'ಬುಲ್ ಬುಲ್' ನೋಡಿ ''ಸಿನಿಮಾ ಡೌಟ್ ಇದೆ'' ಎಂದು ಎಚ್ಚರಿಸಿದ್ದು ಯಾರು?

ತೆಲುಗಿನ ಡಾರ್ಲಿಂಗ್, ಕನ್ನಡದಲ್ಲಿ ಬುಲ್ ಬುಲ್

ತೆಲುಗಿನಲ್ಲಿ ಪ್ರಭಾಸ್ ನಟಿಸಿದ್ದ 'ಡಾರ್ಲಿಂಗ್' ಕನ್ನಡದಲ್ಲಿ 'ಬುಲ್ ಬುಲ್' ಆಯಿತು. ನಿರ್ದೇಶಕ ಎಂಡಿ ಶ್ರೀಧರ್, ಕವಿರಾಜ್ 'ಡಾರ್ಲಿಂಗ್' ನೋಡಿದ್ಮೇಲೆ ದರ್ಶನ್ ಜೊತೆ ಈ ಸಿನಿಮಾ ಮಾಡಲು ನಿರ್ಧರಿಸಿದರು. ನಂತರ ದಿನಕರ್ ಜೊತೆ ಮಾತಾಡಿ ಸಿನಿಮಾ ತೋರಿಸಲಾಯಿತು. ದಿನಕರ್ ಸಹ ಒಪ್ಪಿಕೊಂಡರು. ಕೊನೆಗೆ ದರ್ಶನ್ ಬಳಿ ಈ ವಿಚಾರ ಮಾತಾನಾಡಿ ಪ್ರಾಜೆಕ್ಟ್ ಓಕೆ ಮಾಡಿದ್ರು. ತಂತ್ರಜ್ಞರಿಗಾಗಿ ಈ ಸಿನಿಮಾ ಮಾಡೋದಾಗಿ ಡಿ ಬಾಸ್ ಒಪ್ಪಿಕೊಂಡರು. ಸಂಭಾವನೆ ಇಲ್ಲದೇ ಬುಲ್ ಬುಲ್ ಮಾಡಿಕೊಟ್ಟರು.

ರಚಿತಾ ರಾಮ್ ಆಯ್ಕೆಯಾಗಿದ್ದು ಹೇಗೆ?

ಎಲ್ಲವೂ ಓಕೆ ಆದ್ಮೇಲೆ ನಾಯಕಿ ಯಾರು ಎಂದು ಹುಡುಕಾಟ ನಡೆಯಿತು. ಅನುಷ್ಕಾ, ಕಾಜಲ್ ಹೆಸರು ಬಂತು. ನಂತರ ಡೇಟ್ ಹೊಂದಾಣಿಕೆಯಾಗದ ಹಾಗೂ ಬಜೆಟ್ ಕಾರಣದಿಂದ ಹೊಸಬರ ಕಡೆ ಗಮನ ಹರಿಸಲಾಯಿತು. ಈ ಹಂತದಲ್ಲಿ ರಚಿತಾ ರಾಮ್ ಸಿಕ್ಕರು. ಫೋಟೋಶೂಟ್ ನೋಡಿದ್ಮೇಲೆ ಪಕ್ಕಾ ಆಯ್ತು. ಬಿಂದ್ಯಾ ರಾಮ್ ಹೆಸರನ್ನು ರಚಿತಾ ರಾಮ್ ಎಂದು ಮರುನಾಮಕರಣ ಮಾಡಲಾಯಿತು.

ಸ್ಕ್ರಿಪ್ಟ್ ಬದಲಾವಣೆ ಮಾಡಲಾಯಿತು

ಡಾರ್ಲಿಂಗ್ ಸಿನಿಮಾವನ್ನು ಯಥಾವತ್ತಾಗಿ ರೀಮೇಕ್ ಮಾಡಲಿಲ್ಲ. ಅದರಲ್ಲಿ ಕೆಲವು ದೃಶ್ಯಗಳು ಬೋರಿಂಗ್ ಆಗಿತ್ತು. ಚಿತ್ರದ ಕಥೆಯನ್ನು ಇಟ್ಟುಕೊಂಡು ಬುಲ್ ಬುಲ್ ಸ್ಕ್ರಿಪ್ಟ್ ಬದಲಾವಣೆ ಮಾಡಲಾಯಿತು. ಕನ್ನಡಕ್ಕೆ ತಕ್ಕಂತೆ ಕಥೆ ಜೋಡಣೆ ಮಾಡಲಾಯಿತು. ಮೊದಲಾರ್ಧ ಮತ್ತು ಕ್ಲೈಮ್ಯಾಕ್ಸ್ ಸಂಪೂರ್ಣವಾಗಿ ಬದಲಾಯಿತು ಎಂದು ನಿರ್ದೇಶಕ ಎಂ.ಡಿ ಶ್ರೀಧರ್ ಹೇಳಿಕೊಂಡಿದ್ದಾರೆ.

ಅಡ್ವಾನ್ಸ್ ಇಲ್ಲದೇ ಸಿನಿಮಾ ಮಾಡಿದ ಡಿ ಬಾಸ್

ತಂತ್ರಜ್ಞರಿಗಾಗಿ ಮಾಡಿದ ಸಿನಿಮಾ ಬುಲ್ ಬುಲ್. ಮೀನಾ ತೂಗುದೀಪ್ ನಿರ್ಮಾಪಕರಾಗಿದ್ದರೂ, ಅವರ ಜೊತೆಯಲ್ಲಿ ಎಂಡಿ ಶ್ರೀಧರ್, ಹರಿಕೃಷ್ಣ, ಕವಿರಾಜ್ ಸೇರಿದಂತೆ ಹಲವು ತಂತ್ರಜ್ಞರನ್ನು ಒಟ್ಟುಗೂಡಿಸಿಕೊಂಡು ನಿರ್ಮಾಣ ಮಾಡಿದ ಚಿತ್ರ. ಈ ಚಿತ್ರದಲ್ಲಿ ಕೆಲಸ ಮಾಡಿದ ಎಲ್ಲ ತಂತ್ರಜ್ಞರಿಗೆ ಬಂದ ಲಾಭದಲ್ಲಿ ಹಂಚಿಕೆ ಮಾಡಲಾಗಿದೆ. ಬುಲ್ ಬುಲ್ ಚಿತ್ರದಲ್ಲಿ ನಟಿಸಲು ದರ್ಶನ್ ಅವರು ಅಡ್ವಾನ್ಸ್ ಸಹ ಪಡೆದಿಲ್ಲ ಎನ್ನುವುದು ಈ ಚಿತ್ರದ ಮತ್ತೊಂದು ವಿಶೇಷ.