'ಟ್ವಿಟ್ಟರ್'ನಲ್ಲಿ ಅತಿ ಹೆಚ್ಚು ಬಳಕೆಯಾಗಿರುವ 'ಹ್ಯಾಷ್ ಟ್ಯಾಗ್' ಈ ಸಿನಿಮಾದ್ದು!

ವಿಜಯ್ ಸಿನಿಮಾ 'ಬಿಗಿಲ್'

ಈ ವರ್ಷದಲ್ಲಿ ಬಹುದೊಡ್ಡ ಯಶಸ್ಸು ಕಂಡಿರುವ ಬಿಗಿಲ್ ಸಿನಿಮಾದ ಹ್ಯಾಷ್ ಟ್ಯಾಗ್, ಟಾಪ್ ಹತ್ತರ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿದೆ. #bigil ಹ್ಯಾಷ್ ಟ್ಯಾಗ್ ಆರನೇ ಸ್ಥಾನದಲ್ಲಿದ್ದು, ಭಾರತೀಯ ಚಿತ್ರಗಳ ಪೈಕಿ ಟಾಪ್ ಹತ್ತರ ಬಳಗದಲ್ಲಿರುವುದು ಇದೊಂದೆ.

ಕಲೆಕ್ಷನ್ ನಲ್ಲಿ ದಾಖಲೆ

ದೀಪಾವಳಿ ಹಬ್ಬದ ಪ್ರಯುಕ್ತ ತೆರೆಕಂಡ ಈ ಚಿತ್ರದಲ್ಲಿ ವಿಜಯ್ ದ್ವಿಪಾತ್ರದಲ್ಲಿ ನಟಿಸಿದ್ದರು. ನಯನತಾರ ನಾಯಕಿಯಾಗಿ ಕಾಣಿಸಿಕೊಂಡಿದ್ದು, ಅಟ್ಲಿ ನಿರ್ದೇಶನ ಮಾಡಿದ್ದರು. ಭಾರತೀಯ ಬಾಕ್ಸ್ ಆಫೀಸ್ ನಲ್ಲಿ ಭರ್ಜರಿ ಬಿಸಿನೆಸ್ ಮಾಡಿರುವ ಈ ಸಿನಿಮಾ ಸುಮಾರು 300 ಕೋಟಿ ಗಳಿಕೆ ಕಂಡಿದೆ ಎನ್ನಲಾಗಿದೆ.

ಅವೆಂಜರ್ ಎಂಡ್ ಗೇಮ್

ಬಿಗಿಲ್ ಸಿನಿಮಾ ಬಿಟ್ಟರೆ ಭಾರತದ ಬೇರೆ ಯಾವ ಚಿತ್ರದ ಹ್ಯಾಷ್ ಟ್ಯಾಗ್ ಟಾಪ್ 10ರ ಪಟ್ಟಿಯಲ್ಲಿಲ್ಲ. ಆದರೆ, ಹತ್ತನೇ ಸ್ಥಾನದಲ್ಲಿ #avengersendgame ಹ್ಯಾಷ್ ಟ್ಯಾಗ್ ಸ್ಥಾನ ಪಡೆದುಕೊಂಡಿದೆ. ಏಪ್ರಿಲ್ 26 ರಂದು ಅವೆಂಜರ್ ಎಂಡ್ ಗೇಮ್ ಸಿನಿಮಾ ತೆರೆಕಂಡಿತ್ತು.

ಅತಿ ಹೆಚ್ಚು ಬಳಕೆಯಾದ ಹ್ಯಾಷ್ ಟ್ಯಾಗ್ ಯಾವುದು?

ಟಾಪ್ ಹತ್ತರಲ್ಲಿ ಯಾವ ಹ್ಯಾಷ್ ಟ್ಯಾಗ್ ಇದೆ ಎಂದು ನೋಡುವುದಾರೇ, #loksabhaelection2019 ಹ್ಯಾಷ್ ಟ್ಯಾಗ್ ಮೊದಲ ಸ್ಥಾನದಲ್ಲಿದೆ. #chandrayaan2, #cwc19, #pulwama, #article370, #bigil, #diwali, #avengersendgame #ayodhyaverdict, #eidmubarak ಹ್ಯಾಷ್ ಟ್ಯಾಗ್ ಗಳು ಟಾಪ್ ಹತ್ತರ ಪಟ್ಟಿಯಲ್ಲಿ ಕ್ರಮವಾಗಿ ಸ್ಥಾನ ಪಡೆದುಕೊಂಡಿದೆ.