ನಿಜವಾದ ರೌಡಿಗಳನ್ನು ಸಿನಿಮಾದಲ್ಲಿ ಹಾಕಿಕೊಂಡು ಪ್ರೇಮ್ ಪಟ್ಟ ಕಷ್ಟ ಅಷ್ಟಿಷ್ಟಲ್ಲ!

ನಿಜವಾದ ರೌಡಿಗಳಿಂದ ನಟನೆ

ಪ್ರೇಮ್ ಅವರು 'ಕರಿಯ'ದಂತಹಾ ಪೂರ್ಣ ರೌಡಿಸಂ ಕತೆಗೆ ನಿಜ ಜೀವನದ ರೌಡಿಗಳೇ ಸೂಕ್ತವೆಂದು ನಿಜ ಜೀವನದಲ್ಲಿ ರೌಡಿಗಳಾಗಿದ್ದವರನ್ನೇ ಹಾಕಿಕೊಂಡರಂತೆ. ಇದಕ್ಕೆ ಮೈಕೋ ನಾಗರಾಜ್ ಸಹ ಕೆಲವು ರೌಡಿಗಳೊಂದಿಗೆ ಮಾತನಾಡಿ ಒಪ್ಪಿಸಿದ್ದರಂತೆ.

ಶೂಟಿಂಗ್‌ ವೇಳೆ ಪಟ್ಟ ಕಷ್ಟಗಳು

ಆದರೆ ಸಿನಿಮಾ ಚಿತ್ರೀಕರಣ ನಡೆಯುತ್ತಿರುವಾಗಲೇ ಕೆಲವು ರೌಡಿಗಳು ಜೈಲು ಸೇರುಬಿಟ್ಟರಂತೆ. ಮತ್ತೆ ಅವರು ಜೈಲಿನಿಂದ ಹೊರಗೆ ಬರುವವರೆಗೆ ಚಿತ್ರೀಕರಣ ಸಹ ನಿಲ್ಲಿಸಬೇಕಾಗಿ ಬಂತಂತೆ. ಅವರು ಹೊರಗೆ ಬಂದರೆ ಇನ್ನು ಕೆಲವರು ಜೈಲು ಸೇರಿಬಿಡುತ್ತಿದ್ದರಂತೆ.

ಇಬ್ಬರು ರೌಡಿಗಳು ಕೊಲೆಯಾದರು

ಕರಿಯ ಸಿನಿಮಾದಲ್ಲಿ ನಟಿಸಿದ್ದ ಇಬ್ಬರು ರೌಡಿಗಳು ಕೊಲೆಯೇ ಆಗಿ ಹೋದರಂತೆ. ಆ ರೌಡಿಗಳನ್ನೆಲ್ಲಾ ಒಟ್ಟಿಗೆ ಕಲೆ ಹಾಕಿ ನಟಿಸುವಂತೆ ಮಾಡುವುದು ಪ್ರೇಮ್ ಅವರಿಗೆ ಸವಾಲಾಗಿತ್ತಂತೆ. ಆದರೆ ಅದನ್ನು ಯಶಸ್ವಿಯಾಗಿ ಅವರು ನಿಭಾಯಿಸಿದರು.

ಭರ್ಜರಿ ಹಿಟ್ ಆದ ಕರಿಯ ಸಿನಿಮಾ

ಕರಿಯ ಸಿನಿಮಾ ಭರ್ಜರಿ ಹಿಟ್ ಆಯಿತು. ಓಂ ನಂತರ ಬಂದ ಅತ್ಯುತ್ತಮ ರೌಡಿಸಂ ಸಿನಿಮಾ ಎಂಬ ಹೆಸರೂ ಗಳಿಸಿತು. ಮೊದಲ ಹದಿನೈದು ದಿನ ಹೆಚ್ಚು ಜನ ಸಿನಿಮಾಕ್ಕೆ ಬರಲಿಲ್ಲವಂತೆ. ಆದರೆ ಆ ನಂತರ ಸಿನಿಮಾ ಭಾರಿ ದೊಡ್ಡ ಹಿಟ್ ಆಯಿತು. ದರ್ಶನ್ ಅವರು ಸಿನಿಮಾದಲ್ಲಿ ಅದ್ಭುತ ಅಭಿನಯ ನೀಡಿದರು ಎಂದು ಮೈಕೊ ನಾಗರಾಜ್ ನೆನಪಿಸಿಕೊಂಡಿದ್ದಾರೆ.