ವಿವಾಹಕ್ಕೆ 5 ದಿನ ಇದ್ದಾಗ ಸಲ್ಮಾನ್ ಖಾನ್ 'ಮದ್ವೆ ಬೇಡ' ಅಂದಿದ್ದೇಕೆ?

1999ರಲ್ಲಿ ಮದುವೆ ಫಿಕ್ಸ್ ಆಗಿತ್ತಂತೆ

ಬಾಲಿವುಡ್ ನಿರ್ಮಾಪಕ ಸಾಜಿದ್ ಸಾಜಿದ್ ನಾಡಿಯಾಡ್ವಾಲಾ, ಕಪಿಲ್ ಶರ್ಮಾ ಶೋನಲ್ಲಿ ಮಾತನಾಡುವ ವೇಳೆ ಸಲ್ಮಾನ್ ಖಾನ್ ಮದುವೆ ರದ್ದಾದ ಘಟನೆ ಕುರಿತು ಹೇಳಿಕೊಂಡಿದ್ದಾರೆ. '1999ರ ಸಮಯದಲ್ಲಿ ಸಲ್ಮಾನ್ ಖಾನ್ ಅವರಿಗೆ ಮದುವೆ ಮಾಡಲು ಮನೆಯಲ್ಲಿ ನಿರ್ಧರಿಸಿದ್ದರಂತೆ. ತಂದೆಯ ಹುಟ್ಟುಹಬ್ಬದ ದಿನವೇ ವಿವಾಹ ಜರುಗಿಸಲು ತೀರ್ಮಾನಿಸಲಾಗಿತ್ತು' ಎಂದು ಸಾಜೀದ್ ಬಹಿರಂಗಪಡಿಸಿದ್ದಾರೆ.

ಆಮಂತ್ರಣ ಪತ್ರಿಕೆ ಹಂಚಲಾಗಿತ್ತು

''ಮದುವೆಗೆ ಎಲ್ಲ ಸಿದ್ಧತೆ ಆಗಿತ್ತು. ಆಮಂತ್ರಣ ಪತ್ರಿಕೆಯನ್ನು ಹಂಚಲಾಗಿತ್ತು. ಮದುವೆ ಐದಾರು ದಿನ ಇತ್ತು. ಆ ಸಮಯದಲ್ಲಿ ಸಲ್ಮಾನ್ ಖಾನ್ ಮದುವೆ ಬೇಡ ಅಂದುಬಿಟ್ಟರು. ನನಗೆ ಮದುವೆ ಆಗುವ ಮೂಡ್ ಇಲ್ಲ ಎಂದು ಹೊರಟು ಹೋದರು'' ಎಂದು ಸಾಜೀದ್ ಮದುವೆ ಬಗ್ಗೆ ಹೇಳಿದ್ದಾರೆ.

ಸಲ್ಮಾನ್ ಖಾನ್ ಕನ್ನಡ ಕೇಳಿ ಖುಷಿಯಾದ ಕನ್ನಡಿಗರು

ಕಾರಣ ಐಶ್ವರ್ಯ ರೈ?

ಕಾಕತಾಳೀಯ ಅಂದ್ರೆ ಆ ಸಮಯದಲ್ಲಿ ಐಶ್ವರ್ಯ ರೈ ಜೊತೆ ಸಲ್ಮಾನ್ ಖಾನ್ ಹೆಚ್ಚು ಆತ್ಮೀಯವಾಗಿದ್ದರು. ಇಬ್ಬರು ಲವ್ವಲ್ಲಿ ಇದ್ದರು ಎಂದು ಹೇಳಲಾಗುತ್ತೆ. ಮದುವೆ ವಿಚಾರದಲ್ಲಿ ಐಶ್, ಸಲ್ಮಾನ್ ಖಾನ್ ಮನಸ್ಸು ಬದಲಿಸಿರಬಹುದು ಎಂಬ ಅನುಮಾನವೂ ಇದೆ. ಆದರೆ, ಇದನ್ನ ಸಲ್ಲು ಭಾಯ್ ಅವರೇ ಹೇಳಬೇಕು.

ಐಶ್ ಜೊತೆ ಬ್ರೇಕ್ ಅಪ್.!

ಐಶ್ವರ್ಯ ರೈ ಜೊತೆ ಸಲ್ಮಾನ್ ಖಾನ್ ಮದುವೆ ಆಗಬಹುದು ಎಂಬ ನಿರೀಕ್ಷೆಯೂ ಬಾಲಿವುಡ್ ವಲಯದಲ್ಲಿತ್ತು. ಅಷ್ಟರ ಮಟ್ಟಿಗೆ ಐಶ್-ಸಲ್ಲು ಜೋಡಿ ಕಾಣಿಸಿಕೊಂಡಿತ್ತು. ಬಟ್, ಯಾರೂ ಗೆಸ್ ಮಾಡದ ರೀತಿ ಇಬ್ಬರು ದೂರ ಆದರು. ಐಶ್ ಬಿಟ್ಟು ಹೋದ್ಮೇಲೆ ಸಲ್ಮಾನ್ ಖಾನ್ ಮದುವೆ ಕುರಿತು ಆಸಕ್ತಿ ತೋರಲೇ ಇಲ್ಲ ಎನ್ನುತ್ತವೆ ಮೂಲಗಳು.