Raid 2 Box Office Day 13 ; ಭಾರತ-ಪಾಕಿಸ್ತಾನ ಉದ್ವಿಗ್ನತೆ ನಡುವೆ ರೇಡ್ 2 ಅಬ್ಬರ, 13 ದಿನದಲ್ಲಿ ಚಿತ್ರ ಗಳಿಸಿದ್ದೆಷ್ಟು ?

ಯಾವುದೇ ಚಿತ್ರವಾದರು ಕೂಡ ಬಿಡುಗಡೆಯಾದ ನಂತರ ಚಿತ್ರಮಂದಿರ ತುಂಬಬೇಕು, ಚಿತ್ರ ಗೆಲ್ಲಬೇಕೆಂದರೆ ಯುವ ಸಮೂಹ ಚಿತ್ರಮಂದಿರಕ್ಕೆ ಬರಬೇಕು. ಮನೆ ಮಂದಿಯೆಲ್ಲ ಜೊತೆಯಾಗಿ ಬಂದು ಚಿತ್ರವನ್ನು ನೋಡಬೇಕು. ಆಗಲೇ ಆ ಚಿತ್ರ ಗೆಲ್ಲಲು ಸಾಧ್ಯ. ಬಾಕ್ಸಾಫೀಸ್‌ನಲ್ಲಿ ಹಣದ ಹೊಳೆ ಹರಿಯಲು ಸಾಧ್ಯ. ಇದಕ್ಕೆ ಅತ್ಯುತ್ತಮ ಉದಾಹರಣೆ ಅಜಯ್ ದೇವಗನ್-ರಿತೇಶ್ ದೇಶ್‌ಮುಖ್ ಅಭಿನಯದ ರೇಡ್ 2.

ಹೌದು ಒಂದು ಕಡೆ ಐಪಿಎಲ್ ಅಬ್ಬರ ಮತ್ತೊಂದು ಕಡೆ ಭಾರತ-ಪಾಕಿಸ್ತಾನದ ನಡುವೆ ಯುದ್ಧದ ಕಾರ್ಮೋಡ. ಇದೆಲ್ಲದರ ನಡುವೆ ಪೈರಸಿ ಹಾವಳಿ. ಆದರೂ ಕೂಡ ..ಈ ಚಿತ್ರವನ್ನು ಎಲ್ಲ ವರ್ಗದ ಪ್ರೇಕ್ಷಕರು ಚಿತ್ರಮಂದಿರಕ್ಕೆ ಬಂದು ನೋಡುತ್ತಿದ್ದಾರೆ. ಇದಕ್ಕೆ ಕೈಗನ್ನಡಿ ಎನ್ನುವಂತೆ ರೇಡ್ 2 ಕೇವಲ ಹತ್ತೇ ದಿನದಲ್ಲಿ ಗಲ್ಲಾಪೆಟ್ಟಿಗೆಯಲ್ಲಿ 100 + ಕೋಟಿ ಹಣವನ್ನು ಕೊಳ್ಳೆ ಹೊಡೆದಿದೆ. ಹದಿಮೂರನೇ ದಿನ { ಮೇ 13 } ಚಿತ್ರದ ಗಳಿಕೆ ₹125ಕೋಟಿಯ ಗಡಿಯನ್ನು ದಾಟಿದೆ.

ಹೌದು, ಬಾಲಿವುಡ್‌ ಚಿತ್ರಗಳ ಅಂಕಿ- ಅಂಶಗಳನ್ನು ಹಂಚಿಕೊಳ್ಳುವ ಸ್ಯಾಕ್ನಿಲ್ ವೆಬ್ ಸೈಟ್ ಪ್ರಕಾರ ನಿನ್ನೆ { ಮೇ 12 } ಚಿತ್ರ ₹5 ಕೋಟಿ ಹಣವನ್ನು ಗಳಿಸಿದೆ. ನಿನ್ನೆಯ ಗಳಿಕೆಗೆ ಇಂದು ಹೋಲಿಸಿದರೆ ಚಿತ್ರದ ಗಳಿಕೆಯಲ್ಲಿ ಕುಸಿತ ಕಂಡು ಬಂದಿದೆಯಾದರೂ ಚಿತ್ರ ಈ ಹದಿಮೂರು ದಿನಗಳಲ್ಲಿ ಒಟ್ಟಾರೆ ₹126.43 ಕೋಟಿ ಹಣವನ್ನು ಗಳಿಸಿದೆ ಎಂದು ಸ್ಯಾಕ್ನಿಲ್ ತನ್ನ ವರದಿಯಲ್ಲಿ ಉಲ್ಲೇಖಿಸಿದೆ.

