ನಿವೇದಿತಾ ಗೌಡ ಚೌಕಾಸಿ ಶಾಪಿಂಗ್ ಸೀಕ್ರೆಟ್!

ಸಾಮಾನ್ಯರಂತೆ ನಿವೇದಿತಾ ಶಾಪಿಂಗ್!

ಸಾಮಾನ್ಯವಾಗಿ ಸಿನಿಮಾ ತಾರೆಯರು ಅಂದ್ರೆ, ಅವರ ಲೈಫ್ ಸ್ಟೈಲ್ ಹೆಚ್ಚು ದುಬಾರಿಯಾಗಿರುತ್ತಾರೆ ಎನ್ನುವ ಕಲ್ಪನೆ ಇದೆ. ಜೊತೆಗೆ ಸೆಲೆಬ್ರೆಟಿಗಳು ಸಾಮಾನ್ಯ ಜನರ ರೀತಿ ಶಾಪಿಂಗ್ ಕೂಡ ಮಾಡುವುದಿಲ್ಲ. ಆದರೆ ನಿವೇದಿತಾ ಗೌಡ ಎಲ್ಲರಂತೆ ಅಲ್ಲ, ನಿವೇದಿತಾ ಸಾಮಾನ್ಯಳಂತೆ ಶಾಪಿಂಗ್ ಮಾಡಿ ಗಮನ ಸೆಳೆದಿದ್ದಾರೆ. ಅಲ್ಲದೇ ಚೌಕಾಸಿ ಮಾಡಿ ಹಲವು ವಸ್ತುಗಳನ್ನು ಖರೀಸಿ ಅಚ್ಚರಿ ಮೂಡಿಸಿದ್ದಾರೆ.

ನಿವೇದಿತಾ ಗೌಡ ಚೌಕಾಸಿ ಶಾಪಿಂಗ್!

ನಿವೇದಿತಾ ಕಮರ್ಷಿಯಲ್ ಸ್ಟ್ರೀಟ್‌ಗೆ ಶಾಂಪಿಂಗ್‌ಗಾಗಿ ಎಂಟ್ರಿ ಕೊಡುತ್ತಾರೆ. ಮೊದಲ ಹೆಜ್ಜೆಯಿಂದಲೇ ಚೌಕಾಸಿ ಶುರು ಮಾಡುತ್ತಾರೆ. ಯಾಕೆಂದರೆ ನಿವೇದಿತಾ ಅವರಿಗೆ 1000 ರೂಪಾಯಿಯಲ್ಲಿ ಹೆಚ್ಚಿನ ಸಾಮಾನುಗಳನ್ನು ಖರೀದಿಸುವ ಚಾಲೆಂಜ್ ಇದೆ. ಹೇರ್ ಕ್ಲಿಪ್ ತರುವುದನ್ನು ಮರೆತ ಕಾರಣ ನಿವೇದಿತಾ ಮೊದಲ ಬಾರಿಗೆ ಕ್ಲಿಪ್ಪನ್ನು ಹುಡುಕುತ್ತಾ ಕಮರ್ಷಿಯಲ್ ಸ್ಟ್ರೀಟ್‌ನಲ್ಲಿ ಓಡಾಡುತ್ತಾರೆ. ಹೇರ್ ಕ್ಲಿಪ್ ಆಯ್ಕೆ ಬಳಿಕ. ಅದನ್ನ ಚೌಕಾಸಿಮಾಡಿ ಪಡೆಯುತ್ತಾರೆ. 100 ರೂಪಾಯಿ ಬೆಲೆಯುಳ್ಳ ಹೇರ್ ಕ್ಲಿಪ್ಪನ್ನು 50 ರೂಪಾಯಿಗೆ ನಿವೇದಿತಾ ಚೌಕಾಸಿಮಾಡಿ ಖರೀದಿಸುತ್ತಾರೆ.

