ಬಾಲಿವುಡ್‌ನಿಂದ ಬಂದಿದ್ದ ಮೊದಲ ಅವಕಾಶ ಕೈಬಿಟ್ಟಿದ್ದ ರಶ್ಮಿಕಾ

''ಜೆರ್ಸಿ' ನನ್ನ ಮೊದಲ ಬಾಲಿವುಡ್ ಸಿನಿಮಾ ಆಗಬೇಕಿತ್ತು: ರಶ್ಮಿಕಾ

''ಜೆರ್ಸಿ' ನನ್ನ ಮೊದಲ ಬಾಲಿವುಡ್ ಸಿನಿಮಾ ಆಗಬೇಕಿತ್ತು. ನಾಯಕಿ ಪಾತ್ರದಲ್ಲಿ ನಟಿಸುವಂತೆ ಕೇಳಿದ್ದರು. ಆದರೆ ಆ ಪಾತ್ರಕ್ಕೆ ನಾನು ಸೂಕ್ತವಾಗಿ ನ್ಯಾಯ ಒದಗಿಸಬಲ್ಲೆನಾ ಎಂಬ ಅನುಮಾನ ಇತ್ತು ಹಾಗಾಗಿ ಆ ಸಿನಿಮಾ ಒಪ್ಪಿಕೊಳ್ಳಲಿಲ್ಲ'' ಎಂದಿದ್ದಾರೆ ರಶ್ಮಿಕಾ ಮಂದಣ್ಣ.

ಗೃಹಿಣಿ, ತಾಯಿ ಪಾತ್ರ ಬೇಡವೆಂದು ನಿರಾಕರಿಸಿದ ರಶ್ಮಿಕಾ

ರಶ್ಮಿಕಾ ಆ ಪಾತ್ರ ನಿರಾಕರಿಸಲು ಬೇರೆ ಕಾರಣವಿದೆ ಎನ್ನುವ ಗಾಳಿಸುದ್ದಿಯೂ ಇದೆ. 'ಜೆರ್ಸಿ' ಸಿನಿಮಾದಲ್ಲಿ ನಾಯಕಿಗೆ ಗೃಹಿಣಿ ಪಾತ್ರವಿದೆ. ಐದು ವರ್ಷ ವಯಸ್ಸಿನ ಮಗುವಿನ ತಾಯಿ ಪಾತ್ರ ಅದಾಗಿದೆ. ಬಬ್ಲಿ ಯುವತಿ, 'ಲವರ್‌ ಗರ್ಲ್‌' ಪಾತ್ರಗಳಲ್ಲಿಯಷ್ಟೆ ನಟಿಸುತ್ತಿರುವ ರಶ್ಮಿಕಾ, ಗೃಹಿಣಿ, ತಾಯಿ ಪಾತ್ರಗಳಲ್ಲಿ ಈಗಲೇ ನಟಿಸುವುದು ಬೇಡವೆಂದು 'ಜೆರ್ಸಿ' ಸಿನಿಮಾ ಆಫರ್ ಅನ್ನು ತಿರಸ್ಕರಿಸಿದ್ದಾರೆ ಎನ್ನಲಾಗುತ್ತಿದೆ.

ಕನ್ನಡತಿ ಶ್ರದ್ಧಾ ಶ್ರೀನಾಥ್ ನಟಿಸಿದ್ದ ಸಿನಿಮಾ

ಶಾಹಿದ್ ಕಪೂರ್ ನಟಿಸುತ್ತಿರುವ 'ಜೆರ್ಸಿ' ಸಿನಿಮಾ ಅದೇ ಹೆಸರಿನ ತೆಲುಗು ಸಿನಿಮಾದ ರೀಮೇಕ್. ತೆಲುಗಿನಲ್ಲಿ ಕನ್ನಡತಿ ಶ್ರದ್ಧಾ ಶ್ರೀನಾಥ್ ನಾಯಕಿಯಾಗಿ ನಟಿಸಿದ್ದರು. ನಾಯಕನಾಗಿ ನಾನಿ ನಟಿಸಿದ್ದರು ಸಿನಿಮಾವು ಭರ್ಜರಿ ಹಿಟ್ ಆದ ಜೊತೆಗೆ ವಿಮರ್ಶಕರಿಂದಲೂ ಮೆಚ್ಚುಗೆ ಗಳಿಸಿತ್ತು. ಶ್ರದ್ಧಾ ಶ್ರೀನಾಥ್ ನಟನೆ ವಿಮರ್ಶಕರ ಮೆಚ್ಚುಗೆಗೆ ಪಾತ್ರವಾಗಿತ್ತು.

Recommended Video

ಅಪ್ಪನಿಗೆ Puneeth Rajkumar ರಿಂದ ಹೃದಯಸ್ಪರ್ಶಿ ಗೀತೆಯ ಕೊಡುಗೆ | Filmibeat Kannada

ಅಲ್ಲು ಅರ್ಜುನ್ ಜೊತೆಗೆ 'ಪುಷ್ಪ' ಸಿನಿಮಾದಲ್ಲಿ ನಟನೆ

ರಶ್ಮಿಕಾ ಮಂದಣ್ಣ ಕೈಯಲ್ಲಿ ಸದ್ಯಕ್ಕೆ ಹಲವು ಸಿನಿಮಾ ಆಫರ್‌ಗಳಿವೆ. ಬಾಲಿವುಡ್‌ನಲ್ಲಿ ಎರಡು ಸಿನಿಮಾಗಳಲ್ಲಿ ನಟಿಸುತ್ತಿರುವ ಜೊತೆಗೆ ತೆಲುಗಿನಲ್ಲಿ ಅಲ್ಲು ಅರ್ಜುನ್ ಜೊತೆಗೆ 'ಪುಷ್ಪ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಅದರ ಜೊತೆಗೆ 'ಥ್ಯಾಂಕ್‌ ಯೂ' ಸಿನಿಮಾದಲ್ಲಿಯೂ ರಶ್ಮಿಕಾ ನಟಿಸುತ್ತಿದ್ದಾರೆ.