Don't Miss!
- Lifestyle ನೀವು ಸಹ ಈ ಶರ್ಬತ್ನ ರುಚಿ ಸವಿದಿದ್ದೀರಾ..? ಮರೆಯಾಯ್ತು ಈ ಹಳೆಯ ನೆನಪು
- Automobiles ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- News Annamalai: ಒಂದು ಲಕ್ಷ ಮತದಾರರ ಹೆಸರು ಪಟ್ಟಿಯಿಂದ ಕಾಣೆಯಾಗಿದೆ: ಅಣ್ಣಾಮಲೈ ಆರೋಪ
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಯಶ್, ಸುದೀಪ್, ಆಮಿರ್,ಎನ್ಟಿಆರ್ ಪ್ರಾಬ್ಲಮ್ ಏನು? ಹಿಂಗೆ ಆದ್ರೆ ಮುಂದೇನು?
ಸೂಪರ್ ಸ್ಟಾರ್ಸ್ ವರ್ಷಕ್ಕೆ ಒಂದಾದರೂ ಸಿನಿಮಾ ಮಾಡ್ಬೇಕು. ಆದರೆ ಅದ್ಯಾಕೋ ಬರ್ತಾ ಬರ್ತಾ ಸ್ಟಾರ್ ನಟರು ಸಿನಿಮಾಗಳನ್ನು ಶುರು ಮಾಡೋಕೆ ಮೀನಾಮೇಷ ಎಣಿಸುತ್ತಿದ್ದಾರೆ. ಒಂದು ಹಿಟ್ ಕೊಟ್ಟರೂ ಮುಂದಿನ ಸಿನಿಮಾ ಏನ್ ಮಾಡೋದು ಅನ್ನುವ ಯೋಚನೆ, ಒಂದು ಫ್ಲಾಪ್ ಕೊಟ್ಟರೂ ವಾಟ್ ನೆಕ್ಸ್ಟ್ ಎನ್ನುವ ಗೊಂದಲ.
ಕಿಚ್ಚ ಸುದೀಪ್, ರಾಕಿಂಗ್ ಸ್ಟಾರ್ ಯಶ್, ಮಿಸ್ಟರ್ ಪರ್ಫೆಕ್ಷನಿಸ್ಟ್ ಆಮೀರ್ ಖಾನ್ ಹಾಗೂ ಜ್ಯೂ. ಎನ್ಟಿಆರ್ ಮತ್ತೆ ಥಿಯೇಟರ್ಗೆ ಬರೋಕೆ ಒಂದು ವರ್ಷ ಬೇಕಾಗಬಹುದು. ಯಾಕಂದರೆ ಸದ್ಯಕ್ಕೆ ಯಾರೊಬ್ಬರು ಹೊಸ ಸಿನಿಮಾದಲ್ಲಿ ನಟಿಸ್ತಿಲ್ಲ. ಇನ್ನು ಸಿನಿಮಾ ಶುರುವಾಗೋದು ಯಾವಾಗ? ಶೂಟಿಂಗ್, ಪೋಸ್ಟ್ ಪ್ರೊಡಕ್ಷನ್ ಮುಗಿಯೋದು ಯಾವಾಗ? ಸಿನಿಮಾ ತೆರೆಗಪ್ಪಳಿಸೋದು ಯಾವ ಕಾಲಕ್ಕೆ? ಎಂದು ಅಭಿಮಾನಿಗಳು ತಲೆ ಕೆಡಿಸಿಕೊಂಡಿದ್ದಾರೆ. ಸೂಪರ್ ಸ್ಟಾರ್ಗಳ ಹೊಸ ಸಿನಿಮಾ ಅಪ್ಡೇಟ್ ಸಿಗದೇ ಕಾದು ಕಾದು ಸುಸ್ತಾಗಿದ್ದಾರೆ. ಇನ್ನು ಎಷ್ಟು ದಿನ ಕಾಯೋದು ಎಂದು ಬೇಸರಗೊಂಡಿದ್ದಾರೆ.
1200 ಚಿತ್ರಗಳಲ್ಲಿ ನಟಿಸಿರುವ ಬ್ರಹ್ಮಿ ಬಳಿ ಎಷ್ಟು ಕೋಟಿ ಆಸ್ತಿ ಇದೆ? ಸಂಭಾವನೆ ಎಷ್ಟು?
