»   » ಫಣಿಗೆ ಹೆಂಗಸರೆಲ್ಲ ಪೊರಕೇಲಿ ಹೊಡೀಬೇಕು- ವಿಷ್ಣುವರ್ಧನ್‌

ಫಣಿಗೆ ಹೆಂಗಸರೆಲ್ಲ ಪೊರಕೇಲಿ ಹೊಡೀಬೇಕು- ವಿಷ್ಣುವರ್ಧನ್‌

By Staff
Subscribe to Filmibeat Kannada
For Quick Alerts
ALLOW NOTIFICATIONS
For Daily Alerts

    ‘ಫಣಿ ರಾಮಚಂದ್ರನನ್ನು ಕನ್ನಡಿಗರೆಲ್ಲಾ ಒಟ್ಟಾಗಿ ಚಚ್ಚಿ ; ನನಗೇನಾದರೂ ಅವನು ಎದುರಾದರೆ ಹೊಡೆಯುತ್ತೇನೆ’
    - ಅಪ್ಪಟ ಸಾಹಸಸಿಂಹನ ಸ್ಟೈಲ್‌ನಲ್ಲಿ ವಿಷ್ಣು ಘರ್ಜಿಸಿದರು. ಸಿಂಹಕ್ಕೆ ಸಿಟ್ಟು ನೆತ್ತಿಗೇರಿತ್ತು . ಏಕ ವಚನ ಪ್ರಯೋಗ ಧಾರಾಳವಾಗಿತ್ತು . ಅಬ್ಬಯ್ಯನಾಯ್ಡು ಸ್ಟುಡಿಯೋದಲ್ಲಿ ನಡೆಯುತ್ತಿರುವ ‘ರಾಜ ನರಸಿಂಹ’ ಚಿತ್ರದ ಚಿತ್ರೀಕರಣದ ಸಂದರ್ಭದಲ್ಲಿ - ವಿಷ್ಣುವರ್ಧನ್‌ ಸುದ್ದಿಗಾರರೊಂದಿಗೆ ಮಾತನಾಡುತ್ತಿದ್ದರು. ಫಣಿ ರಾಮಚಂದ್ರ ಎನ್ನುವ ಮಾಜಿ ಸಿನಿಮಾ ನಿರ್ದೇಶಕ ಹಾಗೂ ಹಾಲಿ ಕಿರುತೆರೆ ನಿರ್ದೇಶಕನ ವಿರುದ್ಧ ವಿಷ್ಣು ಕೆಂಡಾಮಂಡಲವಾಗಿದ್ದರು. ಫಣಿ ಮಾಡಿದ ಮಹಾಪರಾಧವೆಂದರೆ- ‘ದರಿದ್ರ ಲಕ್ಷ್ಮಿಯರು’ ಧಾರಾವಾಹಿ ನಿರ್ದೇಶಿಸುತ್ತಿರುವುದು. ಧಾರಾವಾಹಿಯನ್ನು ಪ್ರಸಾರ ಮಾಡುತ್ತಿರುವ ಉದಯ ಟೀವಿಗೂ ಬೈಗುಳದ ಪಾಲು ಸಂದಾಯವಾಯಿತು.

    ಫಣಿ ರಾಮಚಂದ್ರ ನಮ್ಮ ಸಂಸ್ಕೃತಿಯ ಅವಹೇಳನ ಮಾಡುತ್ತಿದ್ದಾರೆ. ಇದೊಂದು ದೊಡ್ಡ ವಿಕೃತಿ ಎಂದು ವಿಷ್ಣು ವಿಷಾದ ವ್ಯಕ್ತಪಡಿಸಿದರು.ಲಕ್ಷ್ಮಿ , ಗೃಹಲಕ್ಷ್ಮಿ , ಮಹಾಲಕ್ಷ್ಮಿ ಎಂದು ಹೆಣ್ಣನ್ನು ಗೌರವಿಸುತ್ತೇವೆ. ಹೀಗಿರುವಾಗ ಫಣಿ ರಾಮಚಂದ್ರ ನಮ್ಮ ಸಂಸ್ಕೃತಿಯನ್ನು ತಿರುಚಿದ್ದಾರೆ. ‘ದರಿದ್ರ ಲಕ್ಷ್ಮಿಯರು’ ಎಂಬ ಶೀರ್ಷಿಕೆ, ಅದರಲ್ಲಿ ಹೆಣ್ಣನ್ನು ಬಿಂಬಿಸಿರುವ ರೀತಿ ಅಕ್ಷಮ್ಯ ಎಂದು ವಿಷ್ಣು ಕಿಡಿ ಕಾರಿದರು.

