ಜಾತಕ ದೋಷ, ಮರದೊಂದಿಗೆ ಐಶ್ವರ್ಯಾ ರೈ ಮೊದಲ ಮದುವೆ: ವಿದೇಶದಲ್ಲಿ ಮಾಜಿ ವಿಶ್ವಸುಂದರಿ ಉತ್ತರ!

ಐಶ್ವರ್ಯಾ ರೈ ಮದುವೆ

ಐಶ್ವರ್ಯಾ ರೈ ಯಶಸ್ಸಿನ ತುತ್ತ ತುದಿಯಲ್ಲಿದ್ದರು. ಬಹುತೇಕ ಬಾಲಿವುಡ್‌ನ ಟಾಪ್ ಪಟ್ಟವನ್ನು ಅಲಂಕರಿಸಿದ್ದರು. ಆಗಲೇ ಅವರು ವೈವಾಹಿಕ ಜೀವನಕ್ಕೆ ಕಾಲಿಡಲು ನಿರ್ಧರಿಸಿದ್ದರು. 2007 ರಲ್ಲಿ ಬಿಗ್ ಬಿ ಅಮಿತಾಬ್ ಬಚ್ಚನ್ ಸುಪುತ್ರ ಅಭಿಷೇಕ್ ಬಚ್ಚನ್‌ರನ್ನು ವಿವಾಹವಾದರು. ಐಶ್ವರ್ಯಾ ಮತ್ತು ಅಭಿಷೇಕ್ ಬಚ್ಚನ್ ಇಬ್ಬರೂ 'ಗುರು' ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದ್ದರು. ಈ ವೇಳೆ ಸೆಟ್‌ನಲ್ಲಿ ಪ್ರೀತಿ ಹುಟ್ಟಿತ್ತು. ಅದೇ ಪ್ರೀತಿ ಮದುವೆಗೂ ತಿರುಗಿತ್ತು. ಹೀಗಾಗಿ ಐಶ್ವರ್ಯಾ ರೈ ಮತ್ತು ಅಭಿಷೇಕ್ ಬಚ್ಚನ್ ಮದುವೆ ಬಾಲಿವುಡ್‌ನಲ್ಲಿ ದೊಡ್ಡ ಚರ್ಚೆಯಾಗಿತ್ತು.

'ಪೊನ್ನಿಯನ್ ಸೆಲ್ವನ್' ಟೀಂಗೆ ಶಾಕ್: ಐಶ್ವರ್ಯಾ, ಕಾರ್ತಿ ಫೋಟೊ ಲೀಕ್!

ಮದುವೆ ಬಳಿಕ ಗಾಸಿಪ್

ಐಶ್ವರ್ಯಾ ರೈ ಗೆಳೆಯ ಅಭಿಷೇಕ್ ಬಚ್ಚನ್‌ರನ್ನು ವಿವಾಹವಾಗುತ್ತಿದ್ದಂತೆ ಗಾಳಿ ಸುದ್ದಿಯೊಂದು ಹಬ್ಬಿತ್ತು. ಐಶ್ವರ್ಯಾ ರೈ ಜಾತಕದಲ್ಲಿ ದೋಷವಿದೆ ಎನ್ನುವ ಸುದ್ದಿ ಹಬ್ಬಿತ್ತು. ಈ ಕಾರಣಕ್ಕೆ ಐಶ್ವರ್ಯಾ ರೈ ಮೊದಲು ಮರಕ್ಕೆ ಮದುವೆಯಾಗಿದ್ದರು ಎಂಬ ಸುದ್ದಿ ಹಬ್ಬಿತ್ತು. ಈ ವದಂತಿಗಳಿಂದ ದೇಶಾದ್ಯಂತ ಕಾಡ್ಗಿಚ್ಚಿನಂತೆ ಹಬ್ಬಿತ್ತು.

ಐಶ್ವರ್ಯಾ ಹೇಳಿದ್ದೇನು?

ಅದ್ಯಾವಾಗ ಈ ಸುದ್ದಿ ಹಬ್ಬಿತ್ತೋ. ಅಲ್ಲಿಂದ ಐಶ್ವರ್ಯಾಗೆ ಸಿಕ್ಕಾಪಟ್ಟೆ ಸಮಸ್ಯೆ ಎದುರಾಗಿತ್ತು. ಮದುವೆಯಾದ ಮರು ವರ್ಷವೇ, ಅಂದರೆ, 2008ರಲ್ಲಿ ಎನ್‌ಡಿಟಿಗೆ ಸಂದರ್ಶವನ್ನು ನೀಡಿದ್ದರು. ಆಗ ಐಶ್ವರ್ಯಾ ರೈ ಜಾತಕ ದೋಷದ ಬಗ್ಗೆ ಬೇಸರದ ಸಂಗತಿಯನ್ನುಹೊರ ಹಾಕಿದ್ದರು. ವಿದೇಶಕ್ಕೆ ಹೋದರೂ ಅಲ್ಲಿನ ಮಾಧ್ಯಮಗಳು ಕೂಡ ನೀವು ಮರಕ್ಕೆ ಮೊದಲು ಮದುವೆಯಾಗಿದ್ದರಂತೆ ಅಂತ ಕೇಳುತ್ತಾರೆ ಎಂದು ಬೇಸರ ಹೊರಹಾಕಿದ್ದರು.

ಬಿಗ್ ಬಿ ಕಿಡಿ

ಐಶ್ವರ್ಯಾ ರೈ ಬಚ್ಚನ್‌ಗೆ ಈ ಪ್ರಶ್ನೆ ಸಿಕ್ಕಾಪಟ್ಟೆ ಕಿರಿಕಿರಿಯನ್ನುಂಟು ಮಾಡುತ್ತಿತ್ತು. ವಿದೇಶಿ ಮಾಧ್ಯಮಗಳು ನಿರಂತರವಾಗಿ ಐಶ್ವರ್ಯಾ ರೈರನ್ನು" ನೀವು ಮರವನ್ನು ಮದುವೆಯಾಗಿದ್ದೀರಾ? ನಿಮಗೆ ಜಾತಕ ದೋಷವಿದೆಯೇ?" ಎಂಬ ಪ್ರಶ್ನೆಗಳನ್ನು ಹೇಳುತ್ತಿದ್ದರು. ಈ ಎಲ್ಲಾ ಪ್ರಶ್ನೆಗಳಿಗೆ ನಾನು ಹೇಗೆ ಉತ್ತರಿಸಲು ಸಾಧ್ಯ?" ಎಂದಿದ್ದರು. ಈ ವಿವಾದದ ಬಗ್ಗೆ ಅಭಿಷೇಕ್ ಬಚ್ಚನ್ ತಂದೆ ಅಮಿತಾಬ್ ಬಚ್ಚನ್ ಕೂಡ ಪ್ರತಿಕ್ರಿಯಿಸಿದ್ದರು. ನನ್ನ ಕುಟುಂಬದಲ್ಲಿ ಮೂಢನಂಬಿಕೆ ಇಲ್ಲ. ಐಶ್ವರ್ಯಾ ಜಾತಕವನ್ನೂ ನಾವು ನೋಡಿಲ್ಲ. ನೀವು ಹೇಳುವ ಆ ಮರ ಎಲ್ಲಿದೆ? ಅಮಿತಾಬ್ ಬಚ್ಚನ್ ಕಿಡಿಕಾರಿದ್ದರು.