ಸ್ಯಾಕ್ನಿಲ್ ವೆಬ್ ಸೈಟ್ ಪ್ರಕಾರ ರೇಡ್ 2 ಚಿತ್ರದ ಹದಿಮೂರು ದಿನದ ಗಳಿಕೆ ಈ ಕೆಳಗಿನಂತೆ ಇದೆ.

ದಿನ ಗಳಿಕೆ

ಮೊದಲನೇ ದಿನ { ಗುರುವಾರ } ₹19.25 ಕೋಟಿ

ಎರಡನೇ ದಿನ {ಶುಕ್ರವಾರ } ₹12 ಕೋಟಿ

ಮೂರನೇ ದಿನ {ಶನಿವಾರ } ₹18 ಕೋಟಿ

ನಾಲ್ಕನೇ ದಿನ {ಭಾನುವಾರ} ₹22 ಕೋಟಿ

ಐದನೇ ದಿನ {ಸೋಮವಾರ} ₹7.5 ಕೋಟಿ

ಆರನೇ ದಿನ {ಮಂಗಳವಾರ} ₹7 ಕೋಟಿ

ಏಳನೇ ದಿನ {ಬುಧವಾರ } ₹4.75 ಕೋಟಿ

ಎಂಟನೇ ದಿನ {ಗುರುವಾರ} ₹5.25 ಕೋಟಿ

ಮೊದಲ ವಾರದ ಒಟ್ಟು ಗಳಿಕೆ - ₹95.75ಕೋಟಿ

ಒಂಬತ್ತನೇ ದಿನ {ಎರಡನೇ ಶುಕ್ರವಾರ} ₹5ಕೋಟಿ

ಹತ್ತನೇ ದಿನ {ಎರಡನೇ ಶನಿವಾರ } ₹8.25 ಕೋಟಿ

ಹನ್ನೊಂದನೇ ದಿನ {ಎರಡನೇ ಭಾನುವಾರ} ₹11.75 ಕೋಟಿ

ಹನ್ನೆರಡನೇ ದಿನ {ಎರಡನೇ ಸೋಮವಾರ} ₹5 ಕೋಟಿ

ಹದಿಮೂರನೇ ದಿನ {ಎರಡನೇ ಮಂಗಳವಾರ} ₹68 ಲಕ್ಷ - ಅಂದಾಜು

ಒಟ್ಟು ಗಳಿಕೆ - ₹126.43 ಕೋಟಿ

ಹೀಗೆ ಈ ಹದಿಮೂರು ದಿನದಲ್ಲಿ ₹126.43 ಕೋಟಿ ಹಣವನ್ನು ರೇಡ್ 2 ಚಿತ್ರ ಗಳಿಸಿದ್ದು ಈ ವಾರಾಂತ್ಯದೊಳಗೆ ರೇಡ್ 2 ₹150 ಕೋಟಿ ಗಡಿಯನ್ನು ತಲುಪುವ ಭರವಸೆ ಬಾಲಿವುಡ್ ಪಂಡಿತರಿಗಿದೆ.

ರೇಡ್ 2 ವರ್ಸಸ್ ರೇಡ್ 2

ರೈಡ್ 2 ಚಿತ್ರದ ಮೊದಲ ಭಾಗ 2018ರಲ್ಲಿ ತೆರೆಗೆ ಬಂದಿತ್ತು. ಆ ಕಾಲದಲ್ಲಿ ಬಂದ ರೇಡ್ ಬಾಕ್ಸಾಫೀಸ್‌ನಲ್ಲಿ ₹101.45 ಕೋಟಿ ಹಣವನ್ನು ಗಳಿಸಿತ್ತು. ಕೇವಲ ಹತ್ತು ದಿನದಲ್ಲಿ ರೇಡ್ 2 ಈ ದಾಖಲೆಯನ್ನು ಮುರಿದಿರುವುದು ವಿಶೇಷ.

