'ಕೊನೆ ಕ್ಷಣದಲ್ಲಿ ಬೇಡ ಅಂದ್ರು, ಕ್ಷಮೆ ಕೇಳಿದ ನಿರ್ದೇಶಕ ಕಾರಣ ಮಾತ್ರ ಹೇಳಿಲ್ಲ'

ಪತಿ-ಪತ್ನಿ ಔರ್ ವೋ

2019ರಲ್ಲಿ ಮುದಾಸರ್ ಅಜೀಜ್ ನಿರ್ದೇಶನದಲ್ಲಿ ಮೂಡಿಬಂದಿದ್ದ 'ಪತಿ ಪತ್ನಿ ಔರ್ ವೋ' ಚಿತ್ರದಲ್ಲಿ ಕಾರ್ತಿಕ್ ಆರ್ಯನ್, ಭೂಮಿ ಪಡ್ನೆಕರ್, ಅನನ್ಯ ಪಾಂಡೆ ನಟಿಸಿದ್ದರು. ಮೊದಲು ಈ ಚಿತ್ರದಲ್ಲಿ ತಾಪ್ಸಿ ಅವರನ್ನು ಅಂತಿಮ ಮಾಡಿಕೊಳ್ಳಲಾಗಿತ್ತು. ಆದರೆ, ಕೊನೆ ಕ್ಷಣದಲ್ಲಿ ತಾಪ್ಸಿ ಬದಲು ಭೂಮಿ ಪಡ್ನೆಕರ್‌ಗೆ ಮಣೆ ಹಾಕಲಾಯಿತು.

ತಾಪ್ಸಿ ಪನ್ನು ನಟನೆಯ ಹಿಂದಿ ಸಿನಿಮಾದಲ್ಲಿ ಕನ್ನಡದ ಖ್ಯಾತ ನಟ

ಮಾಧ್ಯಮಗಳ ಮೂಲಕ ನನಗೆ ತಿಳಿಯಿತು

''ಈ ಸಿನಿಮಾದಲ್ಲಿ ನಾನು ನಟಿಸುತ್ತಿಲ್ಲ ಎನ್ನುವ ವಿಷಯ ನನಗೆ ಮಾಧ್ಯಮಗಳ ಮೂಲಕ ತಿಳಿಯಿತು. ಆಮೇಲೆ ನಿರ್ದೇಶಕರು ನನ್ನನ್ನು ಭೇಟಿ ಮಾಡಿ ಕ್ಷಮೆಯಾಚಿಸಿದರು. ಆದರೆ, ಈ ಸಿನಿಮಾದಿಂದ ಕೈ ಬಿಡಲು ಕಾರಣ ಮಾತ್ರ ಹೇಳಿಲ್ಲ. ಅಸಲಿ ಕಾರಣ ಹೇಳಲು ನಿರ್ದೇಶಕರು ಹಿಂಜರಿಯುತ್ತಿದ್ದರು'' ಎಂದು ರೇಡಿಯೋ ಜಾಕಿ ಸಿದ್ಧಾರ್ಥ್ ಕಾನನ್ ಜೊತೆಗಿನ ಸಂದರ್ಶನಲ್ಲಿ ನೆಪಿಸಿಕೊಂಡಿದ್ದಾರೆ.

ನಾನು ಕಾರಣ ತಿಳಿಯಲು ಬಹಳ ಪ್ರಯತ್ನಿಸಿದೆ

''ಪತಿ ಪತ್ನಿ ಔರ್ ವೋ ಚಿತ್ರಕ್ಕಾಗಿ ನಾನು ಕಮಿಟ್ ಆಗಿದ್ದೆ. ಆದರೆ, ನಿರ್ಮಾಪಕರು ನಿರ್ದೇಶಕ ಅಜೀಜ್‌ಗೆ ಬೇರೆಯೊವರೊಂದಿಗೆ ಸಿನಿಮಾ ಮುಂದುವರಿಸಿ ಎಂದು ಹೇಳಿದರಂತೆ. ಈ ಬಗ್ಗೆ ಪ್ರಶ್ನಿಸಲು ಮುಂದಾದೆ. ಏಕೆ ಎನ್ನುವ ಕಾರಣ ಕೇಳಿದೆ. ನಿರ್ಮಾಪಕರು ಈ ಕುರಿತು ಮಾತನಾಡಲು ತಯಾರಿರಲಿಲ್ಲ. ಈ ವಿಷಯದ ಬಗ್ಗೆ ಮಾತನಾಡಿದರೆ ಅವರು ಆಸಕ್ತಿ ಕೊಡುತ್ತಿರಲಿಲ್ಲ'' ಎಂದು 2019ರಲ್ಲಿ ಮುಂಬೈ ಮಿರರ್‌ಗೆ ನೀಡಿದ ಸಂದರ್ಶನದಲ್ಲಿ ತಾಪ್ಸಿ ಹೇಳಿದ್ದರು.

