Kesari 2 Box Office Day 5 ; ಐದು ದಿನದಲ್ಲಿ ₹50 ಕೋಟಿಯ ಗಡಿಯನ್ನು ತಲುಪಿತಾ ಕೇಸರಿ 2 ?

ಕೆಲ ಚಿತ್ರಗಳೇ ಹಾಗೇ. ಭಾರೀ ನಿರೀಕ್ಷೆ ಮೂಡಿಸಿ ಆ ನಂತರ ನಿರಾಸೆ ಮಾಡುತ್ತವೆ. ಆದರೆ ಇನ್ನೂ ಕೆಲವು ಯಾವ ನಿರೀಕ್ಷೆಯನ್ನೂ ಮೂಡಿಸದೇ ದಿಗ್ಗನೆ ಬಂದು ಆ ನಂತರ ನಿಧಾನವಾಗಿ ಸದ್ದು ಮಾಡಲು ಶುರು ಮಾಡುತ್ತಾವೆ. ಪ್ರೇಕ್ಷಕರನ್ನು ಸೆಳೆಯಲು ಶುರು ಮಾಡುತ್ತಾವೆ. ಇದಕ್ಕೆ ಅಕ್ಷಯ್ ಕುಮಾರ್ ಅಭಿನಯದ ಕೇಸರಿ - ಚಾಪ್ಟರ್ 2 ಸದ್ಯದ ಉದಾಹರಣೆ.

ಹೌದು, ಇನ್ನೇನು ಅಕ್ಷಯ್ ಕುಮಾರ್ ಕಥೆ ಮುಕ್ತಾಯವಾಯ್ತು .. ಅಭಿನಯದಿಂದ ವಾಲೆಂಟರಿ ರಿಟೈರ್‌ಮೆಂಟ್ ತಗೊಂಡು .. ರಿಯಲ್ ಎಸ್ಟೇಟ್ ಬ್ಯುಸಿನೆಸ್‌ನಲ್ಲಿ ಫುಲ್ ಟೈಮ್ ತೋಡಗಿಸಿಕೊಳ್ಳುವುದು ಉತ್ತಮ .. ಎನ್ನುವ ಅಭಿಪ್ರಾಯ ವ್ಯಕ್ತವಾಗುತ್ತಿರುವ ಸಮಯದಲ್ಲಿ ಬಂದ ಕೇಸರಿ-2 ಗಳಿಕೆ ಸಾಧಾರಣವಾಗಿದೆ. ಆದರೆ ಸ್ಟಡಿಯಾಗಿದೆ. ತೀರಾ ನಿರಾಸೆಯನ್ನು ಮಾಡದೇ, ಬಾಲಿವುಡ್‌ನ ಭರವಸೆಯನ್ನು ಹೆಚ್ಚಿಸದೇ, ಕೇಸರಿ 2 ಸದ್ಯ ಚಿತ್ರಮಂದಿರಗಳಲ್ಲಿ ಪ್ರದರ್ಶನವನ್ನು ಕಾಣ್ತಿದೆ.

ಹೌದು, ಚಿತ್ರಗಳ ಬಾಕ್ಸಾಫೀಸ್‌ ಗಳಿಕೆಯ ಲೆಕ್ಕಾಚಾರವನ್ನು ನೀಡುವ ಸ್ಯಾಕ್ನಿಲ್ಕ್ ವೆಬ್ ಸೈಟ್ ಪ್ರಕಾರ ಮೊದಲ ದಿನ ಭಾರತದಲ್ಲಿ ₹ 7.75 ಕೋಟಿ ಗಳಿಸಿದ್ದ ಚಿತ್ರ ಶನಿವಾರ ₹ 9.50 ಕೋಟಿಯನ್ನು ಗಳಿಸಿತ್ತು. ಈ ಮೂಲಕ ಎರಡು ದಿನದಲ್ಲಿ ₹ 17.25 ಕೋಟಿ ಹಣವನ್ನು ಕೇಸರಿ 2 ಚಿತ್ರ ಗಳಿಸಿತ್ತು.

