ಸುದೀಪ್ ಮುಚ್ಚಿಟ್ಟಿದ್ದ 'ಆ' ವಿಷಯವನ್ನು ಬಿಚ್ಚಿಟ್ಟ ಸುನೀಲ್ ಕುಮಾರ್ ದೇಸಾಯಿ.!

ಸುದೀಪ್-ಸುನೀಲ್ ಕುಮಾರ್ ದೇಸಾಯಿ ನಡುವಿನ ಒಡನಾಟ

''ನನ್ನ ಅವರ (ಸುದೀಪ್) ಒಡನಾಟ 22 ವರ್ಷಗಳಿಂದ ಇದೆ. 1997 ನಲ್ಲಿ ನಾವು ಭೇಟಿ ಆಗಿದ್ವಿ. 1998 ರಲ್ಲಿ ನಾನು 'ಪ್ರತ್ಯರ್ಥ' ಸಿನಿಮಾ ಮಾಡುತ್ತಿದ್ದಾಗ, ಒಂದು ಸಣ್ಣ ಪಾತ್ರ ಇತ್ತು. ಮೈಸೂರಿನ ಲಲಿತ ಮಹಲ್ ಪ್ಯಾಲೇಸ್ ನಲ್ಲಿ ನಾನು 'ಪ್ರತ್ಯರ್ಥ' ಶೂಟಿಂಗ್ ಪ್ಲಾನ್ ಮಾಡಿದ್ದೆ. ಆ ಟೈಮ್ ನಲ್ಲಿ ಸುದೀಪ್ ಪರಿಚಯ ಆಗಿತ್ತು. ಸಿನಿಮಾ ಮಾಡುವ ಛಲ ಸುದೀಪ್ ಗಿತ್ತು. ಚಿಕ್ಕ ಪಾತ್ರ ಇದೆ ಎಂದು ನಾನು ಹೇಳಿದಾಗ ಮಾಡುವೆ ಎಂದು ಸುದೀಪ್ ಒಪ್ಪಿಕೊಂಡರು'' - ಸುನೀಲ್ ಕುಮಾರ್ ದೇಸಾಯಿ, ನಿರ್ದೇಶಕ

ಏಟಾಗಿದ್ದ ವಿಷಯ ಮುಚ್ಚಿಟ್ಟಿದ್ದ ಸುದೀಪ್

''ಪ್ರತ್ಯರ್ಥ' ಚಿತ್ರದಲ್ಲಿ ರಮೇಶ್ ಅರವಿಂದ್ ಗೆ ಸಹಾಯ ಮಾಡುವ ಪಾತ್ರ ಅದು. ಅದರಲ್ಲಿ ಆಕ್ಷನ್ ಕೂಡ ಇತ್ತು. ಸುದೀಪ್ ಫೈಟ್ ಮಾಡಬೇಕಿತ್ತು. ಅದಕ್ಕೂ ಮುನ್ನವೇ ಸುದೀಪ್ ಅವರ ಹೊಟ್ಟೆಗೆ ಏಟಾಗಿತ್ತಂತೆ. ಈ ವಿಷಯವನ್ನು ಸುದೀಪ್ ನನಗೆ ಹೇಳಿರಲಿಲ್ಲ. ನಮ್ಮ ಶೂಟಿಂಗ್ ಗೆ ಡಿಸ್ಟರ್ಬ್ ಆಗಬಾರದು ಅಂತ ಅವರಿಗೆ ಪೆಟ್ಟಾಗಿದ್ದ ವಿಷಯವನ್ನ ಸುದೀಪ್ ಮುಚ್ಚಿಟ್ಟಿದ್ದರು. ನಮಗೆ ಏನೂ ಗೊತ್ತಿಲ್ಲದೆ ಎರಡು ದಿನ ಫೈಟ್ ಶೂಟಿಂಗ್ ಮಾಡಿದ್ದೀವಿ'' - ಸುನೀಲ್ ಕುಮಾರ್ ದೇಸಾಯಿ, ನಿರ್ದೇಶಕ.

ವರ್ಕ್ ಕಮ್ಮಿಟ್ಮೆಂಟ್ ಮೆಚ್ಚಬೇಕು.!

''ಸುದೀಪ್ ರವರ ವರ್ಕ್ ಕಮಿಟ್ಮೆಂಟ್ ನ ಮೆಚ್ಚಬೇಕು. ನೋವನ್ನು ನುಂಗಿಕೊಂಡು, ಇನ್ಜೆಕ್ಷನ್, ಟ್ಯಾಬ್ಲೆಟ್ ತೆಗೆದುಕೊಂಡು, ನನಗೆ ಗೊತ್ತಾಗದ ಹಾಗೆ ಸುದೀಪ್ ನಟಿಸಿದ್ದಾರೆ. ಅಂದು ಸುದೀಪ್ ಗೆ ಹೀಗೆ ಆಗಿತ್ತು ಅಂತ ನನಗೆ ಗೊತ್ತಾಗಿದ್ದೇ 20 ವರ್ಷಗಳ ನಂತರ'' - ಸುನೀಲ್ ಕುಮಾರ್ ದೇಸಾಯಿ, ನಿರ್ದೇಶಕ