ತಾಪ್ಸಿಯನ್ನು ಕಂಡರೆ ಉರಿದು ಬೀಳುತ್ತಿದ್ದ ಕಂಗನಾಗೆ ಈಗ ದಿಢೀರ್ ಪ್ರೀತಿ ಉಕ್ಕಿದ್ದೇಕೆ?

ತಾಪ್ಸಿ ಜೊತೆ ಒಪ್ಪಂದವೇ ಆಗಿರಲಿಲ್ಲ

ಆ ಸಮಯದಲ್ಲಿ ನಿರ್ಮಾಪಕ ಭೂಷಣ್ ಕುಮಾರ್ ಮತ್ತು ಜುನೋ ಚೋಪ್ರಾ ಜಂಟಿ ಹೇಳಿಕೆ ಬಿಡುಗಡೆ ಮಾಡಿದ್ದರು. ''ಪತಿ ಪತ್ನಿ ಔರ್ ವೋ ಚಿತ್ರಕ್ಕಾಗಿ ಬಹಳಷ್ಟು ಕಲಾವಿದರನ್ನು ಸಂಪರ್ಕಿಸಲಾಗಿತ್ತು. ಪಾತ್ರಕ್ಕೆ ಸರಿ ಹೊಂದುವ ನಟಿಯರಿಗಾಗಿ ಹುಡುಕಿದ್ದರು. ಆದರೆ, ತಾಪ್ಸಿಗೆ ಈ ಸಿನಿಮಾದ ಕುರಿತು ಯಾವುದೇ ಕಮಿಟ್‌ಮೆಂಟ್ ಕೊಟ್ಟಿರಲಿಲ್ಲ'' ಎಂದು ತಿಳಿಸಿದ್ದರು.

Recommended Video

ರೇವತಿ ಗರ್ಭಿಣಿಯಾಗಿರೋ ವಿಚಾರ ತಿಳಿದ ರಾಧಿಕಾ ಕುಮಾರಸ್ವಾಮಿ ಏನ್ ಮಾಡಿದ್ರು ನೋಡಿ | Filmibeat Kannada

ನನಗೆ ಡೇಟ್ ಲಾಕ್ ಮಾಡಲು ಹೇಳಿದ್ದರು

ನಿರ್ಮಾಪಕ ಜಂಟಿ ಹೇಳಿಕೆ ಕುರಿತು ಪ್ರತಿಕ್ರಿಯಿಸಿದ್ದ ನಟಿ ತಾಪ್ಸಿ ''ನಾನು ಇದಕ್ಕೆ ಸರಿಯಾದ ರೀತಿಯಲ್ಲಿ ಉತ್ತರ ಕೊಡಬೇಕು ಎನ್ನುವುದಾರೇ, ನನ್ನ ಜೊತೆ ಮಾತನಾಡಿರುವ ಮೆಸೆಜ್‌ಗಳನ್ನು ಹೊರಗೆ ಪ್ರಕಟಿಸಬೇಕಾಗುತ್ತದೆ. ಇದರಲ್ಲಿ ನನಗೆ ಡೇಟ್ ಲಾಕ್ ಮಾಡಿಕೊಳ್ಳಿ ಎಂದು ಹೇಳಿರುವ ಬಗ್ಗೆಯೂ ಮೆಸೆಜ್ ಇದೆ. ಆದರೆ, ನಾನು ಅಷ್ಟು ಕೀಳುಮಟ್ಟಕ್ಕೆ ಹೋಗುವುದಿಲ್ಲ. ನಾನು ಇದನ್ನು ಮುಂದವರಿಸಲು ಸಹ ಇಷ್ಟವಿಲ್ಲ'' ಎಂದು ಹೇಳಿ ತೆರೆ ಎಳೆದಿದ್ದರು.