Shivarajkumar: 'ಆನಂದ್‌' To 'ವೇದ': 37 ವರ್ಷಗಳ ಸಿನಿಜರ್ನಿ.. 125 ಸಿನಿಮಾ.. ಒನ್‌ ಅಂಡ್ ಓನ್ಲಿ ಶಿವಣ್ಣ

ಹ್ಯಾಟ್ರಿಕ್ ಹೀರೋ ಪಟ್ಟ

80ರ ದಶಕದ ಕೊನೆಯವರೆಗೂ ಕನ್ನಡ ಚಿತ್ರರಂಗ ಮದ್ರಾಸ್‌ನಲ್ಲೇ ನೆಲೆಸಿತ್ತು. ಹಾಗಾಗಿ ಡಾ. ರಾಜ್‌ಕುಮಾರ್ ಸೇರಿದಂತೆ ಚಿತ್ರರಂಗದ ಬಹುತೇಕರು ಅಲ್ಲೇ ನೆಲೆಸುವಂತಾಗಿತ್ತು. ಹಾಗಾಗಿ ಶಿವಣ್ಣ ಬಾಲ್ಯ ಓದು ಎಲ್ಲಾ ಮದ್ರಾಸ್‌ನಲ್ಲೇ ಪೂರ್ಣಗೊಳಿಸಿದರು. 'ಆನಂದ್‌' ಚಿತ್ರ ಸತತ 38 ವಾರ ಪ್ರದರ್ಶನ ಕಂಡು ದಾಖಲೆ ಬರೆದಿತ್ತು. ಒಬ್ಬ ಯುವನಟನಿಗೆ ಬೇಕಾದ ಭದ್ರ ಬುನಾದಿಯನ್ನು ಆ ಸಿನಿಮಾ ಹಾಕಿತ್ತು. ಅದರ ಬೆನ್ನಲ್ಲೇ ಬಂದ 'ರಥಸಪ್ತಮಿ' ಹಾಗೂ 'ಮನಮೆಚ್ಚಿದ ಹುಡುಗಿ' ಸಿನಿಮಾಗಳು ಹಿಟ್ ಆಗಿ ಹ್ಯಾಟ್ರಿಕ್ ಹೀರೊ ಬಿರುದು ಶಿವರಾಜ್‌ಕುಮಾರ್ ಹೆಸರಿನ ಜೊತೆ ಸೇರಿಕೊಂಡಿತ್ತು.

ಟ್ರೆಂಡ್ ಸೆಟ್ಟರ್ ಚಿತ್ರಗಳಲ್ಲಿ ಶಿವಣ್ಣ

'ಓಂ', 'AK- 47', 'ಜೋಗಿ', 'ಜನುಮದ ಜೋಡಿ', 'ಟಗರು' ರೀತಿಯ ಬ್ಲಾಕ್‌ಬಸ್ಟರ್‌ ಸಿನಿಮಾಗಳು ಶಿವರಾಜ್‌ಕುಮಾರ್ ಸಿನಿಜರ್ನಿಯಲ್ಲಿದೆ. ಹಲವು ಟ್ರೆಂಡ್ ಸೆಟ್ಟರ್ ಸಿನಿಮಾಗಳಲ್ಲಿ ಶಿವಣ್ಣ ನಟಿಸಿದ್ದಾರೆ. ಕಾದಂಬರಿ ಆಧರಿತ, ರೌಡಿಸಂ ಸಿನಿಮಾಗಳಲ್ಲೂ ನಟಿಸಿ ಗೆದ್ದಿದ್ದಾರೆ. ಕನ್ನಡ ಚಿತ್ರರಂಗದಲ್ಲಿ ರೌಡಿಸಂ ಸಿನಿಮಾಗಳಲ್ಲಿ 'ಓಂ'ಕಾರ ಹಾಡಿದ್ದು ಶಿವಣ್ಣ- ಉಪೇಂದ್ರ ಕಾಂಬಿನೇಷನ್‌ನ 'ಓಂ' ಸಿನಿಮಾ. ಈ ಸಿನಿಮಾ ಸಾಕಷ್ಟು ಬಾರಿ ರೀ ರಿಲೀಸ್ ಆಗಿ ಭರ್ಜರಿ ಪ್ರದರ್ಶನ ಕಂಡಿತ್ತು. ಶಿವಣ್ಣ- ಉಪ್ಪಿ ಕಾಂಬಿನೇಷನ್‌ನಲ್ಲಿ ಮತ್ತೊಂದು ಚಿತ್ರಕ್ಕಾಗಿ ಸಿನಿರಸಿಕರು ಕಾಯುತ್ತಿದ್ದಾರೆ.