ಪಾತ್ರಕ್ಕೆ ನ್ಯಾಯ ಒದಗಿಸುವ ನಟ

''ಸುದೀಪ್ ಅವರ ನಿಷ್ಠೆ ಬಗ್ಗೆ ನನಗೆ ಬಹಳ ಗೌರವ ಇದೆ. ಅವರೊಂದಿಗೆ 'ಸ್ಪರ್ಶ' ಸಿನಿಮಾ ಪ್ಲಾನ್ ಮಾಡಿದ್ವಿ. ಒಂದು ಚಿತ್ರ ಒಪ್ಪಿಕೊಂಡ ನಂತರ, ಒಂದು ಪಾತ್ರ ಒಪ್ಪಿಕೊಂಡ ನಂತರ.. ಅದಕ್ಕೆ ಸುದೀಪ್ ಎಷ್ಟು ನ್ಯಾಯ ಒದಗಿಸುತ್ತಾರೆ ಎಂಬುದು 'ಸ್ಪರ್ಶ' ಮಾಡುವಾಗಲೇ ನನಗೆ ಅರ್ಥ ಆಗಿತ್ತು'' - ಸುನೀಲ್ ಕುಮಾರ್ ದೇಸಾಯಿ, ನಿರ್ದೇಶಕ

ಚಳಿಯಲ್ಲಿ, ನೀರಿನಲ್ಲಿ, ಬರಿಗಾಲಿನಲ್ಲಿ ಸುದೀಪ್

''ಡಾರ್ಜಿಲಿಂಗ್ ನಲ್ಲಿ 'ಚಂದಕ್ಕಿಂತ ಚಂದ' ಹಾಡಿನ ಚಿತ್ರೀಕರಣ ಮಾಡುತ್ತಿದ್ವಿ. ಮೈನಸ್ ಡಿಗ್ರಿ ಇತ್ತು. ತೀರಾ ಚಳಿ. ಕಾಲಿಟ್ಟರೆ, ಮರಗಟ್ಟುತ್ತದೆ. ಕೆಲವು ಡ್ಯಾನ್ಸರ್ ಗಳು ಚಳಿ ತಳಿಯಲಾರದೆ ಮೂರ್ಛೆ ಹೋಗಿದ್ದರು. ಹೀಗಿದ್ದರೂ, ಸುದೀಪ್ ಅವರು ಎರಡು ದಿನ ನದಿ ನೀರಿನಲ್ಲಿ ಬರಿಗಾಲಿನಲ್ಲಿ ನಿಂತಿದ್ದರು. ಕೆಳಗಡೆ ಕಲ್ಲುಗಳು ಬೇರೆ. ಇದ್ಯಾವುದನ್ನೂ ಮುಖ ಭಾವನೆಯಲ್ಲಿ ತೋರಿಸದೆ, ಚಿತ್ರೀಕರಣ ಮಾಡಿದ್ದಾರೆ ಸುದೀಪ್. ಶೂಟಿಂಗ್ ಮುಗಿದ ಮೇಲೆ ನೋಡಿದರೆ ಸುದೀಪ್ ಕಾಲಿನ ಚರ್ಮಕ್ಕೆ ಸಮಸ್ಯೆ ಆಗಿತ್ತು'' - ಸುನೀಲ್ ಕುಮಾರ್ ದೇಸಾಯಿ, ನಿರ್ದೇಶಕ.

ಶ್ರದ್ಧೆ, ನಿಷ್ಠೆ ಬಗ್ಗೆ ಹೆಮ್ಮೆ ಇದೆ.!

''ಸಿನಿಮಾ ಬಗ್ಗೆ ಸುದೀಪ್ ಗೆ ತುಂಬಾ ಪ್ಯಾಶನ್ ಇದೆ. ಈಗಲೂ ಕೆಲಸದ ಮೇಲೆ ಸುದೀಪ್ ಗೆ ಇರುವ ಶ್ರದ್ಧೆ, ನಿಷ್ಠೆ ಬಗ್ಗೆ ನನಗೆ ತುಂಬಾ ಹೆಮ್ಮೆ ಇದೆ. ಯಾವುದೇ ರಿಸ್ಕ್ ಇದ್ದರೂ, ಮಾಡಬೇಕೆಂಬ ಹಠ-ಛಲ ಸುದೀಪ್ ಗೆ ಇದೆ. ಅದಕ್ಕೆ ಈ 25 ವರ್ಷದಲ್ಲಿ ಈ ಮಟ್ಟಕ್ಕೆ ಬೆಳೆದಿದ್ದಾರೆ'' ಎಂದು ಹೃದಯ ತುಂಬಿ ಮಾತನಾಡಿದರು ನಿರ್ದೇಶಕ ಸುನೀಲ್ ಕುಮಾರ್ ದೇಸಾಯಿ.