    ವಿಷ್ಣು ಮಾತಿನ ಮುಖ್ಯಾಂಶಗಳನ್ನು ಪಟ್ಟಿ ಮಾಡುವುದಾದರೆ-

    • ಉದಯ ಚಾನೆಲ್‌ನವರೊಂದಿಗೆ ನಾನು ಮಾತಾಡಿದೆ. ಧಾರಾವಾಹಿಯ ಹೆಸರು ಬದಲಿಸಿ ಎಂದು ಮನವಿ ಮಾಡಿದೆ. ಆದರೆ ಅವರು ಒಪ್ಪಲಿಲ್ಲ . ನಿರ್ದೇಶಕರ ಪರಿಕಲ್ಪನೆ ಬೇರೆಯೇ ಇದೆ ಎಂದು ವಿಷಯ ತೇಲಿಸಿದರು.
    • ಇದು ಸಂಸ್ಕಾರ ಉಳ್ಳವರು ಮಾಡುವ ಕೆಲಸ ಅಲ್ಲ ಎಂದು ಫಣಿ ರಾಮಚಂದ್ರನಿಗೂ ಹೇಳಿದ್ದೇನೆ.
    • ದರಿದ್ರ ಲಕ್ಷ್ಮಿಯರು ಎನ್ನುವ ಶೀರ್ಷಿಕೆ ಬದಲಿಸದಿದ್ದಲ್ಲಿ ಆತನನ್ನು ಕಂಡಲ್ಲಿ ಹೊಡೆಯಿರಿ ಎಂದು ಜನರಿಗೆ ಹೇಳುತ್ತೇನೆ. ಹಿಂದೂ ಧರ್ಮವಲ್ಲದೆ ಬೇರಾವುದೇ ಧರ್ಮದಲ್ಲಿ ದೇವರನ್ನು ಹೀಗೆಲ್ಲಾ ಬಳಸಿಕೊಂಡಿದ್ದರೆ ದೊಡ್ಡ ಗಲಭೆಯೇ ಆಗುತ್ತಿತ್ತು .
    • ಬೇಕಾದರೆ ಧಾರಾವಾಹಿಯಲ್ಲಿ ‘ಫಣಿ ರಾಮಚಂದ್ರನ ದರಿದ್ರಲಕ್ಷ್ಮಿ’ ಎಂದು ಹಾಕಿಕೊಳ್ಳಲಿ.
    • ಹೆಣ್ಣನ್ನು ದರಿದ್ರಲಕ್ಷ್ಮಿ ಎಂದು ಜರಿಯುವುದಕ್ಕೆ ಅವನ್ಯಾರು. ಅವನೇನು ವ್ಯಾಸನೋ, ವಾಲ್ಮೀಕಿಯೋ?
    • ಜನರು ಇಂಥದ್ದೆಲ್ಲ ಪ್ರತಿಭಟಿಸಬೇಕು. ಮಹಿಳೆಯರು ಫಣಿ ಮನೆ ಮುಂದೆ ಹೋಗಿ ಧರಣಿ ಕೂರಬೇಕು. ಆ ಪ್ರತಿಭಟನೆಗೆ ನಾನು ಬೆಂಬಲ ನೀಡುತ್ತೇನೆ. ಆತನಿಗೆ ಪೊರಕೆಯಿಂದ ಹೊಡೆಯಬೇಕು.
    • ಏನು ಮಾಡಿದರೂ ನಡೆಯುತ್ತದೆ ಎಂದು ಫಣಿ ಭಾವಿಸಿದಂತಿದೆ. ಜನ ಅವನಿಗೆ ಬುದ್ಧಿ ಕಲಿಸಬೇಕು.
    • ಫಣಿ ರಾಮಚಂದ್ರರನ್ನು ಪ್ರೆಸ್‌ಕ್ಲಬ್‌ಗೆ ಕರೆಸಿ ಪತ್ರಕರ್ತರು ಪ್ರಶ್ನಿಸಬೇಕು. ಸಭೆ ನಡೆಸುವುದಾದರೆ ಆ ಸಭೆಗೆ ನಾನೂ ಬರಲು ಸಿದ್ಧ.
    ಸಿಂಹ ಘರ್ಜನೆ ಮುಂದುವರಿಯುತ್ತಿತ್ತು .

    Post your Views

    ಪೂರಕ ಓದಿಗೆ
    ಫಣಿ ರಾಮಚಂದ್ರ ಮೇಲೆ ಹೆಂಗಸರ ಫಣಿ !?

    ಮುಖಪುಟ / ಸ್ಯಾಂಡಲ್‌ವುಡ್‌

    ಭಾರತದ ಅತೀದೊಡ್ಡ ರಾಜಕೀಯ ಸಮೀಕ್ಷೆ. ನೀವು ಭಾಗವಹಿಸಿದ್ದೀರಾ?

    Kannada Photos

    Go to : More Photos

    ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more