ನೆಚ್ಚಿನ ನಟನ ಸಿನಿಮಾ ನೋಡೊಕೆ ಅಭಿಮಾನಿಗಳು ತುದಿಗಾಲಲ್ಲಿ ನಿಂತಿರುತ್ತಾರೆ. ಸಾಮಾನ್ಯವಾಗಿ ಸ್ಟಾರ್ ನಟರು ಒಂದು ಸಿನಿಮಾ ರಿಲೀಸ್ಗೂ ಮೊದಲು ಮತ್ತೊಂದು ಸಿನಿಮಾ ಶುರು ಮಾಡಿರುತ್ತಾರೆ. ಆದರೆ ಈ ಬಾರಿ ಯಾಕೋ ಯಶ್, ಸುದೀಪ್, ತಾರಕ್, ಆಮೀರ್ ತಡ ಮಾಡುತ್ತಿದ್ದಾರೆ.
ಯಶ್19 ಅಪ್ಡೇಟ್ ಯಾವಾಗ?
KGF- 2 ಸಿನಿಮಾ ಬಂದೋಗಿ 9 ತಿಂಗಳಾಗಿದೆ. ಆದರೆ ಯಶ್ ನಟನೆಯ ಮುಂದಿನ ಸಿನಿಮಾ ಯಾವುದು ಎನ್ನುವ ಪ್ರಶ್ನೆಗೆ ಉತ್ತರ ಮಾತ್ರ ಸಿಕ್ಕಿಲ್ಲ. ಜನವರಿ 8ಕ್ಕೆ ಹುಟ್ಟುಹಬ್ಬದ ದಿನ ಯಶ್19 ಅಪ್ಡೇಟ್ ಸಿಗುತ್ತೆ ಎಂದು ಕಾದವರಿಗೂ ನಿರಾಸೆ ಎದುರಾಗಿತ್ತು. ಕೆವಿಎನ್ ಪ್ರೊಡಕ್ಷನ್ನಲ್ಲಿ ನರ್ತನ್ ನಿರ್ದೇಶನದಲ್ಲಿ ಯಶ್ ಸಿನಿಮಾ ಮಾಡ್ತಾರೆ ಎನ್ನಲಾಗಿತ್ತಾದರೂ ಯಾವುದು ಸತ್ಯವಾಗಿಲ್ಲ. ಬಹಳ ದೊಡ್ಡದಾಗಿ ಪ್ಲ್ಯಾನ್ ಮಾಡುತ್ತಿರುವುದಾಗಿ ಯಶ್ ಹೇಳುತ್ತಾ ಬರ್ತಿದ್ದಾರೆ. ಆದರೆ ಅದು ಏನು? ಯಾವಾಗ ಶುರುವಾಗುತ್ತದೆ ಎನ್ನುವುದರ ಬಗ್ಗೆ ಸುಳಿವು ಇಲ್ಲ.
ವಯಸ್ಸಾದ್ರೂ ಬಾಕ್ಸಾಫೀಸ್ನಲ್ಲಿ ಸ್ಟಾಮಿನಾ ಕಮ್ಮಿ ಆಗ್ಲಿಲ್ಲ: ಜ್ಯೂನಿಯರ್ ಸ್ಟಾರ್ಗಳಿಗೆ ಸೀನಿಯರ್ಸ್ ಸವಾಲ್!
ಕಿಚ್ಚನ ಮುಂದಿನ ಸಿನ್ಮಾ ಯಾವ್ದು?
ಬರೀ ಯಶ್ ಮಾತ್ರವಲ್ಲ 'ವಿಕ್ರಾಂತ್ ರೋಣ' ನಂತರ ಸುದೀಪ್ ಕೂಡ ಸೈಲೆಂಟ್ ಆಗಿಬಿಟ್ಟಿದ್ದಾರೆ. ಒಂದಷ್ಟು ಕಥೆಗಳನ್ನು ಕೇಳುತ್ತಿದ್ದಾರೆ. ಆದರೆ ಯಾವುದು ಕೂಡ ಫೈನಲ್ ಆಗಿಲ್ಲ. ತಮಿಳು ನಿರ್ದೇಶಕ ವೆಂಕಟ್ ಪ್ರಭು, ನಂದ ಕಿಶೋರ್, ಅನೂಪ್ ಭಂಡಾರಿ ಕಿಚ್ಚನಿಗಾಗಿ ಕಥೆಗಳನ್ನು ಹೆಣೆಯುತ್ತಿದ್ದಾರೆ. ಆದರೆ ಯಾವುದು ಫಸ್ಟ್? ಯಾವುದು ನೆಕ್ಸ್ಟ್? ಎನ್ನುವುದು ಗೊತ್ತಿಲ್ಲ. ಇನ್ನು ಸಿನಿಮಾ ಶುರುವಾಗುವುದು ಯಾವಾಗ? ಎನ್ನುವುದು ಅಭಿಮಾನಿಗಳ ಗೋಳಾಗಿದೆ.
NTR30 ಚಿತ್ರಕ್ಕೂ ವಿಘ್ನ!
