ಅಬ್ಬಬ್ಬಾ! ಬಾಲಿವುಡ್ ಸ್ಟಾರ್ಸ್ ಬಾಡಿಗಾರ್ಡ್ಸ್ ಸಂಬಳ ಕೋಟಿ ಕೋಟಿ, ಯಾರು ಹೆಚ್ಚು?

ದೀಪಿಕಾ ಬಾಡಿಗಾಡ್ ಸಂಬಳ 80 ಲಕ್ಷ

ಬಾಲಿವುಡ್ ನಂಬರ್ ಒನ್ ಹೀರೋಯಿನ್ ದೀಪಿಕಾ ಪಡುಕೋಣೆ. ದೀಪಿಕಾ ಜೊತೆಗೆ ಬಾಡಿಗಾಡ್ ಆಗಿ ಕೆಲಸ ಮಾಡುತ್ತಿರುವವರ ಹೆಸರು ಜಲಾಲ್. ಜಲಾಲ್ ವರ್ಷಕ್ಕೆ 80 ಲಕ್ಷ ರೂಪಾಯಿ ಪಡೆಯುತ್ತಾರೆ. ಅಂದರೆ, ಅವರ ತಿಂಗಳ ಸಂಬಳ 6 ಲಕ್ಷದ 66 ಸಾವಿರ ರೂಪಾಯಿ ಇದೆ. ಜಲಾಲ್ ರನ್ನು ದೀಪಿಕಾ ಸಹೋದರನ ರೀತಿ ನೋಡುತ್ತಾರೆ. ರಕ್ಷಾ ಬಂಧನದ ದಿನ ಅವರಿಗೆ ರಾಕಿ ಕಟ್ಟಿದ್ದರು.

ಯುವರಾಜ್ ಗೆ ಅಮೀರ್ ನೀಡುವ ಸಂಬಳ 2 ಕೋಟಿ

ಬಾಲಿವುಡ್ ಬಾಕ್ಸ್ ಆಫೀಸ್ ಸುಲ್ತಾನ ಅಮೀರ್ ಖಾನ್ ಯುವರಾಜ್ ಎಂಬ ಬಾಡಿಗಾಡ್ ರನ್ನು ನೇಮಕ ಮಾಡಿಕೊಂಡಿದ್ದಾರೆ. ಯುವರಾಜ್ ತಿಂಗಳಿಗೆ 16 ಲಕ್ಷ ಸಂಬಳವಾಗಿ ಪಡೆಯುತ್ತಾರೆ. ಅಂದರೆ, ವರ್ಷಕ್ಕೆ ಬರೋಬ್ಬರಿ 2 ಕೋಟಿ ಹಣ ನೀಡುತ್ತಾರೆ. ಈ ಹಿಂದೆ ರೋನಿತ್ ರಾಯ್ ಎನ್ನುವವರು ಅಮೀರ್ ಜೊತೆಗೆ ಬಾಡಿಗಾಡ್ ಆಗಿ ಕೆಲಸ ಮಾಡುತ್ತಿದ್ದರು. ಆದರೆ, ಬಳಿಕ ಅವರು ಸೀರಿಯಲ್ ಹಾಗೂ ಸಿನಿಮಾಗಳಲ್ಲಿ ನಟಿಸಿದರು.

ಸಲ್ಮಾನ್ ಶೇರಾ ಸಂಬಳ 2 ಕೋಟಿ

ಬಿಗ್ ಬಾಸ್ ಸಲ್ಮಾನ್ ಖಾನ್ ಬಾಡಿಗಾಡ್ ಹೆಸರು ಶೇರಾ. ಶೇರಾಗೆ ವರ್ಷಕ್ಕೆ ಸಲ್ಮಾನ್ 2 ಕೋಟಿ ಸಂಬಳ ಫಿಕ್ಸ್ ಮಾಡಿದ್ದಾರೆ. ಸಲ್ಮಾನ್ ಜೊತೆಗೆ ನೆರಳಿನಂತೆ ಶೇರಾ ಇರುತ್ತಾರೆ. ಟೈಮ್ ನೋಡದೆ ಕೆಲಸ ಮಾಡುತ್ತಾರೆ. ತುಂಬ ವರ್ಷಗಳಿಂದ ಸಲ್ಮಾನ್ ಖಾನ್ ರೊಂದಿಗೆ ಶೇರಾ ಇದ್ದು, ಅವರ ಕುಟುಂಬ ಸದಸ್ಯರಾಗಿ ಬಿಟ್ಟಿದ್ದಾರೆ.

