"ದುಡ್ಡಿಗಾಗಿ ಎಕ್ಸ್‌ಪೋಸ್ ಮಾಡಿ, ನಾಳೆ ಗಂಡ ಕೇಳಿದ್ರೆ ಏನು ಹೇಳಲಿ" ಎಂದಿದ್ದರಂತೆ ನಟಿ ಸೌಂದರ್ಯ!

ಎಕ್ಸ್‌ಪೋಸ್ ಮಾಡದೇ ಗೆದ್ದ ಸೌಂದರ್ಯ

90ರ ದಶಕದಲ್ಲಿ ರಮ್ಯಾಕೃಷ್ಣ, ರೋಜಾ, ಮೀನಾರಂತಹ ನಟಿಯರು ಗ್ಲಾಮರಸ್‌ ರೋಲ್‌ಗಳ ಮೂಲಕ ಸದ್ದು ಮಾಡುತ್ತಿದ್ದರು. ಪಾತ್ರ ಬಯಸಿದರೆ ಸ್ಕಿನ್ ಶೋಗೆ ಒಪ್ಪಿಕೊಳ್ಳುತ್ತಿದ್ದರು. ಆದರೆ ಇವರೆಲ್ಲ ಎಷ್ಟೇ ಪೈಪೋಟಿ ನೀಡಿದರೂ ಸೌಂದರ್ಯ ಮಾತ್ರ ಎಕ್ಸ್‌ಪೋಸ್ ಮಾಡೋಕೆ ಒಪ್ಪಲೇಯಿಲ್ಲ. ಒಂದೆರಡು ಬಾರಿ ಸೊಂಟ ತೋರಿಸಿದ್ದರು ಬಿಟ್ಟರೆ ಅದನ್ನು ಮೀರಿ ಗ್ಲಾಮರಸ್‌ ಆಗಿ ಕಾಣಿಸಿಕೊಳ್ಳಲಿಲ್ಲ. ಮೈಮಾಟ ಪ್ರದರ್ಶನ ಮಾಡದೆಯೇ 10 ವರ್ಷಗಳ ಕಾಲ ದಕ್ಷಿಣ ಭಾರತದ ಸ್ಟಾರ್ ನಟಿಯಾಗಿ ಸೌಂದರ್ಯ ಮೆರೆದರು.

ಎಕ್ಸ್‌ಪೋಸಿಂಗ್ ಬಗ್ಗೆ ಸ್ನೇಹಿತೆ ಬಳಿ ಹೇಳಿದ್ದೇನು?

ಒಮ್ಮೆ ಶೂಟಿಂಗ್ ವೇಳೆ ಇಬ್ಬರೇ ಮಾತನಾಡುತ್ತಿದ್ದಾಗ "ಯಾಕೆ ನೀನು ಎಕ್ಸ್‌ಪೋಸ್‌ಗೆ ಒಪ್ಪಿಕೊಳ್ಳುವುದಿಲ್ಲ?" ಎಂದು ಆಮನಿ ಸೌಂದರ್ಯ ಅವರನ್ನು ಕೇಳಿದ್ದರಂತೆ. ಅದಕ್ಕೆ ಉತ್ತರಿಸಿದ ಸೌಂದರ್ಯ, "ಯಾಕೆ ಮಾಡಬೇಕು.? ನಾಳೆ ಮದುವೆ ಆದಮೇಲೆ ಗಂಡ ಕೇಳುವುದಿಲ್ಲವಾ? ಯಾಕೆ ಆ ರೀತಿ ಎಲ್ಲಾ ಮಾಡಿದ್ದೀಯಾ ನನಗೂ ಒಂದು ಫ್ಯಾಮಿಲಿ ಇರುತ್ತದೆ. ಈಗ ಇವರಿಗಾಗಿ ದುಡ್ಡಿಗಾಗಿ ಹಂಗೆಲ್ಲಾ ಮಾಡಿಬಿಟ್ಟರೆ ನಾಳೆ ಹೆಂಗೆ ಎಂದು ಹೇಳಿದ್ದಳು. ಸೌಂದರ್ಯ ಒಂದು ಎಥಿಕ್ ಇಟ್ಟುಕೊಂಡಿದ್ದರು. ಅದನ್ನು ಎಂದೂ ಮೀರಲಿಲ್ಲ" ಎಂದು ಆಮನಿ ವಿವರಿಸಿದ್ದಾರೆ.

