Don't Miss!
- Sports IPL 2024: ಸಿಕ್ಸ್ ಹೊಡೆದು ತಪ್ಪಾಯ್ತು ಎಂದಿದ್ದೇಕೆ ರಿಷಬ್ ಪಂತ್ ?
- News Chardham Yatra Guidelines 2024: ಚಾರ್ಧಾಮ್ ಯಾತ್ರೆಗೆ ಹೋಗುವಾಗ ಈ ವಸ್ತುಗಳನ್ನು ಬ್ಯಾಗ್ ಅಲ್ಲಿ ಇಟ್ಟುಕೊಳ್ಳಿ....
- Automobiles ಹೊಸ ಜೀಪ್ ರಾಂಗ್ಲರ್ ಸಂಪೂರ್ಣ ರಿವ್ಯೂ ವಿಡಿಯೋ: ಆಫ್ರೋಡ್ನಲ್ಲಿ ಇದನ್ನು ಮೀರಿಸುವವರಿಲ್ಲ!
- Lifestyle ತಾವರೆಯ ಬೀಜವನ್ನು ಹಾಲಿನ ಜೊತೆ ಸೇವಿಸಿದರೆ ಇಷ್ಟೆಲ್ಲಾ ಪ್ರಯೋಜನಗಳಿವೆ ಗೊತ್ತಾ?
- Technology HMD ಪಲ್ಸ್ ಸರಣಿ ಅಡಿಯಲ್ಲಿ 3 ಹೊಸ ಸ್ಮಾರ್ಟ್ಫೋನ್ ಲಾಂಚ್! ಫೀಚರ್ಸ್ ಏನಿವೆ?
- Finance April 25 Gold Rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರಿಯಾಂಕಾ ಚೋಪ್ರಾಳಂತೆ ನನ್ನಿಂದ ಇದು ಸಾಧ್ಯವೇ ಇಲ್ಲ ಎಂದಿದ್ದರು ಕರೀನಾ ಕಪೂರ್
ಕರೀನಾ ಕಪೂರ್ ಬಾಲಿವುಡ್ ಬದುಕು ಆರಂಭಿಸಿ ಸುಮಾರು 20 ವರ್ಷಗಳಾಗಿವೆ. ತಮ್ಮ ಅಭಿನಯ ಮತ್ತು ಸೌಂದರ್ಯದಿಂದ ಅನೇಕ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಅವರ ಅನೇಕ ಪಾತ್ರಗಳನ್ನು ಜನರು ಮೆಚ್ಚಿಕೊಂಡಿದ್ದಾರೆ. ಅಷ್ಟೇ ಅಲ್ಲ ನಾಯಕ ನಟಿಯಾಗಿದ್ದರೂ ಅನೇಕ ಸಿನಿಮಾಗಳಲ್ಲಿ ಪೋಷಕ ಪಾತ್ರಗಳಲ್ಲಿಯೂ ಕಾಣಿಸಿಕೊಂಡಿದ್ದಾರೆ. ಅದಕ್ಕೆ ಇತ್ತೀಚೆಗೆ ಬಿಡುಗಡೆಯಾಗಿದ್ದ ಇರ್ಫಾನ್ ಖಾನ್ ಮತ್ತು ರಾಧಿಕಾ ಮದನ್ ಅಭಿನಯದ 'ಅಂಗ್ರೇಜಿ ಮೀಡಿಯಂ' ಒಂದು ಉದಾಹರಣೆ.
Recommended Video
ಆದರೆ ಎರಡು ದಶಕಗಳಿಂದ ಚಿತ್ರರಂಗದಲ್ಲಿದ್ದರೂ ಕರೀನಾ ಅಂತಾರಾಷ್ಟ್ರೀಯ ಸಿನಿಮಾಗಳ ಕೆಲಸದಲ್ಲಿ ತೊಡಗಿಸಿಕೊಂಡವರಲ್ಲ. ಹಿಂದಿ ಸಿನಿಮಾಗಳಾಚೆ ಕರೀನಾ ಗುರುತಿಸಿಕೊಂಡಿಲ್ಲ. ಹಾಲಿವುಡ್ ಸಿನಿಮಾಗಳತ್ತಲೂ ಅವರು ಹೋದವರಲ್ಲ. ಆದರೆ ಅವರ ನಂತರ ಬಂದ ದೀಪಿಕಾ ಪಡುಕೋಣೆ ಮತ್ತು ಪ್ರಿಯಾಂಕಾ ಚೋಪ್ರಾ ಹಾಲಿವುಡ್ನಲ್ಲಿಯೂ ಸದ್ದು ಮಾಡಿದರು. ಮುಂದೆ ಓದಿ...
ಹಾಲಿವುಡ್ಗೆ ಏಕೆ ಹೋಗಿಲ್ಲ?