ಶಾರೂಖ್ ಬಾಡಿಗಾಡ್ ಸ್ಯಾಲರಿ 2.5 ಕೋಟಿ

ರವಿ ಸಿಂಗ್ ಎನ್ನುವವರು ಬಾದ್ ಶಾ ಶಾರೂಖ್ ಖಾನ್ ಬಾಡಿಗಾಡ್. ಶಾರೂಖ್ ಖಾನ್ ರಿಗೆ ಹುಡುಗಿಯರ ಕಾಟ ಜಾಸ್ತಿ. ರವಿ ಸಿಂಗ್ ಇದೆಲ್ಲ ಸಮಸ್ಯೆಯನ್ನು ನಿವಾರಿಸುತ್ತಾರೆ. ಎಷ್ಟೇ ಜನ ಸಾಗರ ಇದ್ದರೂ, ಶಾರೂಖ್ ಖಾನ್ ಗೆ ರಕ್ಷಣೆ ನೀಡುತ್ತಾರೆ. ಈ ಕೆಲಸಕ್ಕೆ ವರ್ಷಕ್ಕೆ ರವಿ ಸಿಂಗ್ 2.5 ಕೋಟಿಯನ್ನು ಪಡೆಯುತ್ತಾರೆ. ಇದು ಬಾಲಿವುಡ್ ಸ್ಟಾರ್ ಬಾಡಿಗಾಡ್ ಗಳ ಪೈಕಿ ಅತಿ ಹೆಚ್ಚು ಸಂಬಳ.

ಅಕ್ಷಯ್ ಕುಮಾರ್ ಬಾಡಿಗಾಡ್ ಸಂಬಳ 1.2 ಕೋಟಿ

ಅಕ್ಷಯ್ ಕುಮಾರ್ ಜೊತೆಗೆ ಬಾಡಿಗಾಡ್ ಆಗಿ ಕೆಲಸ ಮಾಡುತ್ತಿರುವವರು ಶ್ರೇಯ್ಸೆ ತೆಲೆ. ಶ್ರೇಯ್ಸೆ ಒನ್ ಮ್ಯಾನ್ ಆರ್ಮಿ ಇದ್ದ ಹಾಗೆ. ಅವರ ಹಾರ್ಡ್ ವರ್ಕ್ ಅಕ್ಷಯ್ ಕುಮಾರ್ ಗೆ ಬಹಳ ಇಷ್ಟ. ಶ್ರೇಯ್ಸೆ 1.2 ಕೋಟಿ ಹಣವನ್ನು ವರ್ಷಕ್ಕೆ ಪಡೆಯುತ್ತಾರೆ. ಅಗತ್ಯ ಇದ್ದರೆ ಡ್ರೈವರ್ ಆಗಿಯೂ ಕೆಲಸ ಮಾಡುತ್ತಾರೆ.

ಅಮಿತಾಭ್ ಬಚ್ಚನ್ ಬಾಡಿಗಾಡ್ ಸಂಬಳ 1.5 ಕೋಟಿ

ಬಿಗ್ ಬಿ ಬಾಡಿಗಾಡ್ ಹೆಸರು ಜಿತೇಂದ್ರ ಸಿಂಧೆ. ಒಂದು ವರ್ಷಕ್ಕೆ ಬಚ್ಚನ್ 1.5 ಕೋಟಿಯನ್ನು ಜಿತೇಂದ್ರಗೆ ನೀಡುತ್ತಾರೆ. ಮನೆ ಸಂಸಾರ ಬಿಟ್ಟು ಯಾವಾಗಲೂ ಬಚ್ಚನ್ ರಕ್ಷಣೆಗೆ ಜಿತೇಂದ್ರ ನಿಲ್ಲುತ್ತಾರೆ. ತುಂಬ ವರ್ಷದಿಂದ ಇವರ ಜೊತೆಗೆ ಕೆಲಸ ಮಾಡುತ್ತಿದ್ದಾರೆ. ಅಂದಹಾಗೆ, ದೊಡ್ಡ ದೊಡ್ಡ ಕಂಪನಿಯಲ್ಲಿ ಸಿಗುವ ಸಂಬಳಕ್ಕಿಂತ ಹೆಚ್ಚು ಸಂಬಳವನ್ನು ಬಾಲಿವುಡ್ ಸ್ಟಾರ್ ಬಾಡಿಗಾಡ್ ಗಳು ಪಡೆಯುತ್ತಾರೆ.