರವಲ್ಲದೆ ಬಾಲಿವುಡ್ ನಟಿಯರಾದ ಶಬಾನಾ ಆಜ್ಮಿ ಮತ್ತು ಜೀನತ್ ಅಮನ್ ಜೊತೆಯೂ ಸಂಬಂಧ ಹೊಂದಿದ್ದರು ಎನ್ನುವ ಸುದ್ದಿ ಕೇಳಿಬಂದಿತ್ತು. 1992ರಲ್ಲಿ ಕ್ರಿಕೆಟ್ ನಿಂದ ನಿವೃತ್ತಿ ಪಡೆದ ಇಮ್ರಾನ್ ಖಾನ್ ಬಳಿಕ ರಾಜಕೀಯ ಪ್ರವೇಶ ಮಾಡಿದರು. 2018ರಲ್ಲಿ ಪಾಕಿಸ್ತಾನದ ಪ್ರಧಾನಿಯಾಗಿ ಆಯ್ಕೆಯಾಗಿದ್ದಾರೆ.