ಇನ್ನು ಈ ವರ್ಷ ಅತೀ ಹೆಚ್ಚು ಹಣ ಗಳಿಸಿದ ಬಾಲಿವುಡ್‌ ಚಿತ್ರಗಳ ಸಾಲಿನಲ್ಲಿ ರೇಡ್ 2 ಚಿತ್ರ ಸದ್ಯ ಮೂರನೇ ಸ್ಥಾನವನ್ನು ಅಲಂಕರಿಸಿದೆ. ಅಕ್ಷಯ್ ಕುಮಾರ್ ಅಭಿನಯದ ಕೇಸರಿ 2 ಮತ್ತು ಸನ್ನಿ ಡಿಯೋಲ್ ಅಭಿನಯದ ಜಾಟ್ ಚಿತ್ರವನ್ನು ಕೂಡ ರೇಡ್ 2 ಚಿತ್ರ ಹಿಂದಿಕ್ಕಿದೆ. ಇಷ್ಟೇ ಅಲ್ಲ ಸಲ್ಮಾನ್ ಖಾನ್ ಅಭಿನಯದ ಸಿಕಂದರ್ ಚಿತ್ರದ ದಾಖಲೆಯನ್ನು ಕೂಡ ರೇಡ್ 2 ಮುರಿದಿದೆ.

ಬಾಲಿವುಡ್ ಹಂಗಾಮಾದಲ್ಲಿ ಉಲ್ಲೇಖವಾಗಿರುವ ಈ ವರ್ಷ ಅತೀ ಹೆಚ್ಚು ಹಣ ಗಳಿಸಿದ ಬಾಲಿವುಡ್‌ನ 5 ಚಿತ್ರಗಳು

ಚಿತ್ರದ ಹೆಸರು ಚಿತ್ರದ ಗಳಿಕೆ

1.ಛಾವಾ ₹600.10 ಕೋಟಿ

2.ಸ್ಕೈ ಫೋರ್ಸ್ ₹131.44 ಕೋಟಿ

3.ರೇಡ್ 2 * ₹126.43 ಕೋಟಿ

4. ಸಿಕಂದರ್ ₹103.45 ಕೋಟಿ

5. ಜಾಟ್ ₹89.17 ಕೋಟಿ

ಇನ್ನು ರೇಡ್ 2 ಚಿತ್ರದ ಮೂಲಕ ₹126.43 ಕೋಟಿಯನ್ನು ಹದಿಮೂರು ದಿನದಲ್ಲಿ ಕೊಳ್ಳೆ ಹೊಡೆದಿರುವ ಅಜಯ್ ದೇವಗನ್, ಈ ಮೂಲಕ ಹನ್ನೊಂದು ಬಾರಿ ಸೆಂಚ್ಯೂರಿ ಹೊಡೆದಿದ್ದಾರೆ. ನೂರು ಕೋಟಿ ಕೊಳ್ಳೆ ಹೊಡೆ ಅಜಯ್ ದೇವಗನ್ ಅಭಿನಯದ ಹನ್ನೊಂದು ಚಿತ್ರಗಳ ಲಿಸ್ಟ್ ಇಲ್ಲಿದೆ.

ನೂರು ಕೋಟಿಯ ಗಡಿಯನ್ನು ದಾಟಿರುವ ಅಜಯ್ ದೇವಗನ್ ಅಭಿನಯದ ಸಿನಿಮಾಗಳು

1. ಗೋಲ್‌ಮಾಲ್ 3

2. ಸಿಂಗಂ

3. ಬೋಲ್ ಬಚ್ಚನ್

4. ಸನ್ ಆಫ್ ಸರ್ದಾರ್

5. ಸಿಂಗಂ ರಿಟರನ್ಸ್

6. ಶಿವಾಯ್

7. ರೇಡ್

8. ಟೋಟಲ್ ಧಮಾಲ್

9. ದೇ ದೇ ಪ್ಯಾರ್ ದೇ

10. ಶೈತಾನ್

11. ರೇಡ್ 2

ಅಂದ್ಹಾಗೇ ಅಜಯ್ ದೇವಗನ್ ಅಭಿನಯದ ಯಾವ ಚಿತ್ರ ಕೂಡ 300 ಕೋಟಿಯ ಗಡಿಯನ್ನು ಭಾರತೀಯ ಮಾರ್ಕೆಟ್‌ನಲ್ಲಿ ದಾಟಿಲ್ಲ. ರೇಡ್ 2 ಈ ಸಾಧನೆ ಮಾಡುತ್ತಾ ಗೊತ್ತಿಲ್ಲ ! ಈ ಹಿನ್ನೆಲೆ ಅತೀ ಹೆಚ್ಚು ಗಳಿಕೆ ಕಂಡ ಅಜಯ್ ದೇವಗನ್ ಅವರ ಹತ್ತು ಚಿತ್ರಗಳ ಪಟ್ಟಿಯನ್ನು ಸ್ಯಾಕ್ನಿಲ್ ಮತ್ತು ಬೇರೆ ವೆಬ್ ಸೈಟ್‌ಗಳ ಆಧಾರದ ಮೇಲೆ ನಾವು ಇಲ್ಲಿ ಉಲ್ಲೇಖಿಸುತ್ತಿದ್ದೇವೆ.

