ಇದು ಸ್ಟಾರ್ ನಟಿಯರ ವಯಸ್ಸಿನ ಲೆಕ್ಕಾಚಾರ: ರಶ್ಮಿಕಾ, ಅನುಷ್ಕಾ ವಯಸ್ಸು ಇಷ್ಟೊಂದಾ?

ಸಮಂತಾ, ತಮನ್ನಾ ವಯಸ್ಸು ಕೇಳಿದರೆ ಅಚ್ಚರಿ ಆಗುತ್ತೆ!

ಸದ್ಯ ಸೌತ್ ಚಿತ್ರರಂಗದಲ್ಲಿ ಬೇಡಿಕೆ ಇರುವ ನಟಿಯರಲ್ಲಿ ತಮನ್ನಾ ಮತ್ತು ಸಮಂತಾ ಕೂಡ ಇದ್ದಾರೆ. ನಟಿ ತಮನ್ನಾ ಅವರನ್ನು ಮಿಲ್ಕಿ ಬ್ಯೂಟಿ ಎಂದು ಕರೆಯುತ್ತಾರೆ. ತಮನ್ನಾ ಅವರ ಬಣ್ಣಕ್ಕೆ ಮನಸೋತ ಅಭಿಮಾನಿಗಳಿದ್ದಾರೆ. ತಮನ್ನಾ ವಯಸ್ಸು 32‌. ಅಂತೆಯೇ ನಟಿ ಸಮಂತಾ ಸದಾ‌ ಗ್ಲಾಮರ್ ಗೊಂಬೆಯಂತೆ ಮಿಂಚುತ್ತಾ ಇರುತ್ತಾರೆ. ಆದರೆ ಸಮಂತಾ ವಯಸ್ಸು ಮಾತ್ರ 34‌ ಅಂದರೆ ನಂಬಲೇಬೇಕು.‌ ಸಮಂತಾ ಜನಿಸಿದ್ದು 1987. ಆದರೂ ಈ ನಟಿಯರನ್ನು ತೆರೆ ಮೇಲೆ ನೋಡಿದವರು, ಇವರು 30ರ ಗಡಿ ದಾಟಿದ್ದಾರೆ ಅಂದರೆ ನಂಬುವುದು ಕೊಂಚ ಕಷ್ಟವೇ.

ರಶ್ಮಿಕಾ, ಸಾಯಿ ಪಲ್ಲವಿಗೆ 1 ವರ್ಷ ‌ವ್ಯತ್ಯಾಸ!

ನಟಿ ರಶ್ಮಿಕಾ ಮಂದಣ್ಣ ಸದ್ಯ ಒಂದೊಂದೇ ಸಿನಿಮಾರಂಗದಲ್ಲಿ ಗುರುತಿಸಿಕೊಂಡು ನೇಮು, ಫೇಮು ಪಡೆಯುತ್ತಿದ್ದಾರೆ. ರಶ್ಮಿಕಾ ಕಿರಿಯ ವಯಸ್ಸಿನಲ್ಲೇ ಸಿನಿಮಾ ಜರ್ನಿ ಶುರು ಮಾಡಿದ್ದಾರೆ. ಪ್ರಸ್ತುತ ರಶ್ಮಿಕಾಗೆ 25 ವರ್ಷ ವಯಸ್ಸು. ರಶ್ಮಿಕಾ ಸಮಕಾಲಿನ ಮತ್ತೊಬ್ಬ ಹೆಸರಾಂತ ನಟಿ ಅಂದರೆ ಅದು ಸಾಯಿ ಪಲ್ಲವಿ. ನಟಿ ಸಾಯಿ ಪಲ್ಲವಿಗೆ ಮತ್ತು ರಶ್ಮಿಕಾ ಮಂದಣ್ಣಗೆ ಒಂದು ವರ್ಷ ಮಾತ್ರ ವಯಸ್ಸಿನ ಅಂತರ. ನಟಿ ಸಾಯಿ ಪಲ್ಲವಿಗೆ 26 ವರ್ಷ ವಯಸ್ಸು.

ಒಂದೇ ತಕ್ಕಡಿಯಲ್ಲಿ ಕಾಜಲ್, ಶೃತಿ ಹಾಸನ್!

ನಟಿ ಶೃತಿ ಹಾಸನ್ ಕೂಡ ಬಣ್ಣದ ಲೋಕದಲ್ಲಿ ಗ್ಲಾಮರಸ್ ಗೊಂಬೆ ಆಗಿ ಮಿಂಚಿದಾಕೆ. ಕೊಂಚ ಗ್ಯಾಪ್ ಬಳಿಕ ವಾಪಸ್ ಆದ ಶೃತಿ ಹಾಸನ್ ಮತ್ತಷ್ಟು ಯಂಗ್ ಲುಕ್‌ನಲ್ಲಿ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದ್ರು. ಆದರೆ ಶೃತಿ ನಲವತ್ತರ ಆಸು ಪಾಸಿನಲ್ಲಿ ಇದ್ದಾರೆ. ಶೃತಿ ಹಾಸನ್ ವಯಸ್ಸು 36. ಇದೇ ಸಾಲಿನಲ್ಲಿ ಇರುವ ಮತ್ತೊಬ್ಬ ಸೌತ್ ನಟಿ ಎಂದರೆ ಕಾಜಲ್ ಆಗರ್ವಾಲ್. ಕಾಜಲ್ ಅಗರ್ವಾಲ್ ಅವರಿಗೂ ಕೂಡ ಈಗ 36 ವರ್ಷ ವಯಸ್ಸು‌.

40ರ ಗಡಿ ಮುಟ್ಟಿದ ನಟಿ ಅನುಷ್ಕಾ ಶೆಟ್ಟಿ!

ನಟಿ ಅನುಷ್ಕಾ ಶೆಟ್ಟಿ ಸಾಕಷ್ಟು ವರ್ಷಗಳಿಂದ ಸಿನಿಮಾರಂಗದಲ್ಲಿ ಸಕ್ರಿಯವಾಗಿ ಇದ್ದಾರೆ. ತೆಲುಗು ಚಿತ್ರರಂಗವನ್ನು ಆಳಿದ ನಟಿಯರಲ್ಲಿ ಅನುಷ್ಕಾ ಶೆಟ್ಟಿ ಕೂಡ ಒಬ್ಬರು ಎಂದರೆ ತಪ್ಪಾಗಲಾರದು. ಈಗಲೂ‌ ಗ್ಲ್ಯಾಮರಸ್ ಆಗಿ ಕಾಣಿಸಿಕೊಳ್ಳುವ ಅನುಷ್ಕಾ ಶೆಟ್ಟಿ ವಯಸ್ಸು 40 ವರ್ಷ. ಈ ನಟಿಯರಲ್ಲಿ ಸಮಂತಾ, ಕಾಜಲ್ ಮಾತ್ರವೇ ಮದುವೆ ಆಗಿದ್ದಾರೆ. ಹಾಗಾಗಿ ತಮನ್ನಾ ಮತ್ತು ಅನುಷ್ಕಾ ಶೆಟ್ಟಿ ಮದುವೆ ವಿಚಾರ ಸದಾ ಸುದ್ದಿಯಲ್ಲಿ ಇರುತ್ತದೆ.