Celebs » Yash » Biography
ಜೀವನಚರಿತ್ರೆ
ಬಾಲ್ಯ ಜೀವನ :

ಯಶ್ ಆಗಿ ಖ್ಯಾತಿ ಪಡೆದಿರುವ ನವೀನ್ ಕುಮಾರ್ ಗೌಡ (ಯಶ್) ಇವರು 8 ಜನವರಿ 1986 ರಲ್ಲಿ ಅರುಣ್ ಕುಮಾರ್ ಮತ್ತು ಪುಷ್ಪ ದಂಪತಿಯ ಮಗನಾಗಿ ಜನಿಸಿದರು. ಇವರು ಮೂಲತಃ ಹಾಸನ ಜಿಲ್ಲೆಯ ಬುವನಹಳ್ಳಿ ಗ್ರಾಮದವರಾಗಿದ್ದಾರೆ. ಯಶ್ ಅವರು ತಮ್ಮ ಪ್ರಾಥಮಿಕ ವಿದ್ಯಾಭ್ಯಾಸವನ್ನು ಮಹಾಜನ ಸ್ಕೂಲ್ ನಲ್ಲಿ ಮುಗಿಸಿದ್ದಾರೆ.

 ಕನ್ನಡ ಚಿತ್ರರಂಗಕ್ಕೆ ನಡೆದು ಬಂದ ಹಾದಿ:

ಬಿ.ವಿ ಕಾರಂತ ಅವರ ಬೆನಕ ಡ್ರಾಮಾ ಕಂಪನಿಯಲ್ಲಿ ಸೇರಿಕೊಂಡು ಜೋಕುರ ಸ್ವಾಮಿ, ಕತ್ತಲೆ ಬೆಳಕು, ತಬರನ ಕತೆ ಹೀಗೆ ಹಲವು ರಂಗಭೂಮಿ ನಾಟಕಗಳಲ್ಲಿ ನಟಿಸಿ ಕನ್ನಡ ಸಿನಿಮಾರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. 2008 ರಲ್ಲಿ ಶಶಾಂಕ್ ನಿರ್ದೇಶನದಲ್ಲಿ ಮೂಡಿಬಂದಿರುವ ಮೊಗ್ಗಿನ ಮನಸ್ಸು ಕನ್ನಡ ಚಿತ್ರದಲ್ಲಿ ನಟಿಸಿ ಯಶಸ್ವಿ ಕಂಡರು.

ಮೊಗ್ಗಿನ ಮನಸ್ಸು ಚಿತ್ರ ಯಶ್ ಅವರಿಗೆ ಒಳ್ಳೆ ಇಮೇಜ್ ತಂದುಕೊಟ್ಟಿತು. ನಂತರ ಕಳ್ಳರ ಸಂತೆ, ರಾಖಿ, ಗೋಕುಲ ಚಿತ್ರಗಳಲ್ಲಿ ನಟಿಸುವ ಅವಕಾಶಗಳು ಬಂದವು. 2011 ರಲ್ಲಿ ಬಿಡುಗಡೆಗೊಂಡ ಕಿರಾತಕ ಚಿತ್ರದಲ್ಲಿ ಪಕ್ಕಾ ಹಳ್ಳಿ ವೇಷದಲ್ಲಿ ಕಾಣಿಸಿಕೊಂಡು ಹಳ್ಳಿ ಭಾಷೆಗಳನ್ನು ಬಳಸಿ ಹಳ್ಳಿ ಜನರ ಮನಗೆದ್ದರು. ಕಿರಾತಕ ಸಿನಿಮಾ ಭರ್ಜರಿ ಯಶಸ್ವಿಯಾಗಿ ಕನ್ನಡ ಸಿನಿಮಾರಂಗದಲ್ಲಿ ಸಖತ್ ಸದ್ದು ಮಾಡಿತು.

ನಂತರ ಯಶ್ ಅವರು ಕನ್ನಡ ಚಿತ್ರರಂಗದ ತಾರೆ ರಮ್ಯಾ ಅವರ ಜೊತೆ ಲಕ್ಕಿ, ಜಾನು ಸಿನಿಮಾಗಳಲ್ಲಿ ನಟಿಸಿ ಯಶಸ್ವಿ ಕಂಡುಕೊಂಡರು. 2012 ರಲ್ಲಿ ಯೋಗರಾಜ್ ಭಟ್ ಅವರ ನಿರ್ದೇಶನದಲ್ಲಿ ತೆರೆಕಂಡ ಡ್ರಾಮಾ ಚಿತ್ರದಲ್ಲಿ ನಟಿಸಿ ಸೈ ಎನಿಸಿಕೊಂಡು ಈಗ ಕನ್ನಡ ಚಿತ್ರರಂಗದ ಬಹು ಬೇಡಿಕೆ ನಟರಾಗಿದ್ದಾರೆ.
ಇವರ ಪ್ರಮುಖ ಚಿತ್ರಗಳು :
* ಮೊಗ್ಗಿನ ಮನಸ್ಸು.
* ಕಿರಾತಕ.
* ಲಕ್ಕಿ.
* ಡ್ರಾಮಾ.
* ಗೂಗ್ಲಿ.
* ರಾಜಾಹುಲಿ.
* ಗಜಕೇಸರಿ.
* ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ.
* ಮಾಸ್ಟರ್ ಪೀಸ್.
* ಕೆಜಿಎಫ್.

ಪ್ರಶಸ್ತಿಗಳು :
* ಫಿಲ್ಮ್ ಫೇರ್ ಪ್ರಶಸ್ತಿ- ಅತ್ಯತ್ತಮ ಸಹಾಯ ನಟ (ಮೊಗ್ಗಿನ ಮನಸ್ಸು) 2009.
* ಫಿಲ್ಮ್ ಫೇರ್ ಪ್ರಶಸ್ತಿ- ಅತ್ಯತ್ತಮ ನಟ (ಡ್ರಾಮಾ) 2013.
* ಫಿಲ್ಮ್ ಫೇರ್ ಪ್ರಶಸ್ತಿ- ಅತ್ಯತ್ತಮ ನಟ (ಗೂಗ್ಲಿ) 2014.
* ಫಿಲ್ಮ್ ಫೇರ್ ಪ್ರಶಸ್ತಿ- ಅತ್ಯತ್ತಮ ನಟ ( ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ) 2015.