ಇನ್ನು ಚಿತ್ರಕ್ಕೆ ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಅಕ್ಷಯ್ ಕುಮಾರ್, ಆರ್ ಮಾಧವನ್ ಮತ್ತು ಅನನ್ಯಾ ಪಾಂಡೆಯ ಅಭಿನಯದ ಬಗ್ಗೆ ಪ್ರಶಂಸೆ ವ್ಯಕ್ತವಾಗುತ್ತಿದೆ. ಹೀಗಾಗಿಯೇ ಮೊದಲ ಎರಡು ದಿನಗಳಲ್ಲಿ ₹ 17.25 ಕೋಟಿ ಗಳಿಸಿದ್ದ ಕೇಸರಿ 2 ಚಿತ್ರ ಭಾನುವಾರ ₹12.25 ಕೋಟಿಯನ್ನು ಗಳಿಸಿತ್ತು. ಈ ಮೂಲಕ ಮೂರು ದಿನಗಳಲ್ಲಿ ಎರಡಂಕಿಯ ಗಡಿಯನ್ನು ಮೊದಲ ಬಾರಿ ಕೇಸರಿ 2 ದಾಟಿತ್ತು. ಚಿತ್ರದ ಗಳಿಕೆ ₹ 30 ಕೋಟಿಯ ಗಡಿಗೆ ಬಂದು ತಲುಪಿತ್ತು.

ಆ ನಂತರ ಸೋಮವಾರ ರಜಾದಿನ ಮುಕ್ತಾಯವಾದ ಹಿನ್ನೆಲೆ ಚಿತ್ರದ ಗಳಿಕೆಯಲ್ಲಿ ಕುಸಿತ ಕಂಡು ಬಂತು. ಚಿತ್ರ ₹ 4.5 ಕೋಟಿ ಹಣವನ್ನು ಗಳಿಸಿತ್ತು. ನಿನ್ನೆ ಮಂಗಳವಾರ ಚಿತ್ರದ ಗಳಿಕೆಯಲ್ಲಿ ಶೇಕಡಾ 11.11% ಏರಿಕೆ ಕಂಡು ಬಂದಿದೆ. ಐದನೇ ದಿನ ₹ 5 ಕೋಟಿ ಹಣವನ್ನು ಕೇಸರಿ 2 ಗಳಿಸಿದೆ ಎಂದು ಸ್ಯಾಕ್ನಿಲ್ ವೆಬ್ ಸೈಟ್ ವರದಿಯನ್ನು ಮಾಡಿದೆ. ಈ ಮೂಲಕ ಚಿತ್ರದ ಗಳಿಕೆ ಐದು ದಿನದಲ್ಲಿ ₹ 39.25 ಕೋಟಿ ಆಗಿದೆ.

ಬಾಕ್ಸಾಫೀಸ್‌ ಮೇಲೆ ಹದ್ದಿನ ಕಣ್ಣು ಇಡುವ, ಚಿತ್ರಗಳ ಗಳಿಕೆಯ ವಿವರಗಳನ್ನು ಹಂಚಿಕೊಳ್ಳುವ ಸ್ಯಾಕ್ನಿಲ್ಕ್ ವೆಬ್ ಸೈಟ್ ಪ್ರಕಾರ ಭಾರತದಲ್ಲಿ ಕೇಸರಿ 2 ಚಿತ್ರದ ಈ ಐದು ದಿನದ ಗಳಿಕೆ ಈ ಕೆಳಗಿನಂತೆ ಇದೆ

