'ಬೇಡರ ಕಣ್ಣಪ್ಪ' ಚಿತ್ರಕ್ಕಾಗಿ ಆಡಿಷನ್ ಕೊಟ್ಟು 15 ದಿನ ಕಾದಿದ್ದರಂತೆ ಡಾ ರಾಜ್

ಆಡಿಷನ್ ಮಾಡಿಸಿದ್ದರು

ಬೇಡರ ಕಣ್ಣಪ್ಪ ಚಿತ್ರಕ್ಕಾಗಿ ಹುಡುಕುತ್ತಿದ್ದ ಸಂದರ್ಭದಲ್ಲಿ ನನ್ನನ್ನು ಕರೆಸಿದರು. ಆಡಿಷನ್ ಮಾಡೋಣ ಅಂತ ಹೇಳಿ ಮುಖಕ್ಕೆ ಬಣ್ಣ ಹಾಕಿಸಿ ಪರೀಕ್ಷಿಸಿದರು. ಕ್ಯಾಮೆರಾ ಮುಂದೆ ನವರಸಗಳನ್ನು ನಟಿಸು ತೋರಿಸು ಎಂದು ಹೇಳಿದರು. ನಾಟಕಗಳಲ್ಲಿ ಸ್ವತಂತ್ರವಾಗಿ ವೇದಿಕೆಯಲ್ಲಿ ನಟಿಸಬಹುದು. ಆದರೆ, ಸಿನಿಮಾದಲ್ಲಿ ನಿರ್ದಿಷ್ಟವಾದ ಜಾಗದಲ್ಲಿ ನಿಂತು ಸೀಮಿತವಾಗಿ ನಟಿಸಬೇಕಿತ್ತು. ನಾನು ನಟಿಸಿ ತೋರಿಸಿದೆ. 8 ದಿನ ಬಿಟ್ಟು ಹೇಳ್ತೀನಿ, ನೀವು ಹೋಗಿ ಎಂದು ಕಳುಹಿಸಿದರು ಎಂಬ ವಿಷಯವನ್ನು ಅಣ್ಣಾವ್ರು ಸಂದರ್ಶನದಲ್ಲಿ ತಿಳಿಸಿದರು.

15 ದಿನ ಆದರೂ ಪ್ರತಿಕ್ರಿಯೆ ಬರಲಿಲ್ಲ

ಆಡಿಷನ್ ಕೊಟ್ಟು ಬಂದ ಮೇಲೆ 8 ದಿನ ಆದರೂ ಯಾವುದೇ ಪ್ರತಿಕ್ರಿಯೆ ಬರಲಿಲ್ಲ. ಆಮೇಲೆ 15 ಆದ್ಮೇಲೆ ಒಂದು ಪತ್ರ ಬಂತು. ನಿಮ್ಮ ಆಡಿಷನ್ ವಿಡಿಯೋ ನೋಡಿದ್ಮೇಲೆ ನಮ್ಮ ನಿರ್ದೇಶಕರು, ನಿರ್ಮಾಪಕರು ಇಷ್ಟ ಪಟ್ಟಿದ್ದು, ನೀವು ಬೇಡರ ಕಣ್ಣಪ್ಪ ಚಿತ್ರಕ್ಕೆ ಆಯ್ಕೆಯಾಗಿದ್ದಾರೆ ಅಂತ ಬರೆಯಲಾಗಿತ್ತು ಎಂದು ಅಣ್ಣಾವ್ರು ತಿಳಿಸಿದರು.

1954ರಲ್ಲಿ ತೆರೆಕಂಡ ಚಿತ್ರ

ನಾಟಕಗಳಲ್ಲಿ ನಟಿಸುತ್ತಿದ್ದ ರಾಜ್ ಕುಮಾರ್ ಅಧಿಕೃತವಾಗಿ ಸಿನಿಮಾಗಳಲ್ಲಿ ಪಯಣ ಅರಂಭಿಸಿದರು. ಅದಕ್ಕೂ ಮುಂಚೆ 1942ರಲ್ಲಿ ಭಕ್ತ ಪ್ರಹ್ಲಾದ ಚಿತ್ರದಲ್ಲಿ ಸಣ್ಣದೊಂದು ಪಾತ್ರ ನಿರ್ವಹಿಸಿದ್ದರು ಎಂದು ವರದಿಯಾಗಿದೆ. ಆದರೆ, ನಾಯಕನಟನಾಗಿ ಬೇಡರ ಕಣ್ಣಪ್ಪ ಚೊಚ್ಚಲ ಸಿನಿಮಾ. 1954ರ ಮೇ 7 ರಂದು ಈ ಚಿತ್ರ ರಿಲೀಸ್ ಆಗಿತ್ತು.

Recommended Video

ಚಿರು ಸಾವಿಗೆ ಒಂದು ವರ್ಷ, ಅಣ್ಣನಿಗೆ ಪತ್ರ ಬರೆದು ನೋವನ್ನು ಹಂಚಿಕೊಂಡ ಧ್ರುವ | Filmibeat Kannada

ರಾಷ್ಟ್ರ ಪ್ರಶಸ್ತಿ ಲಭಿಸಿದೆ

ಬೇಡರ ಕಣ್ಣಪ್ಪ ಚಿತ್ರಕ್ಕೆ 1954ರಲ್ಲಿ ರಾಷ್ಟ್ರ ಪ್ರಶಸ್ತಿ ಲಭಿಸಿದೆ. 2ನೇ ಅತ್ಯುತ್ತಮ ಸಿನಿಮಾ ಪ್ರಶಸ್ತಿ ಪಡೆದುಕೊಂಡಿದೆ. ನಂತರ ಈ ಚಿತ್ರ ಬೇರೆ ಭಾಷೆಗಳಲ್ಲಿಯೂ ಡಬ್ ಆಗಿದೆ. ರಾಜ್ ಜೊತೆ ಪಂಡಿರಿಬಾಯಿ, ನರಸಿಂಹರಾಜು, ರಾಜಾ ಸುಲೋಚನಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.