ನಟ ದಶಾವರ ಚಂದ್ರು ವಿರುದ್ಧ ಅರೆಸ್ಟ್ ವಾರಂಟ್

ಪುನೀತ್ ರಾಜ್‌ಕುಮಾರ್ ಮುಖ್ಯಭೂಮಿಕೆಯಲ್ಲಿದ್ದ 'ರಾಜ್ ದಿ ಶೋಮ್ಯಾನ್' ಚಿತ್ರದ ವಿದೇಶಿ ಬಿಡುಗಡೆಗೆ ಸಂಬಂಧಿಸಿದಂತೆ ಕಿರಣ್‍‌ ಅವರಿಗೆ ಚಂದ್ರು ಪ್ರಾಣಬೆದರಿಕೆ ಒಡ್ಡಿದ್ದಾರೆ ಎನ್ನಲಾಗಿದೆ. 'ರಾಜ್' ಚಿತ್ರದ ವಿದೇಶಿ ವಿತರಣೆ ಹಕ್ಕುಗಳನ್ನು ಡಾ.ಕಿರಣ್ ಪಡೆದಿದ್ದರು. ಒಪ್ಪಂದದ ಪ್ರಕಾರ 'ರಾಜ್' ಚಿತ್ರವನ್ನು ಏಕಕಾಲಕ್ಕೆ ವಿದೇಶದಲ್ಲೂ ಬಿಡುಗಡೆ ಮಾಡಬೇಕಾಗಿತ್ತು.

ಆದರೆ ಕಿರಣ್ ಅವರು 'ರಾಜ್' ಚಿತ್ರವನ್ನು ವಿದೇಶದಲ್ಲಿ ಬಿಡುಗಡೆ ಮಾಡಿರಲಿಲ್ಲ. ಈ ಹಿನ್ನೆಲೆಯಲ್ಲಿ ಡಾ.ಕಿರಣ್‌ ಅವರಿಗೆ ಚಂದ್ರು ಪ್ರಾಣಬೆದರಿಕೆ ಒಡ್ಡಿದ್ದರು ಎಂಬ ಆರೋಪ ಕೇಳಿಬಂದಿದೆ. ಈ ಸಂಬಂಧ ಪೊಲೀಸ್ ಠಾಣೆಯಲ್ಲಿ ಕಿರಣ್ ದೂರು ಸಲ್ಲಿಸಿದ್ದರು. ದಶಾವರ ಚಂದ್ರು ವಿರುದ್ಧ ಕೋರ್ಟ್ ದಸ್ತಗಿರಿಗೆ ಆದೇಶಿಸಿದೆ. (ಏಜೆನ್ಸೀಸ್)