ಧೋನಿ To ಸಿದ್ದಾರ್ಥ್ ಮಲ್ಯ: ಮದ್ವೆಗೂ ಮುನ್ನ ಡಿಪ್ಪಿ ಜೊತೆ 7 ಜನರ ಹೆಸರು ತಳುಕು

ನಿಹಾರ್‌ ಜೊತೆ ಡಿಪ್ಪಿ ಲವ್ವಿಡವ್ವಿ

ನಟಿ ದೀಪಿಕಾ ಪಡುಕೋಣೆ ಬೆಂಗಳೂರು ಬಿಟ್ಟು ಮುಂಬೈ ಪ್ರವೇಶಿಸುತ್ತಿದ್ದಂತೆ ಉದ್ಯಮಿ, ಮಾಡೆಲ್ ನಿಹಾರ್ ಪಾಂಡ್ಯಾ ಜೊತೆ ತಿರುಗಾಡುತ್ತಿದ್ದಾರೆ ಎನ್ನುವ ಗುಸುಗುಸು ಶುರುವಾಗಿತ್ತು. 3 ವರ್ಷಗಳ ಕಾಲ ಇವರಿಬ್ಬರು ರಿಲೇಶನ್‌ಶಿಪ್‌ನಲ್ಲಿ ಇದ್ದರು. ನಂತರ ದೂರಾಗಿದ್ದರು ಎನ್ನಲಾಗಿತ್ತು. ಆ ನಂತರ ನಿಹಾರ್ ಪಾಂಡ್ಯಾ ಗಾಯಕಿ ನೀತಿ ಮೋಹನ್ ಕೈ ಹಿಡಿದರು.

ದೀಪಿಕಾ ಮೇಲೆ ಧೋನಿಗೆ ಕ್ರಶ್

ಖ್ಯಾತ ಕ್ರಿಕೆಟಿಗ ಮಹೇಂದ್ರ ಸಿಂಗ್ ಧೋನಿಗೆ ದೊಡ್ಡ ಮಹಿಳಾ ಅಭಿಮಾನಿ ಬಳಗ ಇದೆ. ಆದರೆ ಧೋನಿಗೆ ಮಾತ್ರ ದೀಪಿಕಾ ಮೇಲೆ ಕ್ರಶ್ ಆಗಿತ್ತು. ಇದನ್ನು ಅವರು ಕೂಡ ಹೇಳಿಕೊಂಡಿದ್ದರು. ಇನ್ನು ಇವರಿಬ್ಬರ ನಡುವಿ ಕೂಡ ಸಂಥಿಂಗ್ ಸಂಥಿಂಗ್ ನಡೆದಿತ್ತು ಎನ್ನುವ ಗುಸುಗುಸು ಕೇಳಿಬಂದಿತ್ತು. ಇನ್ನು ಧೋನಿ, ಯುವರಾಜ್ ಸಿಂಗ್, ದೀಪಿಕಾ ನಡುವೆ ತ್ರಿಕೋನ ಪ್ರೇಮಕಥೆ ನಡೀತಿತ್ತು. ಸ್ನೇಹಕ್ಕಾಗಿ ಧೋನಿ ಪ್ರೀತಿ ತ್ಯಾಗ ಮಾಡಿದ್ದರು ಎನ್ನುವ ಮಾತುಗಳು ಕೇಳಿಬಂದಿತ್ತು.

