ಬಾಡಿಬಿಲ್ಡ್ ಮಾಡಲು 'ಎದೆಹಾಲು' ಬಳಕೆ: ಇದೆಂಥಹಾ ಪ್ರಯೋಗ?

ಹಲವು ಸಪ್ಲಿಮೆಂಟ್‌ಗಳನ್ನು ಬಳಸಲಾಗುತ್ತಿದೆ

ವಿವಿಧ ಮಾದರಿಯ ಡ್ರಗ್ಸ್‌ಗಳು, ನಿಷೇಧಿತ ಪೌಡರ್‌ಗಳ ಬಳಕೆ, ಇಂಜೆಕ್ಷನ್‌ಗಳು ಹೀಗೆ ಅನೈಸರ್ಗಿಕ ವಸ್ತುಗಳನ್ನು ಸೇವಿಸಿ ದೇಹಸೌಷ್ಟವ ಹೆಚ್ಚು ಮಾಡಿಕೊಳ್ಳುತ್ತಿದ್ದಾರೆ ಅನೇಕರು. ಇದರ ಜೊತೆಗೆ ಇತ್ತೀಚೆಗೆ ಬಾಡಿಬಿಲ್ಡಿಂಗ್ ಫೀಲ್ಡ್‌ನಲ್ಲಿ ನಿಧಾನಕ್ಕೆ ಪ್ರಚಲಿತಕ್ಕೆ ಬರುತ್ತಿರುವುದು 'ಎದೆಹಾಲು' ಬಳಕೆ.

ಬಾಡಿಬಿಲ್ಡಿಂಗ್‌ ಗೆ ಎದೆಹಾಲು ಸೇವನೆ?

ಹೌದು, ಬಾಡಿಬಿಲ್ಡರ್‌ಗಳು 'ಪರಿಪೂರ್ಣ ಪೋಷಕಾಂಶ' ಎನಿಸಿಕೊಳ್ಳುವ ಎದೆ ಹಾಲನ್ನು ಸೇವಿಸುತ್ತಿದ್ದಾರೆ. ಎದೆ ಹಾಲು ಸೇವಿಸುವುದು ಯಾವುದೇ ನ್ಯೂಟ್ರೀಷನ್ ಪೌಡರ್‌ಗಳು, ಡ್ರಗ್ಸ್‌ಗಳನ್ನು ತೆಗೆದುಕೊಳ್ಳುವುದಕ್ಕಿಂತಲೂ ಎಷ್ಟೋ ಪಾಲು ಉತ್ತಮ ಎಂಬುದು ನಂಬಿಕೆ.

'ಅನ್‌ವೆಲ್' ಎಂಬ ಡಾಕ್ಯುಮೆಂಟರಿಯಲ್ಲಿ ಉಲ್ಲೇಖ

ನೆಟ್‌ಫ್ಲಿಕ್ಸ್‌ನ 'ಅನ್‌ವೆಲ್' ಎಂಬ ಡಾಕ್ಯುಮೆಂಟರಿಯಲ್ಲಿ ಈ ವಿಷಯದ ಬಗ್ಗೆ ವಿಸ್ತೃತವಾಗಿ ಚರ್ಚಿಸಲಾಗಿದೆ. ವಿದೇಶಗಳಲ್ಲಿ ಎದೆಹಾಲು ಮಾರಾಟ ಹೇಗೆ ದೊಡ್ಡ ಉದ್ಯಮವಾಗಿದೆ. ಬಾಡಿಬಿಲ್ಡರ್‌ಗಳು ಹೇಗೆ ಅದನ್ನು ಬಳಸುತ್ತಾರೆ. ಅದರ ಫಲಿತಾಂಶಗಳೇನು? ಅಡ್ಡಪರಿಣಾಮಗಳೇನು ಎಂಬುದರ ಬಗ್ಗೆ ವಿಸ್ತೃತವಾಗಿ ದಾಖಲಿಸಲಾಗಿದೆ.

ಎದೆಹಾಲು ವ್ಯಾಪಾರ ಕ್ರೌರ್ಯವೆಂದು ಪರಿಗಣಿಸಲಾಗುತ್ತದೆ

ತಾಯಿಯ ಎದೆಹಾಲಿನ ಮೇಲೆ ಮಗುವಿಗಷ್ಟೇ ಹಕ್ಕು ಎಂಬುದು ಭಾರತದಲ್ಲಿ ಒಪ್ಪಿತ ಸಾಮಾಜಿಕ ಅಲಿಖಿತ ನಿಯಮ. ಎದೆಹಾಲು ಎಂಬುದು ಪರಮ ಪವಿತ್ರವೆಂಬ ಭಾವನೆ ಭಾರತೀಯರದ್ದು. ಎದೆಹಾಲನ್ನು ಹಣಕ್ಕೆ ಅಳೆಯುವುದು ಕ್ರೌರ್ಯವೆಂದೇ ಪರಿಗಣಿತವಾಗುತ್ತದೆ. ಹೀಗಿದ್ದಾಗ ಬಾಡಿಬಿಲ್ಡಿಂಗ್‌ಗಾಗಿ ಎದೆಹಾಲು ಬಳಸುವುದು ಅನೇಕ ನೈತಿಕ ಪ್ರಶ್ನೆಗಳನ್ನು ಎತ್ತುತ್ತಿದೆ.

Recommended Video

Rakesh Adiga spiritual Rap , ಕನ್ನಡಧ Rapperಗಳಿಗೆ ಕಿವಿಮಾತು | Filmibeat Kannada

'ಈ ರೀತಿಯ ಪ್ರಯೋಗಗಳನ್ನು ಒಪ್ಪಲು ಸಾಧ್ಯವೇ ಇಲ್ಲ'

ಫಿಲ್ಮೀಬೀಟ್ ಜೊತೆಗೆ ಮಾತನಾಡಿದ ಸೆಲೆಬ್ರಿಟಿ ಜಿಮ್ ಟ್ರೈನರ್ ಶ್ರೀನಿವಾಸ್ ಗೌಡ, 'ಬಾಡಿಬಿಲ್ಡಿಂಗ್‌ ಗೆ ಎದೆಹಾಲು ಬಳಸುತ್ತಾರೆ' ಎಂಬ ಮಾತನ್ನು ಅರಗಿಸಿಕೊಳ್ಳಲೇ ಆಗುವುದಿಲ್ಲ. ಈ ರೀತಿಯ ಪ್ರಯೋಗಗಳನ್ನು ಒಪ್ಪಲು ಸರ್ವತಾ ಸಾಧ್ಯವಿಲ್ಲ ಎಂದರು.