ಕರಣ್ ಜೋಹರ್ ಅವರ ಕಾಫಿ ವಿತ್ ಕರಣ್ ಕಾರ್ಯಕ್ರಮದಲ್ಲಿ ಕರೀನಾ ಮತ್ತು ಪ್ರಿಯಾಂಕಾ ಒಟ್ಟಿಗೆ ಭಾಗವಹಿಸಿದ್ದರು. ಆಗ ಕರೀನಾ ಅವರಿಗೆ ಕರಣ್, ನೀವೇಕೆ ಹಾಲಿವುಡ್ ಸಿನಿಮಾಗಳನ್ನು ಮಾಡುತ್ತಿಲ್ಲ? ಹಾಲಿವುಡ್ ಸಿನಿಮಾಗಳಲ್ಲಿ ನಟಿಸುವ ಬಯಕೆ ಉಂಟಾಗಿಲ್ಲವೇ? ಎಂದು ಪ್ರಶ್ನಿಸಿದ್ದರು.
ನನಗೆ ಮನೆ, ಕುಟುಂಬ ಬೇಕು
ಅದಕ್ಕೆ ಕರೀನಾ, 'ಅಲ್ಲಿಗೆ ಹೋಗಲು ನನ್ನಿಂದ ಸಾಧ್ಯವಿಲ್ಲ. ನನ್ನ ಬೇರು ಇಲ್ಲಿಯೇ ಗಟ್ಟಿಯಾಗಿದೆ. ನನ್ನ ಕುಟುಂಬ, ನನ್ನ ಪ್ರೀತಿ ಪಾತ್ರರು ಎಲ್ಲರೂ ಇಲ್ಲಿದ್ದಾರೆ. ಈಗ ನನ್ನ ಮಗು ಕೂಡ ಇದೆ. ಇಲ್ಲಿ ನಾನು ಆಯ್ಕೆ ಮಾಡಿಕೊಂಡು ಮುಂದೆ ಸಾಗುವುದರ ಕುರಿತು ಮಾತ್ರ ಯೋಚಿಸುತ್ತೇನೆ' ಎಂದಿದ್ದರು.
ಪ್ರಿಯಾಂಕಾಳದ ದಿಟ್ಟತನವಿದು
'ಪ್ರಿಯಾಂಕಾ ಚೋಪ್ರಾ ಹಾಲಿವುಡ್ನಲ್ಲಿ ಅದ್ಭುತವಾದ ಸಾಧನೆ ಮಾಡಿದ್ದಾರೆ. ನಾನು ನೋಡಿರುವ ಪ್ರಿಯಾಂಕಾರ ನಿರ್ಭಿಡೆಯ ಮುಖವಿದು. ಅದಕ್ಕಾಗಿ ಆಕೆಯನ್ನು ನಿಜಕ್ಕೂ ಶ್ಲಾಘಿಸುತ್ತೇನೆ. ನನಗೆ ಆ ಛಾತಿ ಇದೆ ಎಂದು ಅನಿಸುತ್ತಿಲ್ಲ. ನಾನಿಲ್ಲಿ ಮಾಡಿರುವ ಕೆಲಸಗಳ ಬಗ್ಗೆ ಖುಷಿಯಿಂದಿದ್ದೇನೆ. ಆದರೆ ನನಗೆ ಅಂತಹ ಮಹತ್ವಾಕಾಂಕ್ಷೆಯಿಲ್ಲ' ಎಂದು ಹೇಳಿದ್ದರು.
ನನಗೆ ಮಹತ್ವಾಕಾಂಕ್ಷೆಗಳಿಲ್ಲ
'ಹಾಲಿವುಡ್ ಸಿನಿಮಾಗಳಲ್ಲಿ ನಟಿಸುವುದು ಬಹುದೊಡ್ಡ ಬೆಂಚ್ ಮಾರ್ಕ್ ಎಂದು ಪರಿಗಣಿಸಬೇಕಿಲ್ಲ. ಈ ಸಾಧನೆಗೆ ನಿದ್ದೆ, ಊಟಗಳಿಲ್ಲದೆ ಕೆಲಸ ಮಾಡಬೇಕು' ಪ್ರಿಯಾಂಕಾ ಹೇಳಿದ್ದರು. ಅದಕ್ಕೆ ಕರೀನಾ, ನಿಜ. ನನಗೆ ನಿದ್ದೆ ಮತ್ತು ಊಟ ಬೇಕು. ನನಗೆ ನನ್ನ ಕುಟುಂಬ ಕೂಡ ಬೇಕು. ನನಗೆ ಹಾಲಿವುಡ್ಗೆ ಹೋಗಲೇಬೇಕೆಂಬ ಪ್ರಿಯಾಂಕಾರಷ್ಟು ಮಹತ್ವಾಕಾಂಕ್ಷೆಯಿಲ್ಲ. ಆದರೆ ಇಲ್ಲಿ ಮಾಡಿರುವುದು ಕಡಿಮೆ ಸಾಧನೆಯೂ ಅಲ್ಲ' ಎಂದಿದ್ದರು.