Don't Miss!
- News RCB: ಆರ್ಸಿಬಿ ಫ್ರಾಂಚೈಸ್ನಿಂದ ಬೆಂಗಳೂರಿನ ಮೂರು ಕೆರೆಗಳ ಪುನಶ್ಚೇತನ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Lifestyle ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
2020: ಈ ವರ್ಷದ ಟಾಪ್ 5 ಕನ್ನಡ ಹಾಡುಗಳು ಇವು
ವಿಶ್ವ ಸಿನಿಮಾದಿಂದ ಭಾರತೀಯ ಸಿನಿಮಾವನ್ನು ವಿಶೇಷವಾಗಿಸುವುದು ಇಲ್ಲಿನ ಸಿನಿಮಾಗಳಲ್ಲಿನ ಸಂಗೀತ, ಹಾಡುಗಳು, ಕುಣಿತ ಮತ್ತು ಭಿನ್ನ ಮಾದರಿಯ ಕತೆಗಳು.
ಅದರಲ್ಲಿಯೂ ಹಾಡುಗಳು ಭಾರತೀಯ ಸಿನಿಮಾದ ಪ್ರಮುಖ ಭಾಗವೇ ಆಗಿವೆ. ಹಾಡುಗಳಲ್ಲಿದ ಸಿನಿಮಾಗಳು ವಿರಳಾತಿ ವಿರಳ. ಕನ್ನಡದಲ್ಲಿಯೂ ಸಹ ಹಾಡುಗಳಿಲ್ಲದ ಸಿನಿಮಾಗಳನ್ನು ಊಹಿಸಿಕೊಳ್ಳುವುದು ಕಷ್ಟ. ಹಾಡುಗಳ ಹೊರತಾಗಿ ಸಿನಿಮಾ ಮಾಡುವ ಕೆಲವು ಪ್ರಯತ್ನಗಳು ಕನ್ನಡದಲ್ಲಿ ಸಹ ಆಗಿವೆ. ಆದರೆ ಅವು ಬೆರಳೆಣಿಕೆಯಷ್ಟು ಮಾತ್ರ.
2020 ವರ್ಷದಲ್ಲಿ ಈ ಸಿನಿಮಾಗಳ ಟಿಕೆಟ್ಗಳು ಅತಿ ಹೆಚ್ಚು ಸೇಲ್ ಆಗಿವೆ
ಈ ವರ್ಷ ಸಹ ಹಲವು ಕನ್ನಡ ಹಾಡುಗಳು ಪ್ರೇಕ್ಷಕನನ್ನು ಸೆಳೆದಿವೆ. ಹಾಡುಗಳನ್ನು ಪ್ರೇಕ್ಷಕನಿಗೆ ತಲುಪಿಸಲೆಂದೇ ಹಲವು ಆಪ್ಗಳು ಸಹ ಹುಟ್ಟಿಕೊಂಡಿವೆ. ಅದರಲ್ಲಿ ಪ್ರಮುಖವಾದುದು 'ಗಾನಾ'. ಈ ಆಪ್ನಲ್ಲಿ ಈ ವರ್ಷ ಅತಿ ಹೆಚ್ಚು ಕೇಳಲಾದ ಐದು ಕನ್ನಡ ಹಾಡುಗಳ ಪಟ್ಟಿ ಇಲ್ಲಿದೆ.
ಐದನೇ ಸ್ಥಾನದಲ್ಲಿ 'ದಿಯಾ' ಸಿನಿಮಾದ ಹಾಡು
ದಿಯಾ ಸಿನಿಮಾದ 'ಹಾಯಾದ ನನ್ನ ಪುಟ್ಟ ಲೋಕ' ಹಾಡಿಗೆ ಐದನೇ ಸ್ಥಾನ. ಈ ಹಾಡನ್ನು 59 ಲಕ್ಷಕ್ಕೂ ಹೆಚ್ಚು ಜನ ಕೇಳಿದ್ದಾರೆ ಗಾನಾ ಆಪ್ನಲ್ಲಿ. ಸಿನಿಮಾಕ್ಕೆ ಸಂಗೀತ ನೀಡಿರುವುದು ಅಜನೀಶ್ ಲೋಕನಾಥ್. ಹಾಡಿರುವವರು ಸಂಜಿತ್ ಹೆಗ್ಡೆ ಮತ್ತು ಚಿನ್ಮಯಿ. ಬರೆದವರು ಧನಂಜಯ್ ರಂಜನ್.
ನಾಲ್ಕನೇ ಸ್ಥಾನ ಮತ್ತೆ ಜಂಟಲ್ಮನ್ ಗೆ
ಪ್ರಜ್ವಲ್ ದೇವರಾಜ್ ನಟನೆಯ 'ಜಂಟಲ್ಮನ್' ಸಿನಿಮಾದ 'ಅರೆರೆ ಶುರುವಾಯಿತು ಹೇಗೆ' ಹಾಡಿಗೆ. ಸಿನಿಮಾದ ಸಂಗೀತ ನಿರ್ದೇಶಕ ಅಜನೀಶ್ ಲೋಕನಾಥ್. ಹಾಡಿರುವವರು ವಿಜಯ್ ಪ್ರಕಾಶ್, ಹಾಡಿನ ಲೇಖಕರು ಜಯಂತ್ ಕಾಯ್ಕಿಣಿ.