ಯುವಿ ಲವ್ ಅಫೇರ್ಸ್‌ಗೆ ಬರವಿಲ್ಲ

ಇನ್ನು ಯುವರಾಜ್ ಸಿಂಗ್ ಹಾಗೂ ದೀಪಿಕಾ ಲವ್ವಿ ಡವ್ವಿ ವಿಚಾರ ಗುಟ್ಟಾಗಿ ಏನು ಉಳಿದಿಲ್ಲ. ಒಂದ್ಕಾಲದಲ್ಲಿ ಇವರಿಬ್ಬರ ಡೇಟಿಂಗ್ ಸುದ್ದಿ ದೊಡ್ಡದಾಗಿ ಸದ್ದು ಮಾಡಿತ್ತು. ಯುವಿಗಾಗಿ ಸ್ಟೇಡಿಯಂಗೆ ಬಂದು ಚೀಯರ್ ಅಪ್ ಮಾಡುವಷ್ಟು ದೀಪಿಕಾ ಮತ್ತು ಯುವಿ ಸ್ನೇಹ ಬೆಳೆದಿತ್ತು. ಇನ್ನೇನು ಮದುವೆ ಆಗಿಯೇ ಬಿಡುತ್ತಾರೆ ಎನ್ನುವಷ್ಟರಲ್ಲಿ ನಾನೊಂದು ತೀರ ನೀನೊಂದು ಎನ್ನುವಂತಾಗಿಬಿಟ್ಟಿದದ್ದರು. ಕೊನೆಗೆ ಅದೆಲ್ಲಾ ಬರೀ ಗಾಸಿಪ್ ಆಗಿಯೇ ಉಳಿದುಬಿಟ್ಟಿತ್ತು.

ಸಿದ್ದಾರ್ಥ್ ಜೊತೆ ಡಿಪ್ಪಿ ಕಿಸ್ಸಿಂಗ್

ದೀಪಿಕಾ ಬಾಲಿವುಡ್ ಪ್ರವೇಶಿಸಿದ ಆರಂಭದಲ್ಲೇ ಭಾರತದಲ್ಲಿ ಐಪಿಎಲ್ ಕ್ರಿಕೆಟ್ ಕಾವು ಶುರುವಾಗಿತ್ತು. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಉದ್ಯಮಿ ವಿಜಯ್ ಮಲ್ಯ ಖರೀದಿಸಿದ್ದರು. ಅದೇ ಸಮಯದಲ್ಲಿ ಅವರ ಪುತ್ರ ಸಿದ್ಧಾರ್ಥ್ ಮಲ್ಯ ಜೊತೆ ದೀಪಿಕಾ ಹೆಸರು ತಳುಕು ಹಾಕಿಕೊಂಡಿತ್ತು. ಐಪಿಎಲ್ ಮ್ಯಾಚ್ ವೇಳೆಯೇ ಇಬ್ಬರು ಕಿಸ್‌ ಮಾಡುತ್ತಿರುವ ಫೋಟೊಗಳು ವೈರಲ್ ಆಗಿ ಭಾರೀ ಸುದ್ದಿ ಆಗಿತ್ತು.

ಕಪೂರ್ ಕುಡಿಯ ಜೊತೆ ಲವ್ ಸ್ಟೋರಿ

ಇನ್ನು ರಣ್‌ಬೀರ್ ಕಪೂರ್ ಹಾಗೂ ದೀಪಿಕಾ ಪಡುಕೋಣೆ ಲವ್ ಗುಟ್ಟಾಗಿ ಏನು ಇರಲಿಲ್ಲ. ಇನ್ನೇನು ಜೋಡಿ ಮದುವೆ ಆಗುತ್ತದೆ ಎಂದುಕೊಳ್ಳುವ ವೇಳೆಗೆ ದೂರಾಗಿದ್ದರು. ರಣ್‌ಬೀರ್ ಮೋಸ ಮಾಡಿದ ಎನ್ನುವಂತೆ ದೀಪಿಕಾ ಮಾತನಾಡಿದ್ದರು. ಆ ನಂತರ ರಣ್‌ವೀರ್ ಸಿಂಗ್‌ನ ಪ್ರೀತಿಸಿ ದೀಪಿಕಾ ಮದುವೆ ಆಗಿದ್ದರು. ಇನ್ನು ಮುಜಾಮಿಲ್ ಇಬ್ರಾಹಿಂ ಹಾಗೂ ಬಾಲಿವುಡ್ ನಟ ಉಪೆನ್ ಪಟೇಲ್ ಜೊತೆಗೂ ದೀಪಿಕಾ ಹೆಸರು ತಳಕು ಹಾಕಿಕೊಂಡಿತ್ತು.