ಆಮೀರ್ ಖಾನ್ ರಿಜೆಕ್ಟ್ ಮಾಡಿದ 'ಈ' ಸಿನಿಮಾಗಳು ಸೂಪರ್ ಆಗಿವೆ

'ಡರ್' ಸಿನಿಮಾ

1993ರಲ್ಲಿ ರಿಲೀಸ್ ಆದ 'ಡರ್' ಸಿನಿಮಾ ಭಾರತೀಯ ಚಿತ್ರರಂಗದ ಎವರ್ ಗ್ರೀನ್ ಸಿನಿಮಾಗಳಲ್ಲಿ ಒಂದು. ಯಶ್ ಚೋಪ್ರ ಬ್ಯಾನರ್ ನಲ್ಲಿ ಬಂದ ಒನ್ ಆಫ್ ದಿ ಬೆಸ್ಟ್ ಸಿನಿಮಾ. ಯಶ್ ಚೋಪ್ರ ಆಕ್ಷನ್ ಕಟ್ ಹೇಳಿರುವ ಸಿನಿಮಾ. ಶಾರುಖ್ ಖಾನ್, ಸನ್ನಿ ಡಿಯೋಲ್, ಜೂಹಿ ಜಾವ್ಲಾ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡ ಸಿನಿಮಾ. ರೋಮ್ಯಾಂಟಿಕ್ ಥ್ರಿಲ್ಲರ್ ಡರ್ ಶಾರುಖ್ ವೃತ್ತಿ ಜೀವನದ ಬಹುಮುಖ್ಯ ಸಿನಿಮಾ. ಈ ಸಿನಿಮಾದಿಂದ ಸಾಕಷ್ಟು ಪ್ರಶಸ್ತಿಗಳು ಶಾರುಖ್ ಪಾಲಾಗಿವೆ. ಆದರೆ ಈ ಸಿನಿಮಾಗೆ ಮೊದಲು ಆಫರ್ ಮಾಡಿದ್ದು ಆಮೀರ್ ಖಾನ್ ಗೆ. ಆಮೀರ್ ರಿಜೆಕ್ಟ್ ಮಾಡಿದ ನಂತರ ಶಾರುಖ್ ಈ ಸಿನಿಮಾ ಮಾಡಿ ಹಿಟ್ ಆದರು.

'ಸಾಜನ್' ಸಿನಿಮಾ

1991ರಲ್ಲಿ ರಿಲೀಸ್ ಆದ ಸಾಜನ್ ಸಿನಿಮಾದ ಸ್ಕ್ರಿಪ್ಟ್ ಕೂಡ ಮೊದಲು ಆಮೀರ್ ಬಳಿ ಹೋಗಿತ್ತಂತೆ. ಆದರೆ ಆಮೀರ್ ಈ ಸಿನಿಮಾವನ್ನು ರಿಜೆಕ್ಟ್ ಮಾಡಿದ್ದಾರೆ. ಬಾಲಿವುಡ್ ನ ಇಬ್ಬರು ಸ್ಟಾರ್ ನಟರಾದ ಸಲ್ಮಾನ್ ಖಾನ್ ಮತ್ತು ಸಂಜಯ್ ದತ್ ಮಿಂಚಿರುವ ಸಿನಿಮಾ. ಈ ಸಿನಿಮಾದ ಸಂಜಯ್ ದತ್ ಪಾತ್ರಕ್ಕೆ ಆಮೀರ್ ಅವರನ್ನು ಕೇಳಿದಾಗ ಪಾತ್ರ ಇಷ್ಟವಾಗದ ಕಾರಣ ತಿರಸ್ಕರಿಸಿದ್ದಾರೆ. ಆ ನಂತರ ಸಂಜಯ್ ದತ್ ಈ ಪಾತ್ರ ಮಾಡಿದ್ದಾರೆ. ಬಾಲಿವುಡ್ ನ ಸೂಪರ್ ಹಿಟ್ ಸಿನಿಮಾಗಳಲ್ಲಿ ಸಾಜನ್ ಕೂಡ ಒಂದು.

'ನಾಯಕ್: ದಿ ರಿಯಲ್ ಹೀರೋ'

ಎಸ್.ಶಂಕರ್ ನಿರ್ದೇಶನದಲ್ಲಿ ಮೂಡಿಬಂದ ಈ ಸಿನಿಮಾದಲ್ಲಿ ಅನಿಲ್ ಕಪೂರ್ ಮತ್ತು ಅಮ್ರಿಶ್ ಪುರಿ ಪ್ರಮುಕ ಪಾತ್ರದಲ್ಲಿ ಮಿಂಚಿದ್ದಾರೆ. ನಾಯಕ್ ಅನಿಲ್ ಕಪೂರ್ ಸಿನಿ ಜೀವನದ ಒನ್ ಆಫ್ ದಿ ಬೆಸ್ಟ್ ಸಿನಿಮಾ. ಬಾಕ್ಸ್ ಆಫೀಸ್ ನಲ್ಲಿಯೂ ಕೋಟಿ ಕೋಟಿ ಲೂಟಿ ಮಾಡಿದ್ದ ನಾಯಕ್ ಕಥೆ ಮೊದಲು ಆಮೀರ್ ಖಾನ್ ಬಳಿ ಹೋಗಿತ್ತಂತೆ. ಅನಿಲ್ ಕಪೂರ್ ಅಭಿನಯಿಸಿದ್ದ ಶಿವಾಜಿ ರಾವ್ ಪಾತ್ರ ಮಾಡುವಂತೆ ಆಮೀರ್ ಖಾನ್ ಕೇಳಿಕೊಂಡಿದ್ದರಂತೆ. ಆದರೆ ಆಮೀರ್ ಖಾನ್ ಈ ಪಾತ್ರ ಮಾಡಲು ತಿರಸ್ಕರಿಸಿದ್ದಾರೆ.

'ಭಜರಂಗಿ ಭಾಯಿಜಾನ್'

2015ರಲ್ಲಿ ರಿಲೀಸ್ ಆದ ಬ್ಲಾಕ್ ಬಸ್ಟರ್ ಸಿನಿಮಾ. ಸಲ್ಮಾನ್ ಖಾನ್ ಅಭಿನಯದ ಈ ಸಿನಿಮಾ ಸಾಕಷ್ಟು ಸಂಚಲನ ಸೃಷ್ಟಿ ಮಾಡಿತ್ತು. 2015ರಲ್ಲಿ ಅತೀ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾ ಕೂಡ ಇದಾಗಿದೆ. ಈ ಸಿನಿಮಾ ಕೂಡ ಮೊದಲು ಆಮೀರ್ ಖಾನ್ ಬಳಿ ಹೋಗಿತ್ತು. ಆದರ ಆಮೀರ್ ಖಾನ್ ಈ ಸಿನಿಮಾದಲ್ಲಿ ಒಂದಿಷ್ಟು ಬದಲಾವಣೆ ಮಾಡಲು ಸೂಚಿಸಿದ್ದರಂತೆ. ಆದರೆ ಬದಲಾವಣಿಗೆ ಒಪ್ಪದ ನಿರ್ದೇಶಕರಿಗೆ ಆಮೀರ್, ಸಲ್ಮಾನ್ ಹೆಸರನ್ನು ಹೇಳಿದ್ದರಂತೆ. ನಂತರ ಸಲ್ಮಾನ್ ಈ ಸಿನಿಮಾವನ್ನು ಮಾಡಿದ್ದಾರೆ. ಸಿನಿಮಾ ಯಾವ ರೀತಿ ಹಿಟ್ ಆಯಿತು ಎಂದು ಗೊತ್ತಿದೆ.