ಮೊದಲ ದಿನ : ₹ 7.75 ಕೋಟಿ

ಎರಡನೇ ದಿನ : ₹ 9.75 ಕೋಟಿ

ಮೂರನೇ ದಿನ : ₹ 12 ಕೋಟಿ

ನಾಲ್ಕನೇ ದಿನ : ₹ 4.5 ಕೋಟಿ

ಐದನೇ ದಿನ : ₹ 5 ಕೋಟಿ

ಒಟ್ಟು ಗಳಿಕೆ ; ₹39.25 ಕೋಟಿ

ಹೀಗೆ ನಿಧಾನವಾಗಿ ಬಾಕ್ಸಾಫೀಸ್‌ನಲ್ಲಿ ಹತ್ ಹತ್ರ ₹40 ಕೋಟಿ ಹಣವನ್ನು ಕೇಸರಿ 2 ಗಳಿಸಿದೆ. ಇನ್ನು ಈ ವಾರ ಹಿಂದಿಯಲ್ಲಿ ಯಾವುದೇ ದೊಡ್ಡ ಚಿತ್ರಗಳಿಲ್ಲ. ಈ ಅಂಶ ಕೇಸರಿ 2 ಚಿತ್ರಕ್ಕೆ ಸಹಕಾರಿಯಾದರು ಆಗಬಹುದು. ಈ ವಾರಾಂತ್ಯದಲ್ಲಿ ಕೇಸರಿ 2 ಚಿತ್ರದ ಗಳಿಕೆಯಲ್ಲಿ ಏರಿಕೆಯಾದರು ಆಗಬಹುದು. ಈ ವಾರಾಂತ್ಯಕ್ಕೆ ಚಿತ್ರದ ಗಳಿಕೆ ₹50 ಕೋಟಿಯ ಗಡಿಯನ್ನು ದಾಟಬಹುದು.

ಕೇಸರಿ 2 VS ದಿ ಡಿಪ್ಲೋಮ್ಯಾಟ್ ಮತ್ತು ದೇವಾ

ಇನ್ನು ಬಾಕ್ಸಾಫೀಸ್‌ನಲ್ಲಿ ಈಗಾಗಲೇ ಕಂಗನಾ ರಣಾವತ್ ಅಭಿನಯಿಸಿ ನಿರ್ದೇಶಿಸಿರುವ ಎಮರ್ಜೆನ್ಸಿ ಚಿತ್ರವನ್ನು ಅಕ್ಷಯ್ ಕುಮಾರ್ ಅಭಿನಯದ ಕೇಸರಿ 2 ಚಿತ್ರ ಹಿಂದಿಕ್ಕಿದೆ. ಈ ವರ್ಷದ ಆರಂಭದಲ್ಲಿ ತೆರೆಗೆ ಬಂದಿದ್ದ ಎಮರ್ಜೆನ್ಸಿ ಚಿತ್ರ ಚಿತ್ರಮಂದಿರದಿಂದ ಎತ್ತಂಗಡಿ ಯಾಗುವ ಮೊದಲು ₹ 25 ಕೋಟಿಯ ಗಡಿಯನ್ನು ಕೂಡ ತಲುಪಲು ಸಾಧ್ಯವಾಗರಲಿಲ್ಲ.

ಆದರೆ ಕೇಸರಿ 2 ಈ ಗಡಿಯನ್ನು ಎರಡು ದಿನದ ಹಿಂದೆ ದಾಟಿತ್ತು. ಮೂರು ದಿನದಲ್ಲಿ29.75 ಕೋಟಿ ಗಳಿಸಿತ್ತು. ಈ ಮೂಲಕ ಈ ವರ್ಷ ಅತೀ ಹೆಚ್ಚು ಹಣ ಗಳಿಸಿದ ಸಿನಿಮಾಗಳ ಸಾಲಿನಲ್ಲಿ ಕೇಸರಿ 2 ಏಳನೇ ಸ್ಥಾನದಲ್ಲಿ ಬಂದು ನಿಂತಿತ್ತು.