2021ರಲ್ಲಿ ಧೂಳೆಬ್ಬಿಸಲು ಸಿದ್ಧವಾಗಿದೆ ಬಹುನಿರೀಕ್ಷೆಯ ಚಿತ್ರಗಳು
ಮೂರನೇ ಸ್ಥಾನದಲ್ಲಿ 'ಲವ್ ಯೂ ಚಿನ್ನಾ'
ಸೂಪರ್ ಹಿಟ್ ಸಿನಿಮಾ 'ಲವ್ಮಾಕ್ಟೇಲ್' ನ 'ಲವ್ ಯೂ ಚಿನ್ನಾ' ಹಾಡಿಗೆ ಗಾನಾ ಆಪ್ನಲ್ಲಿ ಮೂರನೇ ಸ್ಥಾನ. ಹಾಡನ್ನು 69 ಲಕ್ಷಕ್ಕೂ ಹೆಚ್ಚು ಬಾರಿ ಕೇಳಲಾಗಿದೆ. ಹಾಡಿಗೆ ಸಂಗೀತ ನಿರ್ದೇಶನ ರಘು ದೀಕ್ಷಿತ್ ಅವರದ್ದು. ಹಾಡಿರುವವರು ನಕುಲ್ ಅಭ್ಯಂಕರ್ ಹಾಗೂ ಶ್ರುತಿ ವಿಎಸ್. ಬರೆದವರು ರಾಘವೇಂದ್ರ ವಿ ಕಾಮತ್. ಇದೇ ಹಾಡನ್ನು ಯೂಟ್ಯೂಬ್ನಲ್ಲಿ 23 ಕೋಟಿಗೂ ಹೆಚ್ಚು ಬಾರಿ ನೋಡಲಾಗಿದೆ.
ಎರಡನೇ ಸ್ಥಾನದಲ್ಲಿದೆ 'ಜಂಟಲ್ಮ್ಯಾನ್'
ಇದೇ ವರ್ಷಾರಂಭದಲ್ಲಿ ಬಿಡುಗಡೆಯಾದ ಪ್ರಜ್ವಲ್ ದೇವರಾಜ್ ನಟನೆಯ ಸಿನಿಮಾ 'ಜಂಟಲ್ಮ್ಯಾನ್' ನ 'ಮರಳಿ ಮನಸಾಗಿದೆ' ಹಾಡು ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ. ಮೆಲೋಡಿ ಹಾಡಾದ ಇದನ್ನು 96 ಲಕ್ಷಕ್ಕೂ ಹೆಚ್ಚು ಬಾರಿ ಕೇಳಲಾಗಿದೆ. ಈ ಸಿನಿಮಾಕ್ಕೆ ಸಂಗೀತ ನಿರ್ದೇಶಕ ಅಜನೀಶ್ ಲೋಕನಾಥ್. ಹಾಡಿನ ಸಾಹಿತ್ಯ ನಾಗಾರ್ಜುನ್ ಶರ್ಮಾ ಮತ್ತು ಕಿನ್ನಲ್ ರಾಜಾ. ಗಾಯಕರು ಸಂಜಿತ್ ಹೆಗ್ಡೆ ಮತ್ತು ಸಿಆರ್ ಬಾಬಿ.
2020: ಅತಿ ಹೆಚ್ಚು ಹಣ ಗಳಿಸಿದ ವಿಶ್ವದ 100 ಸೆಲೆಬ್ರಿಟಿಗಳಲ್ಲಿ ಒಬ್ಬ ಭಾರತೀಯ!
Recommended Video
'ಪೊಗರು' ಸಿನಿಮಾದ ಖರಾಬು
ಇನ್ನೂ ಬಿಡುಗಡೆ ಆಗಿರದ 'ಪೊಗರು' ಸಿನಿಮಾದ 'ಖರಾಬು ಬಾಸು ಖರಾಬು' ಹಾಡು ಈ ವರ್ಷ ಗಾನಾ ಆಪ್ನಲ್ಲಿ ಹೆಚ್ಚು ಕೇಳಲ್ಪಟ್ಟ ಕನ್ನಡ ಹಾಡು. ಈ ಹಾಡನ್ನು ಒಂದು ಕೋಟಿಗೂ ಹೆಚ್ಚು ಬಾರಿ ಗಾನಾ ಆಪ್ನಲ್ಲಿ ಕೇಳಲಾಗಿದೆ. ಸಿನಿಮಾಕ್ಕೆ ಸಂಗೀತ ನೀಡಿರುವುದು ಚಂದನ್ ಶೆಟ್ಟಿ, ಹಾಡಿನ ಲೇಖಕರು ಹಾಗೂ ಗಾಯಕರು ಸಹ ಅವರೇ. ಯೂಟ್ಯೂಬ್ನಲ್ಲಿ ಈ ಹಾಡನ್ನು 18 ಕೋಟಿ ಬಾರಿ ವೀಕ್ಷಿಸಲಾಗಿದೆ.