ಮದುವೆ ಆದ ಒಂದೇ ವರ್ಷಕ್ಕೆ ಸೌಂದರ್ಯ ನಿಧನ

ನಟಿ ಸೌಂದರ್ಯ ಸಾಕಷ್ಟು ಕನಸು ಕಂಡಿದ್ದರು. ಮದುವೆ ಮಕ್ಕಳು ಅಂತೆಲ್ಲಾ ಬಹಳ ಆಸೆ ಇಟ್ಟುಕೊಂಡಿದ್ದರು. ಆದರೆ ಆಕೆ ಕಂಡ ಕನಸು ನನಸಾಗುವ ಮುನ್ನವೇ ಹೊರಟು ಬಿಟ್ಟರು. ಜಿ. ಎಸ್ ರಘು ಎಂಬುವವರ ಜೊತೆ ಸೌಂದರ್ಯ ಮದುವೆ ನಡೆದಿತ್ತು. ಮದುವೆ ಆಗಿ ವರ್ಷ ಕಳೆಯುವ ಮೊದಲೇ ಸೌಂದರ್ಯ ನಿಧನರಾಗಿದ್ದರು. ಆಕೆ ಕೊನೆಯುಸಿರೆಳೆದಾಗ ಗರ್ಭಿಣಿ ಆಗಿದ್ದರು ಎಂದು ಕೆಲವರು ಹೇಳಿದ್ದರು. ಅದೆಲ್ಲಾ ಸುಳ್ಳು ಎಂದು ಆಮನಿ ಸಂದರ್ಶನದಲ್ಲಿ ವಿವರಿಸಿದ್ದಾರೆ.

ಇಬ್ಬರೂ ಆತ್ಮೀಯ ಸ್ನೇಹಿತೆಯರು

ನಟಿ ಸೌಂದರ್ಯ ಹಾಗೂ ನಟಿ ಆಮನಿ ಒಂದೇ ಸಮಯದಲ್ಲಿ ಚಿತ್ರರಂಗದಲ್ಲಿ ಬ್ಯುಸಿಯಾಗಿದ್ದರು. ಆಮನಿ ಕೂಡ ಬೆಂಗಳೂರಿನಲ್ಲೇ ಹುಟ್ಟಿ ಬೆಳೆದವರು. ತೆಲುಗು ಚಿತ್ರರಂಗದಲ್ಲಿ ಒಟ್ಟಿಗೆ ಗುರ್ತಿಸಿಕೊಂಡಿದ್ದರು. ಇಬ್ಬರು ಕನ್ನಡಲ್ಲೇ ಮಾತನಾಡುತ್ತಿದ್ದರಂತೆ. ಕನ್ನಡ ಹಾಡುಗಳನ್ನು ಹಾಡುತ್ತಾ ಕಾಲ ಕಳೀತಿದ್ದರಂತೆ. 'ಅಮ್ಮದೊಂಗ' ಎನ್ನುವ ಸಿನಿಮಾದಲ್ಲೂ ಇಬ್ಬರು ಒಟ್ಟಿಗೆ ನಟಿಸಿದ್ದರು. ಹಾಗಾಗಿ ಇಬ್ಬರ ನಡುವೆ ಆತ್ಮೀಯ ಸ್ನೇಹ ಇತ್ತು. ಆಮನಿ ಕೂಡ ಸೌಂದರ್ಯ ಮದುವೆಗೆ ಹಾಜರಾಗಿದ್ದರು. ಸೌಂದರ್ಯ ಬದಲು ನಾನೇ ಆ ಜಾಗದಲ್ಲಿ ಸತ್ತಿದ್ದರೆ ಚೆನ್ನಾಗಿತ್ತು ಎಂದು ಸಂದರ್ಶನದಲ್ಲಿ ಆಮನಿ ಭಾವುಕರಾಗಿದ್ದರು.