ಚಿತ್ರದ ಹೆಸರು ಒಟ್ಟಾರೆ ಗಳಿಕೆ

1. ತಾನಾಜಿ ₹ 280 ಕೋಟಿ

2. ಸಿಂಗಂ ಅಗೇನ್ ₹ 270.60 ಕೋಟಿ

3. ದೃಶ್ಯಂ 2 ₹ 241 ಕೋಟಿ

4. ಗೋಲ್‌ಮಾಲ್ ಅಗೇನ್ ₹205.70 ಕೋಟಿ

5. ಟೋಟಲ್ ಧಮಾಲ್ ₹ 154.23 ಕೋಟಿ

6.ಶೈತಾನ್ ₹151 ಕೋಟಿ

7. ಸಿಂಗಂ ರಿಟರ್ನ್ಸ್ ₹140 ಕೋಟಿ

8. ರೇಡ್ 2* - ₹126 ಕೋಟಿ

9. ಗೋಲ್‌ಮಾಲ್ 3 ₹106 ಕೋಟಿ

10. ಸನ್ ಆಫ್ ಸರ್ದಾರ್ ₹ 105 ಕೋಟಿ

ಒಟ್ನಲ್ಲಿ ಸದ್ಯ ರೇಡ್ 2 ಚಿತ್ರಕ್ಕೆ ಉತ್ತಮವಾದ ಪ್ರತಿಕ್ರಿಯೆ ಸಿಕ್ಕಿದೆ. ಮೊದಲ ಎರಡು ವಾರಗಳಲ್ಲಿ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ. ಬಾಕ್ಸಾಫೀಸ್‌ನಲ್ಲಿ 126 .43 ಕೋಟಿ ಹಣ ಕೊಳ್ಳೆ ಹೊಡೆದಿದೆ. ಮುಂಬರುವ ದಿನಗಳಲ್ಲಿ ಈ ಚಿತ್ರ ಇನ್ನೆಷ್ಟು ಹಣವನ್ನು ಬಾಕ್ಸಾಫೀಸ್‌ನಲ್ಲಿ ಕೊಳ್ಳೆ ಹೊಡೆಯುತ್ತೆ ಎನ್ನುವುದನ್ನು ನೋಡಬೇಕಿದೆ.

Disclaimer: ಈ ವರದಿಯಲ್ಲಿ ನೀಡಲಾಗಿರುವ ಸಿನಿಮಾದ ಬಾಕ್ಸ್ ಆಫೀಸ್ ಅಂಕಿ ಅಂಶಗಳ ಮಾಹಿತಿಯನ್ನು https://www.sacnilk.com/, https://x.com/taran_adarsh, https://x.com/rameshlaus?lang=en, ಕೊಯಿ ಮೊಹಿ ವೆಬ್ ಸೈಟ್, ನಿರ್ಮಾಣ ಸಂಸ್ಥೆಗಳು ಹಾಗೂ ಸಾರ್ವಜನಿಕವಾಗಿ ಲಭ್ಯವಿರುವ ಹಲವು ವೇದಿಕೆಗಳಿಂದ ತೆಗೆದುಕೊಳ್ಳಲಾಗಿದೆ. ಸಿನಿಮಾಗೆ ಸಂಬಂಧಿಸಿದ ಬಾಕ್ಸ್ ಆಫೀಸ್ ಕಲೆಕ್ಷನ್‌ಗಳ ಕುರಿತು ಪ್ರಕಟಿಸುವ ವರದಿಗಳಿಗೆ ಫಿಲ್ಮಿಬೀಟ್ ಯಾವುದೇ ಜವಾಬ್ದಾರಿಯನ್ನು ತೆಗೆದುಕೊಳ್ಳುವುದಿಲ್ಲ.