ಶಿವಣ್ಣನ ಎನರ್ಜಿಗೆ ಸಾಟಿಯಿಲ್ಲ

ಡಾ. ಶಿವರಾಜ್‌ಕುಮಾರ್‌ಗೆ ವಯಸ್ಸು ಅರವತ್ತಾಗಿದೆ. ಆದರೆ ಅವರು ತೆರೆಮೇಲೆ ಬಂದರೆ 20ರ ಯುವಕರನ್ನು ನಾಚಿಸುತ್ತಾರೆ. ಶಿವಣ್ಣನ ಎನರ್ಜಿಗೆ ಸಾಟಿಯಿಲ್ಲ. ತಮ್ಮ ಅದ್ಭುತ ಡ್ಯಾನ್ಸ್ ಹಾಗೂ ಪವರ್‌ಫುಲ್ ಪರ್ಫಾರ್ಮೆನ್ಸ್‌ನಿಂದ ಸದಾ ಅಭಿಮಾನಿಗಳನ್ನು ಸೆಳೆಯುತ್ತಾರೆ. ಕನ್ನಡ ಚಿತ್ರರಂಗದಲ್ಲಿ ಅದ್ಭುತ ಡ್ಯಾನ್ಸ್ ಟ್ರೆಂಡ್ ಹುಟ್ಟಾಕ್ಕಿದ್ದು ಶಿವಣ್ಣ. ಇವತ್ತಿಗೂ ಶಿವಣ್ಣನ ಡ್ಯಾನ್ಸ್ ನೋಡೋದೇ ಕಣ್ಣಿಗೆ ಹಬ್ಬ. 'ವೇದ' ಸಿನಿಮಾ ಮೂಲಕ ಶಿವಣ್ಣ 125 ಸಿನಿಮಾಗಳ ಮೈಲಿಗಲ್ಲು ಸಾಧಿಸಿದ್ದಾರೆ.

ನಿರ್ದೇಶಕರ ಡಾರ್ಲಿಂಗ್ ಶಿವಣ್ಣ

ಶಿವಣ್ಣ ತರಹೇವಾರಿ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಕಮರ್ಷಿಯಲ್, ಕಾಮಿಡಿ, ಹಾರರ್, ಫ್ಯಾಮಿಲಿ ಸೆಂಟಿಮೆಂಟ್, ವಿಲೇಜ್ ಬ್ಯಾಕ್‌ಡ್ರಾಪ್, ಮಲ್ಟಿಸ್ಟಾರರ್, ರೌಡಿಸಂ, ಕಾದಂಬರಿ ಆಧರಿತ ಹೀಗೆ ಹತ್ತು ಹಲವು ಜಾನರ್ ಸಿನಿಮಾಗಳನ್ನು ಟ್ರೈ ಮಾಡಿದ್ಧಾರೆ. ಸದಾ ಹೊಸಬರಿಗೆ ಅವಕಾಶ ಕೊಡುತ್ತಾರೆ. ಇವತ್ತಿಗೂ ನಿರ್ದೇಶಕರು ಹೇಳಿದಂತೆ ನಟಿಸುತ್ತಾರೆ. ಅಣ್ಣಾವ್ರ ಮಗ, 100 ಸಿನಿಮಾಗಳ ಸರದಾರ, 37 ವರ್ಷಗಳ ಜರ್ನಿ ಆದರೂ ಯಾವುದೇ ಹಮ್ಮು ಬಿಮ್ಮು ಅವರಲ್ಲಿ ಇಲ್ಲ. ಸದ್ಯ 'ಕರಟಕ ದಮನಕ', 'ಘೋಸ್ಟ್' ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಸೆಂಚುರಿ ಸ್ಟಾರ್ ನಟಿಸುತ್ತಿದ್ದಾರೆ.