ಈಗ ಕೇಸರಿ 2 ಚಿತ್ರ ಜಾನ್ ಅಬ್ರಾಹಿಂ ಅಭಿನಯದ ದಿ ಡಿಪ್ಲೋಮ್ಯಾಟ್ ಮತ್ತು ಶಾಹಿದ್ ಕಪೂರ್ ಅಭಿನಯದ ದೇವಾ ಚಿತ್ರಗಳನ್ನು ಕೂಡ ಹಿಂದಿಕ್ಕಿದೆ. ಹೌದು, ಮಾರ್ಚ್ 14ರಂದು ಬಿಡುಗಡೆಯಾಗಿದ್ದ ಜಾನ್ ಅಬ್ರಾಹಿಂ ನಿರ್ಮಾಣ ಮಾಡಿ ನಟಿಸಿದ್ದ ದಿ ಡಿಪ್ಲೋಮ್ಯಾಟ್ ಚಿತ್ರ ಭಾರತದ ಬಾಕ್ಸಾಫೀಸ್‌ನಲ್ಲಿ ಐದು ವಾರಗಳಲ್ಲಿ ₹39 ಕೋಟಿಯನ್ನು ಗಳಿಸಿತ್ತು. ಕೇಸರಿ 2 ಈ ಹಣವನ್ನು ಕೇವಲ ಐದು ದಿನದಲ್ಲಿ ಗಳಿಸಿದೆ.

ಇನ್ನು ಶಾಹಿದ್ ಕಪೂರ್ ಅಭಿನಯದ ದೇವಾ ಜನವರಿ 31ರಂದು ತೆರೆಗೆ ಬಂದಿತ್ತು. 28 ದಿನಗಳ ಪ್ರದರ್ಶನವನ್ನು ಕಂಡಿತ್ತು. ಈ 28 ದಿನಗಳಲ್ಲಿ ದೇವಾ ₹32.07 ಕೋಟಿಯನ್ನು ಗಳಿಸಿತ್ತು. ಈ ದಾಖಲೆ ಕೂಡ ಮುರಿದು ಕೇಸರಿ 2 ಸದ್ಯ ಮುನ್ನುಗ್ಗುತ್ತಿದ್ದು ಈ ವರ್ಷ ಅತೀ ಹೆಚ್ಚು ಹಣ ಗಳಿಸಿದ ಸಿನಿಮಾಗಳ ಸಾಲಿನಲ್ಲಿ ಕೇಸರಿ 2 ಈಗ ಐದನೇ ಸ್ಥಾನದಲ್ಲಿ ಬಂದು ನಿಂತಿದೆ.

ಜಾಟ್ ದಾಖಲೆಯನ್ನು ಮುರಿಯುತ್ತಾ ಕೇಸರಿ 2 ?

ಸದ್ಯ ಕೇಸರಿ 2 ಚಿತ್ರದ ಎದುರು ಜಾಟ್ ಚಿತ್ರದ ಗಳಿಕೆಯನ್ನು ಹಿಂದಿಕ್ಕುವ ಸವಾಲು ಇದೆ. ಸನ್ನಿ ಡಿಯೋಲ್ ಅಭಿನಯದ ಜಾಟ್ ಚಿತ್ರ ₹79 ಕೋಟಿ ಹಣವನ್ನು ಭಾರತದ ಬಾಕ್ಸಾಫೀಸ್‌ನಲ್ಲಿ ಗಳಿಸಿದೆ. ಚಿತ್ರ ಇನ್ನು ಚಿತ್ರಮಂದಿರದಲ್ಲಿ ಯಶಸ್ವಿ ಪ್ರದರ್ಶನವನ್ನು ಕಾಣುತ್ತಿದೆ. ವಿಶೇ‍ಷ ಅಂದರೆ ಕೇಸರಿ 2 ಚಿತ್ರ ತೆರೆಗೆ ಬಂದರು ಕೂಡ ಜಾಟ್ ಚಿತ್ರದ ಹವಾ ಇನ್ನು ಕೆಲ ಕಡೆ ಕಡಿಮೆಯಾಗಿಲ್ಲ. ಬಾಲಿವುಡ್‌ ಟ್ರೇಡ್ ಪಂಡಿತರ ಪ್ರಕಾರ ಕಳೆದ 14 ದಿನಗಳಿಂದ ಯಶಸ್ವಿ ಪ್ರದರ್ಶನ ಕಾಣುತ್ತಿರುವ ಜಾಟ್ ಬಾಕ್ಸಾಫೀಸ್‌ನಲ್ಲಿ ₹100 ಕೋಟಿ ಹಣವನ್ನು ಅನಾಯಾಸವಾಗಿ ಗಳಿಸಲಿದೆ. ಸದ್ಯ ಕೇಸರಿ 2 ಐದು ದಿನದಲ್ಲಿ ₹39.25 ಕೋಟಿ ಗಳಿಸಿದ್ದು ಮುಂಬರುವ ದಿನಗಳಲ್ಲಿ ಜಾಟ್ ಚಿತ್ರದ ದಾಖಲೆಯನ್ನು ಕೇಸರಿ 2 ಮುರಿಯುತ್ತಾ ಎನ್ನುವುದನ್ನು ಕಾದು ನೋಡಬೇಕಿದೆ.

