Don't Miss!
- Sports ಕಮಿನ್ಸ್ ಟೆನ್ಷನ್ ಹೆಚ್ಚಿಸಿದ ಸ್ಟಾರ್ ಪ್ಲೇಯರ್ ನಿರ್ಧಾರ: ಎಸ್ಆರ್ಎಚ್ ತಂಡಕ್ಕೆ ಆರಂಭದಲ್ಲೇ ಪೆಟ್ಟು
- Lifestyle ಪಳ ಪಳ ಹೊಳೆಯುವ ಕೆಂಪು ನಾಗರ ನೋಡಿದ್ದೀರಾ..? ವೈರಲ್ ಆಗ್ತಿದೆ ವಿಡಿಯೋ..!
- Technology ಬಹುನಿರೀಕ್ಷಿತ ರಿಯಲ್ಮಿ ನಾರ್ಜೋ 70 ಪ್ರೊ 5G ಲಾಂಚ್!..ಇಯರ್ಬಡ್ಸ್ ಉಚಿತ!
- News ಜಗದೀಶ್ ಶೆಟ್ಟರ್ಗೆ ಬೆಳಗಾವಿ ಸ್ಪರ್ಧೆ ಮತ್ತಷ್ಟು ಜಟೀಲ: ಗೋಬ್ಯಾಕ್ ಅಭಿಯಾನ ಯಶಸ್ವಿ ಆಯ್ತಾ?
- Automobiles ನಟ ವಿಜಯ್ ನೋಡಲು ಬಂದ ಜನಸಾಗರ: ಅಭಿಮಾನಿಗಳಿಂದ ನಟನ ಕಾರಿಗೆ ಹಾನಿ!
- Finance ಬೆಂಗಳೂರಿನ ಮೇಘನಾ ಫುಡ್ಸ್ ಹೋಟೆಲ್ ಮಳಿಗೆಗಳ ಮೇಲೆ ಐಟಿ ದಾಳಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೊಡಿಮಗ ಇನ್ನು ಹ್ಯಾಟ್ರಿಕ್ ಹೊಡಿಮಗ!
ಹೊಡಿಮಗ ಎಂಬ ಶೀರ್ಷಿಕೆ ಹಿಂಸೆಯನ್ನು ಬಿಂಬಿಸುತ್ತದೆ ಮತ್ತು ಸಮಾಜದ ಮೇಲೆ ದುಷ್ಪರಿಣಾಮ ಬೀರುವ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ ಎಂದು ಸೆನ್ಸಾರ್ ಮಂಡಳಿಯ ಅಧ್ಯಕ್ಷ ಚಂದ್ರಶೇಖರ್ ಆಕ್ಷೇಪ ವ್ಯಕ್ತಪಡಿಸಿತ್ತು. ಆದರೆ, ಶೀರ್ಷಿಕೆಯನ್ನು ರಿಜಿಸ್ಟರ್ ಮಾಡಿಸಿಕೊಳ್ಳುವಾಗಲೇ ಏಕೆ ಆಕ್ಷೇಪ ವ್ಯಕ್ತಪಡಿಸಿದ್ದಿಲ್ಲ, ಸರ್ಟಿಫಿಕೇಟ್ ನೀಡುವ ಹಂತದಲ್ಲಿ ವ್ಯಕ್ತಪಡಿಸಿದ್ದೇಕೆ ಎಂದು ಚಿತ್ರದ ನಿರ್ಮಾಪಕ ವಿಎಸ್ ರಾಜಕುಮಾರ್ ಮತ್ತು ನಿರ್ದೇಶಕ ಪಿ ಸತ್ಯ ವಾದ ಮಂಡಿಸಿದ್ದರು.
ಈಗ ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯ ಮಧ್ಯಸ್ಥಿಕೆಯಿಂದಾಗಿ ವಿವಾದ ಬಗೆಹರಿದಿದೆ. ವಾಣಿಜ್ಯ ಮಂಡಳಿಯ ಪದಾಧಿಕಾರಿಗಳಾದ ಅಧ್ಯಕ್ಷೆ ಜಯಮಾಲಾ, ಖಜಾಂಚಿ ಸಾರಾ ಗೋವಿಂದು, ಕೆಸಿಎನ್ ಚಂದ್ರಶೇಖರ್, ಹೊಡಿಮಗ ಚಿತ್ರದ ನಿರ್ಮಾಪಕ, ನಿರ್ದೇಶಕ ಮತ್ತು ಸೆನ್ಸಾರ್ ಮಂಡಳಿ ಅಧ್ಯಕ್ಷ ಚಂದ್ರಶೇಖರ್ ಅವರು ಇಂದು ಭೇಟಿ ಮಾಡಿ ವಿವಾದಕ್ಕೆ ಕೊನೆಹಾಡಿದ್ದಾರೆ. ಶೀರ್ಷಿಕೆಗೆ ಒಪ್ಪಿಗೆ ನೀಡದಿದ್ದರೆ ಸೆನ್ಸಾರ್ ಮಂಡಳಿ ಮುಂದೆ ಧರಣಿ ಕೂಡುವುದಾಗಿ ನಿರ್ಮಾಪಕ ಮತ್ತು ನಿರ್ದೇಶಕರು ಈಮೊದಲು ಬೆದರಿಕೆ ಹಾಕಿದ್ದರು.
