ಕೆಜಿಎಫ್, RRR ಅಸಲಿ ಆಟ ಶುರು: 'ಬಾಯ್‌ಕಾಟ್' ಬಾಲಿವುಡ್ ಎನ್ನುತ್ತಿರೋದೇಕೆ?

ಇನ್ಮುಂದೆ ಬಾಲಿವುಡ್ ಎಂದರೆ ಭಾರತ ಅಲ್ಲ

ಈ ಮೊದಲು ಭಾರತೀಯ ಚಿತ್ರರಂಗ ಅಂದರೆ ಅದು ಬಾಲಿವುಡ್ ಎನ್ನುವುದು ವಾಡಿಕೆಯಾಗಿತ್ತು. ಹಿಂದಿ ಭಾಷೆಯ ಚಿತ್ರಗಳಿಗೆ ಬಾಲಿವುಡ್ ಎನ್ನುವ ಹೆಸರು ಬಂತು. ನಂತರ ಅದು ಭಾರತೀಯ ಚಿತ್ರರಂಗ ಎನ್ನುವಂತೆ ಆಗಿತ್ತು. ಆದರೆ ಈಗ ಅದು ಬದಲಾಗುತ್ತಾ ಇದೆ. ಸಿನಿಮಾವನ್ನು ದೇಶ, ಭಾಷೆಯ ಗಡಿ ಬಿಟ್ಟು ನೋಡುವ ಪ್ರೇಕ್ಷಕರು ಹುಟ್ಟಿ ಕೊಂಡಿದ್ದಾರೆ.

ಟ್ರೆಂಡಿಂಗ್‌ನಲ್ಲಿ ಬಾಯ್‌ ಕಾಟ್ ಬಾಲಿವುಡ್!

'ಕೆಜಿಎಫ್ 2' ಚಿತ್ರ ಬಾಲಿವುಡ್‌ನಲ್ಲಿ ಸೂಪರ್ ಹಿಟ್ ಆಗುತ್ತಿದ್ದಂತೆ, ಉತ್ತರ ಭಾರತೀಯ ಪ್ರೇಕ್ಷಕರು ಸೌತ್ ಚಿತ್ರರಂಗ ಮತ್ತು ಕಲಾವಿದರಿಗೆ ಜೈ ಕಾರ ಹಾಕುತ್ತಿದ್ದಾರೆ. ಸೌತ್ ಚಿತ್ರಗಳೇ ಬಾಲಿವುಡ್‌ ಚಿತ್ರಗಳಿಗಿಂತ ಉತ್ತಮ ಎನ್ನುತ್ತಿದ್ದಾರೆ. ಹಾಗಾಗಿ ಟಾಲಿವುಡ್‌ನಲ್ಲಿ ಬಾಯ್‌ ಕಾಟ್ ಬಾಲಿವುಡ್ ಎನ್ನುವ ಹ್ಯಾಶ್ ಟ್ಯಾಗ್ ಟ್ರೆಂಡಿಂಗ್‌ನಲ್ಲಿದೆ. ಇದರ ಜೊತೆಗೆ ಬಾಲಿವುಡ್ ಹೀರೊಗಳನ್ನು ಟ್ರೋಲ್ ಮಾಡಲಾಗುತ್ತಿದೆ.

ಶಾರುಖ್, ಆಮಿರ್, ಸಲ್ಮಾನ್ ಟ್ರೋಲ್!

ಬಾಯ್‌ಕಾಟ್ ಬಾಲಿವುಡ್ ಎನ್ನುವುದು ಟ್ರೆಂಡ್ ಆಗುತ್ತಲೇ, ಬಾಲಿವುಡ್ ಸ್ಟಾರ್‌ ನಟರನ್ನು ಟ್ರೋಲ್ ಮಾಡಲಾಗುತ್ತಿದೆ. ಬಾಲಿವುಡ್‌ ನಟರು ಚಿತ್ರಗಳ ಮೂಲಕ ಪ್ರೇಕ್ಷಕರನ್ನು ಮೂರ್ಖರನ್ನಾಗಿ ಮಾಡಿ, ತಾವು ದುಡ್ಡು ಮಾಡಿಕೊಳ್ಳುತ್ತಾರೆ. ಎನ್ನುವಂತಹ ಕಮೆಂಟ್‌ಗಳು ಬಂದಿದೆ. ಜೊತೆಗೆ ಬಾಲಿವುಡ್‌ನಲ್ಲಿ ಬಂದ ಕೆಟ್ಟ ಚಿತ್ರಗಳು ಭಾರತೀಯ ಸಂಸ್ಕೃತಿಯನ್ನು ಹಾಳು ಮಾಡಿವೆ. ದುಡ್ಡಿಗಾಗಿ ಚಿತ್ರ ಮಾಡಿ ಸಂಸ್ಕೃತಿಯನ್ನು ಕೆಟ್ಟದಾಗಿ ಬಿಂಬಿಸಲಾಗಿದೆ ಎನ್ನುವಂತಹ ಕಮೆಂಟ್‌ಗಳು ಬಂದಿವೆ.

ರಾಜಮೌಳಿ, ಕೆಜಿಎಫ್ ಕೊಡುಗೆ ಅಪಾರ!

ಇಂತಹ ದೊಡ್ಡದೊಂದು ಬದಲಾವಣೆಗೆ ನಿರ್ದೇಶಕ ರಾಜಮೌಳಿ ಬುನಾದಿ ಹಾಕಿದರು ಎಂದರೆ ತಪ್ಪಾಗಲಾರದು. 'ಬಾಹುಬಲಿ' ಎನ್ನುವಂತಹ ಚಿತ್ರ ಮಾಡಿದ ರಾಜಮೌಳಿ ಬಾಲಿವುಡ್‌ ಹಾಕಿಕೊಂಡಿದ್ದ ಬೇಲಿಗಳನ್ನು ಮುರಿದು ಹಾಕಿತು. ನಂತರ 'ಬಾಹುಬಲಿ 2', 'RRR' ಚಿತ್ರ ಮತ್ತಷ್ಟು ದೊಡ್ಡ ಯಶಸ್ಸು ಕಂಡಿತು. ಈ ಬೆಳವಣಿಗೆಯಲ್ಲಿ ಕನ್ನಡ ಚಿತ್ರ 'ಕೆಜಿಎಫ್ 2' ಪಾಲು ಇದೆ ಎನ್ನುವುದು ಕನ್ನಡಿಗರಿಗೆ ಹೆಮ್ಮೆ. ಈ ಚಿತ್ರಗಳ ಜೊತೆಗೆ 'ಪುಷ್ಪ' ಚಿತ್ರ ಕೂಡ ಬಾಲಿವುಡ್‌ನಲ್ಲಿ ಉತ್ತಮ ಛಾಪು ಮೂಡಿಸಿತು.