200ರೂ. ಕಿವಿಯೊಲೆಗೆ ನಿವಿ ಕೊಟ್ಟಿದ್ದೆಷ್ಟು!

ನಿವೇದಿತಾ ಶಾಪಿಂಗ್ ಲಿಸ್ಟ್‌ನಲ್ಲಿ ಕಿವಿಯೋಲೆ ಖರೀದಿಸುವ ಪ್ಲಾನ್ ಕೂಡ ಇತ್ತು. ಕಮರ್ಷಿಯಲ್ ಸ್ಟ್ರೀಟ್ ನಲ್ಲಿ ನಿವೇದಿತಾ ಗೌಡ ಕಿವಿಯೋಲೆಗಳನ್ನು ಖರೀದಿಸುತ್ತಾರೆ. ಆದರೆ ನಿವೇದಿತಾ ಆಯ್ಕೆಮಾಡಿದ ಕಿವಿಯೋಲೆಯ ಬೆಲೆ 200 ರೂಪಾಯಿ. ಹಾಗಾಗಿ ಕೊಂಚ ಕಡಿಮೆ ಬೆಲೆಗೆ ಕಿವಿಯೋಲೆಯನ್ನು ಹುಡುಕುತ್ತಾರೆ ಅದು ಕೂಡ 195 ರೂ. ಬೆಲೆಯುಳ್ಳದ್ದಾಗಿತ್ತು. ಚೌಕಾಸಿ ಮಾಡಿ ನೂರು ರೂಪಾಯಿಗೆ ಖರೀದಿಸಿದ್ದಾರೆ. ಜೊತೆಗೆ ನಿವೇದಿತಾ ಮುದ್ದಾದ ಕ್ಯಾಂಗರೂ ಗೊಂಬೆಯನ್ನು ಖರೀದಿ ಮಾಡುತ್ತಾರೆ. ಬೆಲೆ ಕಡಿಮೆ ಮಾಡಿಕೊಂಡ ಅಂಗಡಿಯವನಿಗೆ ಮತ್ತೆ ನಿಮ್ಮ ಅಂಗಡಿಗೆ ಬರುತ್ತೇನೆ ಎಂದು ಭರವಸೆಯನ್ನು ನೀಡಿದ್ದಾರೆ ನಿವೇದಿತಾ.

1000 ರೂ.ಗೆ ಎಷ್ಟಯ ವಸ್ತು ಖರೀದಿ?

ಇನ್ನು ನಿವೇದಿತ ಗೌಡ ಸಾವಿರ ರೂಪಾಯಿಯಲ್ಲಿ ಹೆಚ್ಚಿನ ಸಾಮಗ್ರಿಗಳನ್ನು ಖರೀದಿಸುವ ಚಾಲೆಂಜಿಂಗ್ ಸ್ವೀಕಾರ ಮಾಡಿದ್ದಾರೆ. ಈ ಕಾರಣಕ್ಕೆ ಆದಷ್ಟು ಹೆಚ್ಚು ಚೌಕಾಸಿ ಮಾಡಿ ಹೆಚ್ಚಿನ ವಸ್ತುಗಳನ್ನು ಖರೀದಿ ಮಾಡಿದ್ದಾರೆ. ಚೌಕಾಸಿ ಮಾಡಲು ಬರುವುದಿಲ್ಲ ಎಂದು ಹೇಳುತ್ತಲೇ ಹಲವಾರು ಐಟಂಗಳನ್ನು ಖರೀದಿಸಿದ್ದಾರೆ. ಆ್ಯಕ್ಸಕರೀಸ್, ಡೆಕೊರೇಟಿವ್ ವಸ್ತುಗಳು, ಬೊಂಬೆಗಳು, ಜಾಕೆಟ್ ಸೇರಿದಂತೆ ಹಲವು ವಸ್ತುಗಳನ್ನು ಖರೀದಿ ಮಾಡಿದ್ದಾರೆ.