2025 ಅಕ್ಕಿಗೆ ಲಕ್ಕಿ..!

ಸತತ ಸೋಲುಗಳಿಂದ ಕಂಗಾಲಾಗಿದ್ದ ಅಕ್ಷಯ್ ಕುಮಾರ್ ಈಗಾಗಲೇ ಈ ವರ್ಷ ಸ್ಕೈ ಫೋರ್ಸ್‌ ಚಿತ್ರದ ಮೂಲಕ ಗೆಲುವಿನ ನಗೆ ಬೀರಿದ್ದಾರೆ. ಜನವರಿ 26ರಂದು ತೆರೆಗೆ ಬಂದಿದ್ದ ಸ್ಕೈ ಫೋರ್ಸ್ ಭಾರತದ ಬಾಕ್ಸಾಫೀಸ್‌ನಲ್ಲಿ ₹131.44 ಕೋಟಿ ಹಣವನ್ನು ಗಳಿಸಿದೆ. ಈ ಮೂಲಕ ಈ ವರ್ಷ ಅತೀ ಹೆಚ್ಚು ಗಳಿಕೆ ಕಂಡ ಚಿತ್ರಗಳ ಸಾಲಿನಲ್ಲಿ ಮೂರನೇ ಸ್ಥಾನದಲ್ಲಿ ಈ ಚಿತ್ರ ಇದೆ. ಕೇಸರಿ 2 ಕೂಡ ₹100 ಕೋಟಿ ಗಡಿಯನ್ನು ದಾಟಿದರೆ ಅಕ್ಷಯ್ ಕುಮಾರ್ ಮತ್ತೆ ಗೆಲುವಿನ ಲಯಕ್ಕೆ ಮರಳಿದಂತಾಗುತ್ತೆ.

Disclaimer: ಈ ವರದಿಯಲ್ಲಿ ನೀಡಲಾಗಿರುವ ಸಿನಿಮಾದ ಬಾಕ್ಸ್ ಆಫೀಸ್ ಅಂಕಿ ಅಂಶಗಳ ಮಾಹಿತಿಯನ್ನು https://www.sacnilk.com/, https://x.com/taran_adarsh, https://x.com/rameshlaus?lang=en, ನಿರ್ಮಾಣ ಸಂಸ್ಥೆಗಳು ಹಾಗೂ ಸಾರ್ವಜನಿಕವಾಗಿ ಲಭ್ಯವಿರುವ ಹಲವು ವೇದಿಕೆಗಳಿಂದ ತೆಗೆದುಕೊಳ್ಳಲಾಗಿದೆ. ಸಿನಿಮಾಗೆ ಸಂಬಂಧಿಸಿದ ಬಾಕ್ಸ್ ಆಫೀಸ್ ಕಲೆಕ್ಷನ್‌ಗಳ ಕುರಿತು ಪ್ರಕಟಿಸುವ ವರದಿಗಳಿಗೆ ಫಿಲ್ಮಿಬೀಟ್ ಯಾವುದೇ ಜವಾಬ್ದಾರಿಯನ್ನು ತೆಗೆದುಕೊಳ್ಳುವುದಿಲ್ಲ