twitter
    For Quick Alerts
    ALLOW NOTIFICATIONS  
    For Daily Alerts

    ಅಪರಾಧಿ ನಾನಲ್ಲ ಎಂದ ಮಾರಿಯಾ ಸುಸೈರಾಜ್

    By Prasad
    |

    God knows I am innocent : Maria Susairaj
    ಪ್ರಿಯತಮ ನೀರಜ್ ಗ್ರೋವರ್ ಕೊಲೆಯಲ್ಲಿ ಭಾಗಿಯಾದ ಆರೋಪ ಹೊತ್ತು ಮೂರು ವರ್ಷ ಜೈಲುವಾಸ ಅನುಭವಿಸಿ ಇಂದು ಹೊರಬಂದಿರುವ ಮೈಸೂರಿನ ಕನ್ನಡತಿ, ಚಿತ್ರನಟಿ ಮಾರಿಯಾ ಮೋನಿಕಾ ಸುಸೈರಾಜ್ ಶನಿವಾರ ಮುಂಬೈನಲ್ಲಿ ನಡೆಸಿದ ಪತ್ರಿಕಾಗೋಷ್ಠಿಯಲ್ಲಿ 'ತಾನು ನಿರಪರಾಧಿ' ಎಂದು ಸಾರಿದ್ದಾರೆ.

    "ನಾನು ತಪ್ಪು ಮಾಡಿಲ್ಲ ಎಂದು ನನಗೆ ಗೊತ್ತು, ನನ್ನ ದೇವರಿಗೂ ಗೊತ್ತು" ಎಂದು ಕಿಕ್ಕಿರಿದು ತುಂಬಿದ್ದ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದ ಮಾರಿಯಾ, ತಪ್ಪಿತಸ್ಥೆ ಎಂದು ತೀರ್ಪಿತ್ತ ನ್ಯಾಯಾಲಯದ ಆಜ್ಞೆಯ ವಿರುದ್ಧ ಮೇಲ್ಮನವಿ ಸಲ್ಲಿಸುವುದಾಗಿ ಹೇಳಿದರು. "ನಾನು ಜೈಲಿನಿಂದ ಹೊರಬರಲು ನನ್ನ ದೇವರೇ ಕಾರಣ" ಎಂದು ಭಾವುಕರಾಗಿ ನುಡಿದರು.

    ವಕೀಲರಾದ ಶರೀಫ್ ಶೇಖ್ ಅವರೊಂದಿಗೆ ಬಂದಿದ್ದ ಮಾರಿಯಾ ಆರಂಭದಲ್ಲಿ ಮಾತನಾಡುವುದಿಲ್ಲ ಎಂದಿದ್ದರೂ ನಂತರ ತಮ್ಮ ಮನದಾಳದ ಮಾತುಗಳನ್ನು ಹರಿಯಬಿಟ್ಟರು. ತಪ್ಪಿತಸ್ಥೆ ಎಂದು ತೀರ್ಪು ಬಂದಿರುವುದು ತನ್ನ ವ್ಯಕ್ತಿತ್ವಕ್ಕೆ ಅಂಟಿದ ಕಳಂಕ ಎಂದು ನುಡಿದರು. ಗ್ರೋವರ್ ಕುಟುಂಬಕ್ಕೆ ತಮ್ಮ ಸಹಾನುಭೂತಿಯನ್ನು ವ್ಯಕ್ತಪಡಿಸಿದರು. ಆದರೆ, ಕೊಲೆ ಪ್ರಕರಣ ಮತ್ತು ನೀರಜ್ ಬಗ್ಗೆ ಪ್ರತಿಕ್ರಿಯಿಸಲು ನಿರಾಕರಿಸಿದರು.

    ಪ್ರಕರಣದ ವಿವರ ಬಿಚ್ಚಿಟ್ಟ ವಕೀಲ ಶರೀಫ್, ಗ್ರೋವರನ್ನು 300 ತುಂಡನ್ನಾಗಿ ಮಾಡಿದ್ದು ಬರೀ ಕಟ್ಟುಕಥೆ ಎಂದು ಹೇಳಿ ಕೆಲ ಛಾಯಾಚಿತ್ರಗಳನ್ನು ಪತ್ರಕರ್ತರಿಗೆ ತೋರಿಸಿದರು. ಇದನ್ನು ಕೇಳುತ್ತಿದ್ದಂತೆ ಪತ್ರಿಕಾಗೋಷ್ಠಿಗೆ ಆಗಮಿಸಿದ್ದ ಗ್ರೋವರ್ ಸ್ನೇಹಿತರು ಮತ್ತು ಬಂಧುಗಳು ಮಾರಿಯಾ ವಿರುದ್ಧ ಘೋಷಣೆಗಳನ್ನು ಕೂಗಲು ಆರಂಭಿಸಿದರು.

    ಇದರಿಂದ ಕೆಲಕಾಲ ಪ್ರಕ್ಷುಬ್ಧ ವಾತಾವರಣ ಸೃಷ್ಟಿಯಾಗಿತ್ತು. ಮಾರಿಯಾ ಪಾತಕಿ ಎಂಬಿತ್ಯಾದಿ ಭಿತ್ತಿಚಿತ್ರಗಳನ್ನು ಹಿಡಿದುಬಂದಿದ್ದ ಗ್ರೋವರ್ ಸ್ನೇಹಿತರು ಮಾರಿಯಾರನ್ನು ವಾಚಾಮಗೋಚರವಾಗಿ ತೆಗಳಲು ಪ್ರಾರಂಭಿಸಿದರು. ಪರಿಸ್ಥಿತಿ ವಿಪರೀತಕ್ಕೆ ಹೋಗುತ್ತಿದ್ದುದನ್ನು ಗಮನಿಸಿದ ಪೊಲೀಸರು ಕೆಲವರನ್ನು ಬಂಧಿಸಿದರು.

    English summary
    Kannada actress Maria Monica Susairaj from Mysore, has announced that she is innocent and god knows it, in a packed press conference in Mumbai after her release from jail on July 2. She is accused of involving in murder of Neeraj Grover, a TV executive.
    Saturday, July 2, 2011, 23:07
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X