ಹೊಡಿಮಗ ಎಂಬ ಶೀರ್ಷಿಕೆ ಬದಲಾಗಿ ಹ್ಯಾಟ್ರಿಕ್ ಹೊಡಿಮಗ ಶೀರ್ಷಿಕೆಗೆ ಚಂದ್ರಶೇಖರ್ ಒಪ್ಪಿಗೆ ನೀಡಿದ್ದಾರೆ. ಹೊಡಿಮಗದಂದೆ ಹ್ಯಾಟ್ರಿಕ್ ಹೊಡಿಮಗ ಹಿಂಸೆಯನ್ನು ಧ್ವನಿಸುವುದಿಲ್ಲವಾದ್ದರಿಂದ ತಾತ್ತ್ವಿಕವಾಗಿ ಒಪ್ಪಿಗೆ ನೀಡಿದ್ದಾಗಿ ಹೇಳಿದ್ದಾರೆ. ಆದರೆ, ಒಂದು ನಿಬಂಧನೆಯನ್ನು ಮುಂದಿಟ್ಟಿದ್ದಾರೆ. ಹ್ಯಾಟ್ರಿಕ್ ಅಕ್ಷರ ಚಿಕ್ಕದಾಗಿದ್ದು, ಹೊಡಿಮಗ ಅಕ್ಷರ ದೊಡ್ಡದಾಗಿದ್ದರೆ ಒಪ್ಪಿಗೆ ನೀಡುವುದಿಲ್ಲ ಎಂದು ತಡೆಗೋಡೆ ಒಡ್ಡಿದ್ದರು. ಚಿತ್ರದ ನಿರ್ಮಾಪಕರು ಈ ಕರಾರಿಗೆ ಒಪ್ಪಿದ್ದರಿಂದ 'ಹ್ಯಾಟ್ರಿಕ್ ಹೊಡಿಮಗ' ಬಿಡುಗಡೆ ಇನ್ನು ಸುಗಮವಾಗಲಿದೆ.
ಹೊಡಿಮಗ ಚಿತ್ರದ ಶೀರ್ಷಿಕೆಯನ್ನು 'ಜೋಗಿ' ಚಿತ್ರದ ಹಾಡಿನ ಸಾಲಿನಿಂದ ಆರಿಸಲಾಗಿತ್ತು. ಆಕರ್ಷಣೆಗಾಗಿ ಮಾತ್ರ ಇಡಲಾಗಿದೆ, ಶೀರ್ಷಿಕೆಗೂ ಚಿತ್ರದ ಕಥಾವಸ್ತುವಿಗೂ ಸಂಬಂಧವಿಲ್ಲ ಎಂದು ಸಮಜಾಯಿಷಿ ನೀಡಲಾಗಿತ್ತು. ಅಂದಹಾಗೆ, ಚಿತ್ರದಲ್ಲಿ ಹ್ಯಾಟ್ರಿಕ್ ಹೀರೋ ಶಿವರಾಜಕುಮಾರ್ ಪ್ರಮುಖ ಭೂಮಿಕೆ ವಹಿಸಿದ್ದಾರೆ. ಅವರ ಜೊತೆಯಾಗಿ ನಿಕ್ಲೆಟ್ ಬರ್ಡ್ ಹೊಸ ನಾಯಕಿಯನ್ನು ಶಿವರಾಜ್ ಆರಿಸಿ ತಂದಿದ್ದಾರೆ.
ಚಿತ್ರದ ನಾಯಕ ಶಿವರಾಜ್ ಕುಮಾರ್ 'ಹ್ಯಾಟ್ರಿಕ್' ಹೀರೋ ಅನ್ನುವುದೇನೋ ಸರಿ. ಆದರೆ, ಚಿತ್ರ ಹ್ಯಾಟ್ರಿಕ್ ಹೊಡಿಮಗ ಏನನ್ನು ಧ್ವನಿಸುತ್ತದೆ? ನಾಯಕ ಯಾವುದರಲ್ಲಿ ಹ್ಯಾಟ್ರಿಕ್ ಹೊಡಿತಾನೆ ಚಿತ್ರ ಬಿಡುಗಡೆಯಾದ ನಂತರ ನೀವೇ ನೋಡಿ.
ಪೂರಕ
ಓದಿಗೆ
ಸೆನ್ಸಾರ್
ಮಂಡಳಿಯೊಂದಿಗೆ
'ಹೊಡಿಮಗ'
ಗುದ್ದಾಟ
'ಹೊಡಿಮಗ'
ಚಿತ್ರಕ್ಕೆ
ಸೆನ್ಸಾರ್
ಮಂಡಳಿ
ತಡೆ