ಕಳೆದ ವರ್ಷ ಮಾರ್ಚ್ನಲ್ಲಿ 'RRR' ಸಿನಿಮಾ ರಿಲೀಸ್ ಆಗಿ ಸೂಪರ್ ಹಿಟ್ ಆಗಿತ್ತು. ಚಿತ್ರದಲ್ಲಿ ಕೋಮುರಂ ಭೀಮ್ ಆಗಿ ತಾರಕ್ ಅಬ್ಬರಿಸಿದ್ದರು. ಸಿನಿಮಾ 1000 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿ ದಾಖಲೆ ಬರೀತು. ಚಿತ್ರದ ಹಾಡೊಂದು ಆಸ್ಕರ್ಗು ನಾಮಿನೇಟ್ ಆಗಿದೆ. ಆದರೆ 'RRR' ಸಿನಿಮಾ ತೆರೆಕಂಡು ವರ್ಷವಾದರೂ ಎನ್ಟಿಆರ್ ಹೊಸ ಸಿನಿಮಾ ಶುರುವಾಗಿಲ್ಲ. ಕೊರಟಾಲ ಶಿವ ನಿರ್ದೇಶನದಲ್ಲಿ ತಾರಕ್ ಮುಂದಿನ ಸಿನಿಮಾ ಫಿಕ್ಸ್ ಆಗಿದೆ. ಆದರೆ ಸಿನಿಮಾ ಇನ್ನು ಸೆಟ್ಟೇರಿಲ್ಲ. 'ಆಚಾರ್ಯ' ಸೋಲಿನ ನಂತರ ಕೊರಟಾಲ ಮುಂದಿನ ಚಿತ್ರ ಆರಂಭಿಸಲು ಮೀನಾಮೇಷ ಎಣಿಸುತ್ತಿದ್ದಾರೆ. ಇನ್ನು NTR30 ತಡವಾಗುತ್ತಿರುವುದರಿಂದ ಪ್ರಶಾಂತ್ ನೀಲ್ ನಿರ್ದೇಶನದ ಸಿನಿಮಾ ಮತ್ತಷ್ಟು ತಡವಾಗುವ ಆತಂಕ ಅಭಿಮಾನಿಗಳನ್ನು ಕಾಡುತ್ತಿದೆ.
ಆಮೀರ್ ಎದ್ದು ಬರೋದು ಯಾವಾಗ?
ಯಶ್, ಸುದೀಪ್, ಜ್ಯೂ. ಎನ್ಟಿಆರ್ ಹಿಟ್ ಸಿನಿಮಾ ಕೊಟ್ಟು ಹೊಸ ಸಿನಿಮಾ ಶುರು ಮಾಡಲು ತಡ ಮಾಡುತ್ತಿದ್ದರೆ ಆಮೀರ್ ಖಾನ್ ಮಾತ್ರ ಫ್ಲಾಪ್ ಕೊಟ್ಟು ಕಂಗಾಲಾಗಿದ್ದಾರೆ. ಒಂದ್ಕಾಲದಲ್ಲಿ ಮಿ. ಪರ್ಫೆಕ್ಷನಿಸ್ಟ್ ಸಿನಿಮಾ ಅಂದರೆ ಬಾಲಿವುಡ್ ಮಂದಿ ಚಾತಕ ಪಕ್ಷಿಗಳಂತೆ ಕಾಯುತ್ತಿದ್ದರು. ಆದರೆ ಇತ್ತೀಚಿಗೆ ಆ ಕ್ರೇಜ್ ಕಮ್ಮಿ ಆಗಿದೆ. ಸತತ ಸೋಲುಗಳಿಂದ ಆಮೀರ್ ಸೈಲೆಂಟ್ ಆಗಿದ್ದಾರೆ. ಭಾರೀ ನಿರೀಕ್ಷೆ ಇಟ್ಟುಕೊಂಡಿದ್ದ 'ಲಾಲ್ ಸಿಂಗ್ ಚಡ್ಡಾ' ಕೈ ಹಿಡಿಯಲಿಲ್ಲ. ಮಿ. ಪರ್ಫೆಕ್ಷನಿಸ್ಟ್ ಈಗ ಸಲ್ಮಾನ್ ಖಾನ್ ಜೊತೆ ಸೇರಿ ಒಂದು ಹಾಲಿವುಡ್ ಚಿತ್ರವನ್ನು ರೀಮೆಕ್ ಮಾಡುವ ಲೆಕ್ಕಾಚಾರದಲ್ಲಿದ್ದಾರೆ. ಆದರೆ ರೀಮೆಕ್ ಮಾಡಿ ಸೋತು ಮತ್ತೆ ರೀಮೆಕ್ ಮಾಡೋದಾ? ಇನ್ನುವ ಗೊಂದಲದಲ್ಲಿದ್ದಾರೆ.