ಮದುವೆ ಆಗಿಲ್ಲ ಏಕೆ? ಕಾರಣ ನೀಡಿದ ಕಂಗನಾ

ನಿಜ ಜೀವನದಲ್ಲಿ ಭಿನ್ನವಾಗಿರುತ್ತಾರೆ ಕಂಗನಾ

ಅದೇ ಸಂದರ್ಶನದಲ್ಲಿ ಹಾಜರಿದ್ದ ನಟ ಅರ್ಜುನ್ ರಾಮ್‌ಪಾಲ್, '' ಸಿನಿಮಾಗಳಲ್ಲಿ ಕಾಣುವಂತೆ ನಿಜ ಜೀವನದಲ್ಲಿ ಕಂಗನಾ ಇಲ್ಲ. ಪಾತ್ರಕ್ಕೆ ಏನು ಬೇಕೋ ಅದನ್ನು ಕಂಗನಾ ನೀಡುತ್ತಾರೆ. ಅವರೊಬ್ಬ ಅದ್ಭುತ ನಟಿ. ಆದರೆ ನಿಜ ಜೀವನದಲ್ಲಿ ಬಹಳಷ್ಟು ಭಿನ್ನವಾಗಿರುತ್ತಾರೆ'' ಎಂದಿದ್ದಾರೆ.

ಕಂಗನಾ ಬಗ್ಗೆ ಅರ್ಜುನ್ ರಾಮ್‌ಪಾಲ್ ಹೇಳಿದ್ದು ಹೀಗೆ

''ನಿಜ ಜೀವನದಲ್ಲಿ ಕಂಗನಾ ಬಹಳ ಮೃದು ಸ್ವಭಾವದ ವ್ಯಕ್ತಿತ್ವದವರು. ಎಲ್ಲರನ್ನೂ ಪ್ರೀತಿಯಿಂದ ಮಾತನಾಡಿಸುತ್ತಾರೆ. ನಗಿಸುತ್ತಾರೆ, ನಗುತ್ತಿರುತ್ತಾರೆ. ಎಲ್ಲರನ್ನೂ ಕೇರ್ ಮಾಡುತ್ತಾರೆ. ದೇವರ ಬಗ್ಗೆ ಅಪಾರ ಭಕ್ತಿ, ಗೌರವಗಳನ್ನು ಇಟ್ಟುಕೊಂಡಿದ್ದಾರೆ. ಸದಾ ಪೂಜೆಗಳನ್ನು ಮಾಡುತ್ತಿರುತ್ತಾರೆ. ಸಾಕಷ್ಟು ಯೋಗ, ಇತರೆ ವ್ಯಾಯಾಮಗಳನ್ನು ಮಾಡುತ್ತಾರೆ. ಬಹಳ ಸರಳವಾಗಿ ಕಂಗನಾ ಇರುತ್ತಾರೆ'' ಎಂದಿದ್ದಾರೆ ಅರ್ಜುನ್ ರಾಮ್‌ಪಾಲ್.

ಹೃತಿಕ್ ರೋಷನ್ ಜೊತೆ ಹೆಸರು ಕೇಳಿ ಬಂದಿತ್ತು

ಅಸಲಿಗೆ ಕಂಗನಾ ಹೆಸರು ಕೆಲವರೊಟ್ಟಿಗೆ ಹರಿದಾಡಿತ್ತು. ಆದಿತ್ಯ ಪಂಚೋಲಿ ಸೇರಿದಂತೆ ಇನ್ನೂ ಕೆಲವರೊಟ್ಟಿಗೆ ಹೆಸರು ಕೇಳಿ ಬಂದಿತ್ತು. ಅದರಲ್ಲಿಯೂ ಕಂಗನಾ ಹಾಗೂ ಹೃತಿಕ್ ರೋಷನ್ ಸಂಬಂಧವಂತೂ ನ್ಯಾಯಾಲಯದ ಮೆಟ್ಟಿಲು ಸಹ ಏರಿತು. ಹೃತಿಕ್ ಜೊತೆ ಕಂಗನಾರ ಹೆಸರು ಕೇಳಿ ಬಂದ ಬಳಿಕ ಕಂಗನಾರ ಹೆಸರು ಇನ್ನಾವ ನಟನೊಂದಿಗೂ ಕೇಳಿ ಬರಲಿಲ್ಲ.

'ಧಾಕಡ್' ಟ್ರೇಲರ್ ಗಮನ ಸೆಳೆದಿದೆ

ಕಂಗನಾ ನಟಿಸಿರುವ 'ಧಾಕಡ್' ಸಿನಿಮಾದ ಟ್ರೇಲರ್ ಕೆಲವು ದಿನಗಳ ಹಿಂದಷ್ಟೆ ಬಿಡುಗಡೆ ಆಗಿದ್ದು, ಟ್ರೇಲರ್ ವೈರಲ್ ಆಗಿದೆ. ಕಂಗನಾ, ಗೂಢಚಾರಿಣಿ ಪಾತ್ರದಲ್ಲಿ ನಟಿಸಿದ್ದಾರೆ. ಬಿಕಿನಿ ಧರಿಸಿ, ಮದ್ಯ ಹೀರುತ್ತಾ ಸಖತ್ ಸೆಕ್ಸಿಯಾಗಿಯೂ ಕಾಣಿಸಿಕೊಂಡಿದ್ದಾರೆ. ಗನ್ ಹಿಡಿದು ದುಷ್ಟರ ಸಂಹಾರ ಸಹ ಮಾಡುತ್ತಿದ್ದಾರೆ. ಸ್ಪೈ ಗೇಮ್‌ಗಳನ್ನು ಹೋಲುವಂತಹಾ ಸೆಟ್‌ಗಳು, ಅದ್ಭುತ ಆಕ್ಷನ್, ಅರ್ಜುನ್ ರಾಮ್‌ಪಾಲ್‌ರ ಅದ್ಭುತ ನಟನೆ ಟ್ರೇಲರ್‌ನಲ್ಲಿ ಗಮನ ಸೆಳೆಯುತ್ತಿದೆ.